Ibrani 12:22 - Kaili Ledo

²² Tapi ledo ivesia komiu. Komiu nantarima pojanji nu Alatala nabaru, komiu nantingayo Bulu Sion, ngata nu Alatala anu matuvu sampe ri kasae-saena, haitumo ngata Yerusalem ri suruga. Komiu nantingayo nenjobu-njobu malaeka anu nasiromu madamba-damba.

Ibrani 12:22 Iomraidhean Croise

Matius 16:16

Nesana i Simon Petrus, “Komiu Magau Topepakasalama anu nijanji nu Alatala. Komiu Ana nu Alatala anu natuvu sampe ri kasae-saena.”

Matius 5:35

Nee mosumpa ante manguli dunia, sabana dunia hitu polampi kada nu Alatala. Nee mosumpa ante manguli Yerusalem, sabana Yerusalem ngata nu Magau anu nambaso kuasaNa.

Roma 11:26

Jadi maupu sia pade rapakasalama pura-pura toIsrael. Kajadia haitu nitulisi ri Buku Gasa ivei: <

Roma 9:26

Bo ri umba nipanguli nu Alatala ka ira, , ri situ munimo, ira rauli ana-ana nu Alatala anu Natuvu.>> Hosea 1:10

Galatia 4:26

Tapi i Sara nirapaka Yerusalem ri suruga. I Sara nireke tinata, sabana ia ledo najadi batua, bo kita ledo nipobatua nu Atura agama.

Efesus 2:19

Jadi, sampesuvu-sampesuvu ledo toYahudi, bara ipia komiu aga nireke ntona tosangatana, bo ledo todea nu Alatala. Tapi sii-sii domo ivesia. Sii-sii komiu nosamporoa nte todea nu Alatala. Komiu najadi nosambanua ante pura-pura ana-ana nu Alatala.

Filipi 3:20

Tapi ledo ivesia pokaingguta, sabana kita todea nu suruga. Bo lako ri suruga muni makava Tuputa i Yesus Kristus, Topepakasalama anu nipopeata ante lentora nu rarata.

1 Tesalonika 1:9

Ira mboto notesa ka kami berimba komiu toTesalonika nantarima kami tempo kami nakava nte komiu bara ipia. Bo nitesara muni berimba komiu nenonto netupu nte viata-viata bo nompamula netupu nte Alatala anu natuvu bo nakana.

2 Timotius 4:18

Bo niparasayaku i Pue bate-batena mombakabasaka yaku lako ri pura-pura anu nadaa bo manggeni yaku ante masalama mesua ri PoparentaNa ri suruga. Ia masipato rabila bo ratoiya sampe ri kasae-saena! Amin.

Ibrani 10:31

Natantumo maviora mpuu rara ntona anu mambela pehuku lako nte Alatala anu natuvu sampe ri kasae-saena!

Ibrani 11:10

I Abraham nosabara nonturo ri tenda mpo topesovo sabana ia da nantongoraka ponturo ri ngata anu maria sampe ri kasae-saena, ngata niponia bo nibangu nu Alatala.

Ibrani 11:16

Tapi ira nalentoraka ngata anu nabelopa, haitumo ngata ri suruga. Jadi Alatala ledo naeya mataNa ane Ia niuli Tupura apa naria mami ngata nipakasadiaNa ka ira.

Ibrani 13:14

Apa ri dunia hitu ledo ria ponturota naroo, tapi kita nanjarumaka ponturo nabelopa ri suruga ri tempo makava.

Ibrani 3:12

Jadi sampesuvu-sampesuvuku, komiu kana mainga ala nee maria komiu majadi madaa bo ledo momparasaya sampe motubengosi Alatala anu natuvu sampe ri kasae-saena!

Ibrani 9:14

nemopa raa i Kristus anu nelabipa kabisana! I Kristus nombadekei karoNa mboto ka Alatala najadi pesomba anu ledo ria kakurana. Haitu nipoviaNa ante petulungi Nosa Gasa, anu naria sampe ri kasae-saena. Raa i Kristus nompakagasa rara ntaita lako ri pokaingguta ledo ria gunana ala kita mamala metupu nte Alatala anu natuvu sampe ri kasae-saena.

Yudas 1:14

I Henokh, muli kapitu-ntapina lako nte i Adam, nombaboto pehuku nu Alatala ka guru-guru mpodava gahaitu ivei: “Epemo! Tupu makava bara maipia ante monjobu-njobu malaekaNa

Pompakita 14:1

Naliu haitu naria vai anu nipopakita ka yaku. Nikitaku Ana Bimba neangga ri bavo Bulu Sion nosanggani-nggani ante saatu patapulu bo pata-njobu tona. Bo sanga nu Ana Bimba bo sanga nTuamaNa Alatala nitulisi ri kirera.

Pompakita 21:10

Bo yaku nikuasai Nosa Gasa nu Alatala bo nikeni nu malaeka hau ri bavo bulu anu nambaso bo nalanga. Lako ri bavo bulu haitu nituduakana ka yaku ngata nu Alatala anu nosanga ngata Yerusalem nanau lako nte Alatala ri suruga.

Pompakita 21:2

Bo nikitaku muni ngata nu Alatala, ngata Yerusalem nabaru nanau lako nte Alatala ri suruga. Nagaya mpuu ngata haitu mpo boti mombine nopakea nagaya nasadia raala boti langgai.

Pompakita 22:19

Bo isema-sema mompakalipo isi tesa pombaboto ri buku hitu, Alatala mangala bagiana, haitumo, ia ledo radekei mangande vua lako ri Kayu Katuvua bo ledo radekei mesua riara ngata nu Alatala mpo niuli riara buku hitu.

Pompakita 3:12

Isema-sema padagi, ia masimbayu mpo tinja naroso ri banua nTuamaku Alatala. Ia matetida ri suruga sampe ri kasae-saena. Bo ri karona Kutulisi sanga nTuamaku Alatala, bo sanga nu ngata nTuamaku Alatala, haitumo Yerusalem nabaru anu manau lako nte Tuamaku Alatala ri suruga. Bo sangaKu mboto nabaru kana Kutulisi ri karona.

Pompakita 7:2

Bo nikitaku munimo saito malaeka ntanina nesuvu lako ri mpandakena. Nikenina mere lako nte Alatala anu Natuvu. Bo nongaremo ia ante suara namangga ka ampa malaeka pangane, anu nidekei nu Alatala ka kuasa mompakagero kabatana bo tasi.