Ibrani 13:14 - Kaili Ledo

¹⁴ Apa ri dunia hitu ledo ria ponturota naroo, tapi kita nanjarumaka ponturo nabelopa ri suruga ri tempo makava.

Ibrani 13:14 Iomraidhean Croise

1 Korintus 7:29

Sampesuvu-sampesuvuku, patujuku ivei: kita topomparasaya kana mantora tempota domo masae. Jadi nompamula sii-sii tona nobereimo nee aga mompekirika bereina.

2 Korintus 4:17

Kasusa nirasai kami ri dunia hitu nangaa bo aga sampalai. Bo kami mantarima belo sampe ri kasae-saena sabana nitidamaka kami riara kasusa haitu. Kasusa nirasai kami sii-sii aga sakide kodi ane rapoposisala ante belo ratarimata bara maipia.

Efesus 2:19

Jadi, sampesuvu-sampesuvu ledo toYahudi, bara ipia komiu aga nireke ntona tosangatana, bo ledo todea nu Alatala. Tapi sii-sii domo ivesia. Sii-sii komiu nosamporoa nte todea nu Alatala. Komiu najadi nosambanua ante pura-pura ana-ana nu Alatala.

Filipi 3:20

Tapi ledo ivesia pokaingguta, sabana kita todea nu suruga. Bo lako ri suruga muni makava Tuputa i Yesus Kristus, Topepakasalama anu nipopeata ante lentora nu rarata.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

Ibrani 12:22

Tapi ledo ivesia komiu. Komiu nantarima pojanji nu Alatala nabaru, komiu nantingayo Bulu Sion, ngata nu Alatala anu matuvu sampe ri kasae-saena, haitumo ngata Yerusalem ri suruga. Komiu nantingayo nenjobu-njobu malaeka anu nasiromu madamba-damba.

Ibrani 12:27

TesaNa “sangganipa” haitu, batuana, pura-pura anu nipajadiNa kana ragoyaNa bo rapakalipoNa ala aga anu ledo nogoya maboli.

Ibrani 2:5

Ledo malaeka-malaeka nanggava kuasa lako nte Alatala moparenta ri dunia nabaru bara maipia, haitumo dunia nitesata ri sii.

Ibrani 4:9

Jadi da nariapa loga ka kita todea nu Alatala menonto mosanggani-nggani ante Ia nasimbayu mpo penontoNa ri eo kapapituna.

Ibrani 9:11

Tapi i Kristus nakava mpo Pakeni nTopanggeni Pesomba anu nanggeni kabelona nirasaita mamimo. Ia noliu riara Tenda nTupu anu nelabi kaogena bo nelabi kabelona pade Tenda nTupu ri dunia hitu, bo nesua ri Tombi Nelabi Kagasana ri suruga. Tenda nTupu ri suruga haitu ledo nipovia mpale manusia, batuana, ledo nopuna lako ri dunia hitu. Tempo i Kristus nesua ri Tenda haitu aga sanggani sampe ri kasae-saena. Ia ledo nanggeni raa ntovau lakina atau raa ana japi rapesombaNa, tapi raaNa mboto nikeniNa. Ivesiamo Ia nombakabasaka kita lako ri dosata sampe ri kasae-saena.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

Pompakita 3:12

Isema-sema padagi, ia masimbayu mpo tinja naroso ri banua nTuamaku Alatala. Ia matetida ri suruga sampe ri kasae-saena. Bo ri karona Kutulisi sanga nTuamaku Alatala, bo sanga nu ngata nTuamaku Alatala, haitumo Yerusalem nabaru anu manau lako nte Tuamaku Alatala ri suruga. Bo sangaKu mboto nabaru kana Kutulisi ri karona.