Ibrani 13:2 - Kaili Ledo

² Nee makaja raramiu mantarima torata makava ri banuamiu naupa torata haitu ledo nisanimiu, sabana nariamo sanu tona nantarima bo nantande torata ledo nisanira, tano mai toratara haitu malaeka nu Alatala.

Ibrani 13:2 Iomraidhean Croise

Matius 25:35

Sabana tempo naara taiKu, nipakandemiu. Tempo nabai tamboloKu, nipainumiu. Nau Yaku tosangatana, nitarimamiu ri banuamiu.

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Matius 25:43

Yaku tosangatana tapi ledo nitarimamiu Yaku ri banuamiu. Yaku ledo nopakea tapi ledo nidekeimiu pakea ka Yaku. Yaku nadua bo nitarunggu, tapi komiu ledo nakava nompelioda Yaku.’

Suro-Suro 16:15

Naupu haitu i Lidia sambanua nidiu, tandana ira topangoseaka i Yesus. Naupu ira nidiu, i Lidia nombagaga kami hau ri banuana. Niulina, “Nikitamiu yaku hii mpuu-mpuu nomparasaya i Pue Yesus. Jadi kamaimo monturo ri banua kami.” Nipasimbukuna kami hau ri banuana.

Roma 12:13

Tulungimo roa sampomparasaya anu napepa, bo tarimamo torata riara banuamiu.

Roma 16:23

Tarima muni tabe lako nte i Gayus. Yaku i Paulus, nipalogana nonturo ri banuana, bo topomparasaya ri sii muni biasa nasiromu nodade ri banuana. Tarimamo tabe lako nte i Erastus, topompasiayu doi ri ngata hitu. Bo tarima muni tabe lako nte sampesuvuta i Kwartus.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

Titus 1:8

Tona raanggataka majadi pakeni ntopomparasaya kana majoi rarana mantarima torata riara banuana, bo nompokono anu nabelo. Ia kana nanoto, nanoa, bo nagasa katuvuna, bo kana rapakulena mombatidamaka dota nu rarana mboto.

1 Petrus 4:9

Komiu kana majole mantarima torata riara banuamiu bo nemo mongau-ngau.

3 Yohanes 1:5

Vegaku, pokainggumu nosinggambela nte pomparasayamu tempo iko nantulungi sampesuvuta sampomparasaya anu nesai nte iko. Nau iko dopa nosisani ante ira, iko batena nombatulungi ira.