Ibrani 12:5 - Kaili Ledo

⁵ Nee rakalingasimiu tesa lako ri Buku Gasa anu nompangajari kita, nasimbayu mpo totua nompangajari ngana-ngana, ivei: “Anaku, nee rasapuaka pepatuduki nTupu. Nee maupu raramu ane raonteakaNa iko.

Ibrani 12:5 Iomraidhean Croise

Lukas 24:6

Domo naria Ia ri sii. Natuvu mpanjilimo Ia! Toramo anu nitesaNa ka komiu tempo Ia da naria ri bagia Galilea.

Lukas 24:8

Nangepe anu niuli nu malaeka haitu, nitoraramo tesa i Yesus bara ipia.

1 Korintus 11:32

Tapi ane rapana kita rapambela pehuku nu Alatala sii-sii, patujuNa kita rapatuduki ala nee sampe kita rapakaropu mosanggani-nggani ante tona ri dunia anu ledo natundu nte Alatala.

Galatia 6:9

Sabana haitu, nee mabasa rarata movia anu nabelo, sabana ane ledo maupu rarata movia anu nabelo, makava tempona ratarimata aselena.

1 Timotius 1:20

evamo i Himeneus bo i Aleksander. Nidekeikumo ira randua riara kuasa Magau nu Seta ala rahuku, ala domo rasalaira Alatala.

Ibrani 12:7

Jadi sampesuvu-sampesuvu, komiu kana mombatidamaka riara kasusa bo kapari nirasaimiu. Tarimamo haitu mpo pepatuduki lako nte Tuamamiu Alatala, sabana komiu nirekeNa ana-anaNa mboto. Berimba? Naria ngana ledo niboba bo nipatuduki ntuamana? Natantumo ledo ria!

Ibrani 13:22

Sampesuvu-sampesuvu, kuperapi nte komiu posabaramo mangepe tesa nitulisiku hitu, sabana suraku hitu ledo nandoe ntoto.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

Pompakita 3:19

Isema-sema nipotoveKu, Kuonteaka bo Kujeani ala mompatuduki ira. Haitu sampe Kuuli ka komiu, pakadidi raramiu bo kajeamo lako ri dosamiu.