Ibrani 11:36 - Kaili Ledo

³⁶ Naria muni tona nipongei-ngeika bo nicambu pakandasa, bo naria tona nibalanggu bo nisuaraka riara ntarunggu.

Ibrani 11:36 Iomraidhean Croise

Matius 20:19

Maupu haitu Yaku radekeira ka tona ledo toYahudi. Bo Yaku rapongei-ngeikara bo racambu pakandasa, bo kaupuna Yaku rapaku ri kayu salib sampe mamate. Tapi ri eo katataluna Yaku rapakatuvu mpanjili.”

Matius 21:35

Tapi topokarajaa talua haitu nombasaka batua nituduna, saito nibobara, saito nipatesira, bo saito nirempera ante vatu.

Matius 23:34

Pariaramo! Kutudu nabi-nabi bo tona nanoto bo guru-guru tou mompatuduki tesaKu ka komiu. Sanu rapatesimiu, sanu rapakumiu ri kayu salib, bo sanupa racambumiu riara banua-banua petupumiu. Bo sanupa raraga-ragamiu lako ri sangu ngata hau ri ngata ntanina.

Matius 27:26

Naupu haitu i Pilatus nombakabasaka i Barabas ka ira. Bo nituduna tantarana mombacambu i Yesus bo mombapaku Ia ri kayu salib.

Markus 10:34

Yaku kana rapongei-ngeikara bo ratoveulusira. Bo Yaku racambura bo rapatesira. Tapi ri eo katataluna Yaku matuvu mpanjili.>>

Lukas 18:32

Yaku kana radekei ka tona ledo toYahudi. Yaku rabirisikara mata, rapongei-ngeikara, bo ratoveulusira.

Lukas 23:11

Jadi Magau Herodes ante tantarana nanjalai Ia bo nipongei-ngeikara. Nipopasuakara baju magau ka i Yesus, pade nikenira mpanjili ka Gubernur Pilatus.

Lukas 23:36

Tantara muni nompongeika Ia. Ira nanggaparai i Yesus bo nombaduduaka uve anggur napoi ka Ia.

Suro-Suro 21:33

Jadi tadulako haitu nombasaka i Paulus, bo nituduna tona nombarante ia ante rompenga rante. Naupu sia nipekutanana ka todea, “Isema tona hitu? Nuapa nipoviana?”

Suro-Suro 24:27

Rompae kaliuna, i Feliks nisambei, bo i Perkius Festus najadi gubernur ri bagia haitu. Tempo nolinja i Feliks, ia madota mangala rara ntoYahudi, jadi nipalambanamo i Paulus riara ntarunggu.

Suro-Suro 4:3

Jadi nisakara randua suro haitu bo nisuarakara riara ntarunggu. Tempo haitu nabongimo, dopa namala ira ratangara. Jadi i Petrus bo i Yohanes nitaha ri sia sampe maile mpadondo.

Suro-Suro 5:18

Nisakara suro-suro, bo nisuarakara riara ntarunggu ngata.

Suro-Suro 5:40

Bo nipokiora suro-suro mesua mpanjili. Nakava ri sia, suro-suro haitu niporo pade nitagi vai: “Tumo mompatuduki kareba i Yesus ka tona!” Naupu sia pade nikabasakamo.

Suro-Suro 8:3

I Saulus nompasimbuku njuu mompandasa topangoseaka i Yesus ala domo raparasayara i Yesus. Nipebutuna banuara nipesuana bo isema-sema nomparasaya i Yesus, langgai bo mombine, niumbunjaina ri savalikuna bo nisuarakana riara ntarunggu.

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

2 Timotius 1:16

Tapi kuperapi i Pue Yesus maasi mataNa nte gi Onesiforus sambanua, sabana nadea ngganimo ia nakava nompakadamba raraku. Nau yaku nitarunggu, ledo naeya matana nanggita yaku.

2 Timotius 2:9

Yaku hii nipandasa sabana nompatolele Kareba Belo haitu. Yaku nipou rante nasimbayu mpo tona nadaa. Tapi Tesa nu Alatala ledo namala rarante, kana matolele ri umba-umba.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.