Ibrani 13:12 - Kaili Ledo

¹² Ivesia muni najadi ante i Yesus. Ia nikeni ri savaliku bobaa ngata Yerusalem bo nipatesi. Ia namate ala raaNa majadi pesomba posompo dosa anu nompakalali dosa ntodeaNa.

Ibrani 13:12 Iomraidhean Croise

Lukas 4:29

Jadi neanggamo ira nompopalai i Yesus mesuvu lako ri ngatara, bo nikenira Ia hau ri tinggi nu bingge nipongatara haitu. Patujura mombajunuaka Ia lako ri tinggi bingge langa haitu.

Yohanes 17:19

Tata, Kudekei katuvuKu ka Komiu bo novia dotaMiu, ala manggeni belo ka anaguruKu, haitumo ala ira mpuu-mpuu mangoseaka pepatuduki nakana bo majadi todeaMiu nagasa.”

Yohanes 19:34

Tapi naria saito tantara nombatosu usu i Yesus ante tavalana. Niosunapa tavala haitu, kaliu-liu nesuvumo raa ante uve lako ri usu i Yesus.

Suro-Suro 7:58

Nidiisakara hau ri savaliku ngata, bo nirempera vatu. Sabi-sabi mpodava ri Polibu Mbaso pangane, nombavonju bajura bo nibolira nte tona nosanga i Saulus, ala mabelo ira mombarempe i Stefanus.

1 Korintus 6:11

Bara ipia bara sako-ndua komiu nokainggu ivesia muni. Tapi katuvumiu nipakagasa nu Alatala. Komiu najadi todeaNa nipatani ka Ia, bo komiu nipakanoa ri panggitaNa. Haitu pura-pura najadi ante kuasa Nosa Gasa nu Alatala sabana komiu nomparasaya i Pue Yesus Kristus.

Efesus 5:26

PatujuNa ala kita majadi todea nu Alatala. NipegasaNa kita nadosa sabana kita nomparasaya tesaNa bo kita nidiu nte uve tandana kita topangoseaka Ia.

Ibrani 10:10

Bo i Kristus nangoseaka dota nu Alatala, haitumo nidekeiNa karoNa mboto majadi pesomba posompo dosa. Pesomba haitu aga sanggani, ledo paraluu rasili, apa naganamo sampe ri kasae-saena. Ivesiamo dosata pura-pura nipakalali.

Ibrani 10:29

Ane ivesia pehuku ka tona nombasapuaka Atura agama, nemopa ka tona anu nompojejea Ana nu Alatala. Tona haitu nompandaente raa i Yesus, tano raa haitumo nompakaasa pojanji nu Alatala bo nompakalali dosana. Bo tona haitu muni nanjalai Nosa Gasa anu nompopaisani pepotove nu Alatala ka todeaNa.

Ibrani 2:11

I Yesus nompegasa katuvuta nadosa. Kita anu nipegasaNa bo Ia anu nompegasa kita nosangu Tuama. Haitu sampe i Yesus ledo naeya mataNa nanguli kita sampesuvuNa.

Pompakita 14:20

Jadi vua anggur haitu nipea ri pompea vua anggur ri savaliku ngata. Bo noilimo raa lako ri pompea haitu mpo binangga kaogena, kakavao poili raa haitu talu-atu kilo kakavaona bo kandalana nitasere sametere santanga.