Ibrani 11:3 - Kaili Ledo

³ Lako ri pomparasayata, nisanita dunia nipajadi nu Alatala ante TesaNa. Jadi, anu nikita nipajadi lako ri anu ledo nikita.

Ibrani 11:3 Iomraidhean Croise

Yohanes 1:3

Iamo nipopale nu Alatala nompajadi pura-pura anu naria. Nau sangaya ledo ria rapajadi ane ledo lako nte Ia.

Suro-Suro 14:15

“Nemo! Nee mpuu rasombamiu kami! Kami hii manusia biasa nasimbayu mpo komiu! Kami nakava ri sii mompatolele Kareba Belo ka komiu ala komiu mompalaisi kabiasamiu anu ledo naria gunana, evamo nombasomba viata-viata. Komiu kana metupu nte Alatala anu natuvu sampe ri kasae-saena. Iamo nompajadi langi, tana, tasi, bo pura-pura isina.

Suro-Suro 17:24

Alatala nompajadi dunia bo pura-pura isina. Iamo Tupu nu langi bo tana. Bo Ia ledo nonturo ri banua pesomba nipovia nu manusia.

Roma 4:17

Riara Buku Gasa tesa nu Alatala ka i Abraham nitulisi ivei: <> Bo i Abraham nomparasaya tesaNa. Alatalamo nakuasa nompakatuvu tomate, bo nipakuleNa nombasovadaka tesaNa nanggasangai anu dopa naria, najadi naria.

1 Korintus 2:7

Kapande nipatolele kami, iamo kapande lako nte Alatala. Kapande haitu ledo nisani ntona ri dunia. Tapi dopame dunia nipajadi, Alatala nonia mamimo mompopaisani kapandeNa haitu ka kita sii-sii. Haitu nipoviaNa ala manggeni belo ka kita.

1 Timotius 4:5

Kandea haitu nagasa sabana Tesa nu Alatala nanguli nagasa bo sabana posambayata.

Ibrani 1:2

Tapi ri tempo nggapuri hitu AnaNa mbotomo nompasimbayu tesaNa ka kita. AnaNa haitu nipopale nu Alatala nompajadi dunia, bo Alatala nompakatantu AnaNa haitumo masipato majadi tupuna pura-pura anu naria.

Ibrani 6:5

Nirasairamo Tesa nu Alatala nabelo bo nirasairamo kuasa lako ri dunia baru nu Alatala.

2 Petrus 3:5

Tona notesa ivesia, nitunggaira nombakalingasi anu najadi bara ipia, haitumo, Alatala nompajadi langi nggaulu ante tesaNa, bo ante tesaNa muni tana nipajadiNa lako ri uve bo kabatana neumba lako ri tatanga nu uve.

Pompakita 4:11

“O, Alatala, Tupu kami, aga Komiu masipato ratoiya bo rabila kami. Aga Komiumo nakuasa, Komiumo nompajadi pura-pura anu naria. Bo lako ri dotaMiu mboto sampe pura-pura haitu nipajadi bo naria.”