Ibrani 12:13 - Kaili Ledo

¹³ Osemo dala nalumbu ala kadamiu nakejo ledo matepakodu, tapi maroso mpanjili.

Ibrani 12:13 Iomraidhean Croise

Lukas 3:5

Lembana kana raisi, bulu bo bunti-buntina kana rapakarano. Dala noleko-leko kana rapakanoro bo lovu-lovu kana raivu pakarata.

Galatia 2:14

Tapi nikitaku pokainggura haitu ledo nosinggambela ante pepatuduki nakana lako ri Kareba Belo. Haitu sampe nionteakaku i Petrus ri ngayora pura-pura ivei: “Komiu toYahudi, tapi komiu mboto nabiasa natuvu mpo tona ledo toYahudi, komiu domo paraluu mangoseaka ada ntoYahudi. Jadi rapokuya rapasuukamiu tona ledo toYahudi mangoseaka ada ntoYahudi?”

Galatia 6:1

Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.