Ibrani 13:3 - Kaili Ledo

³ Toramo bo tulungimo tona nitarunggu evamo komiu mboto nitarunggu nosanggani-nggani ante ira. Bo toramo bo tulungimo tona nipakasusa sabana pomparasayara, evamo kasusamiu mboto.

Ibrani 13:3 Iomraidhean Croise

Matius 25:36

Tempo Yaku ledo ria pakeaKu, nidekeimiu ka Yaku pakea. Tempo Yaku nadua komiu nompelioda Yaku. Tempo Yaku nitarunggu komiu nakava nanggita Yaku.’

Matius 25:43

Yaku tosangatana tapi ledo nitarimamiu Yaku ri banuamiu. Yaku ledo nopakea tapi ledo nidekeimiu pakea ka Yaku. Yaku nadua bo nitarunggu, tapi komiu ledo nakava nompelioda Yaku.’

Suro-Suro 24:23

Naupu haitu niparentana balengga ntantara ala i Paulus batena rajagai. Tapi nau nijagai, ledo nitarunggu ntoto apa nidekeira ia nolipa-lipa sakide bo ledo nitagi roana nakava mantulungi ia.

Suro-Suro 27:3

Kamailena haitu, kapala kami nesampo ri ngata Sidon. I Yulius nabelo mpuu nte i Paulus, sampe nidekeina i Paulus hau nanggita roa-roana ri ngata Sidon ala mamala radekeira ka ia bara nuapa raparaluuna.

Roma 12:15

Ane roamiu madamba, komiu kana madamba mosanggani-nggani ante ia, bo ane roamu motumangi nabuku rarana, komiu kana motumangi mosanggani-nggani ante ia.

1 Korintus 12:26

Ane nadua sangu sipa, pura-pura sipa nu karo haitu nombarasaina muni. Ane sangu sipa nibila, pura-pura sipa nu karo muni nadamba.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

Kolose 4:18

Tabe lako nte yaku, i Paulus. Bagia hitu nitulisi ante paleku mboto. Toramo, yaku da nitarunggu. Kuperapi Alatala bate-batena mabelo nte komiu pura-pura. Tabe lako nte yaku, Paulus

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

Ibrani 11:37

Naria muni tona nirempe vatu sampe namate bo naria tona nigaragaji pakapudu, bo naria tona nipatesi ante guma. Ira nolinja-linja nangelo katuvua, bo pakeara aga kulimba nu bimba bo tovau. Ira mpuu-mpuu napepa, ira nipakasusa bo nipandasa.

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.