Ibrani 13:25 - Kaili Ledo

²⁵ Kuperapi Tupu mombadekei belo ka komiu pura-pura.

Ibrani 13:25 Iomraidhean Croise

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.

Roma 16:23

Tarima muni tabe lako nte i Gayus. Yaku i Paulus, nipalogana nonturo ri banuana, bo topomparasaya ri sii muni biasa nasiromu nodade ri banuana. Tarimamo tabe lako nte i Erastus, topompasiayu doi ri ngata hitu. Bo tarima muni tabe lako nte sampesuvuta i Kwartus.

Efesus 6:24

Kuperapi Alatala bate-batena nabelo nte pura-pura tona anu ledo naupu-upu nompotove Tuputa Yesus Kristus. Amin. Tabe lako nte yaku Paulus

Kolose 4:18

Tabe lako nte yaku, i Paulus. Bagia hitu nitulisi ante paleku mboto. Toramo, yaku da nitarunggu. Kuperapi Alatala bate-batena mabelo nte komiu pura-pura. Tabe lako nte yaku, Paulus

2 Timotius 4:22

Kuperapi i Pue Yesus momporoa iko, Timotius. Kuperapi Ia bate-batena mabelo nte komiu pura-pura. Tabe lako nte yaku, Paulus

Titus 3:15

Nadea tabe lako nte pura-pura sampesuvuta anu naria nte yaku ri sii. Pakavote tabe kami ka sampesuvuta sampomparasaya ri situ anu nompotove kami. Kuperapi Alatala bate-batena mabelo nte komiu pura-pura. Tabe lako nte yaku, Paulus

Yakobus 1:1

Sura hitu lako nte yaku, i Yakobus. Yaku batua nu Alatala bo batua i Pue Yesus Kristus. Nadea tabe ka komiu todea nu Alatala ri njumangu dunia.

Pompakita 22:21

Kuperapi i Pue Yesus mombadekei belo ka pura-pura todea nu Alatala. Amin.