Ibrani 11:25 - Kaili Ledo

²⁵ Nipokononapa mombarasai kasusa bo kapari mosanggani-nggani ante todea nu Alatala pade mombarasai kasana aga sampalai lako ri katuvu nadosa.

Ibrani 11:25 Iomraidhean Croise

Matius 13:21

Tapi ledo naroso pomparasayara, nasimbayu eva tuda-tuda ledo naroso pokalena. Tempo ira nipandasa bo nipakasusa sabana nomparasaya Tesa haitu, kaliu-liu nouramo pomparasayara.

Lukas 16:25

Tapi nesana i Abraham, ‘Toramo anaku, tempo iko ri dunia, nikavamu puramo belona, tapi i Lazarus aga nanggava anu nadaa. Sii-sii ia nipakadamba, bo iko nipandasa.

Suro-Suro 7:34

NikitaKu bo nipariaraKu kandasa ntodeaKu ri tana Mesir. Bo niepeKumo pekakaira nerapi tulungi. Haitu sampe Yaku nanau mombakabasaka ira. Jadi panggalivomo, iko Kutudu manjili hau ri tana Mesir mombakabasaka ira!’ Ivesiamo tesa nu Alatala ka i Musa.

Roma 5:3

Bo ledo aga haitu, kita nadamba sabana nirasaita kasesa bo kapari, apa nisanita lako ri kasesa bo kapari haitu rarata majadi maroso.

2 Korintus 5:17

Ane tona nosangu rara ante i Kristus, ia najadi manusia nabaru. Katuvuna nggaulu naliumo bo katuvuna nabaru mpuu-mpuu nariamo.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

2 Timotius 1:8

Jadi, nee maeya matamu motesaki Tuputa i Yesus, bo nee maeya matamu manggita yaku nitarunggu sabana pokarajaaku nompatolele Kareba i Yesus. Tapi iko kana masadia mantingayo kasusa nasimbayu mpo yaku sabana iko nompatolele Kareba Belo. Bo Alatala mombadekei kuasa ka iko mantingayo kasusa haitu.

Ibrani 10:32

Tapi sampesuvu-sampesuvu, toramo katuvumiu tempo bara ipia. Tempo komiu dako nantarima reme lako nte i Pue, nadea susa bo pari nirasaimiu. Tapi naupa ivesia, komiu batena nomparasaya.

Ibrani 11:37

Naria muni tona nirempe vatu sampe namate bo naria tona nigaragaji pakapudu, bo naria tona nipatesi ante guma. Ira nolinja-linja nangelo katuvua, bo pakeara aga kulimba nu bimba bo tovau. Ira mpuu-mpuu napepa, ira nipakasusa bo nipandasa.

Ibrani 4:9

Jadi da nariapa loga ka kita todea nu Alatala menonto mosanggani-nggani ante Ia nasimbayu mpo penontoNa ri eo kapapituna.

Yakobus 1:20

Apa ane kita marau, ledo rapakuleta movia belo anu mompakadamba rara nu Alatala.

Yakobus 5:5

Komiu nasimbayu mpo japi nipakaboya rasambale. Katuvumiu ri dunia nelabi kaganana bo doimiu aga nipakemiu nompebasa masana-sana ri dunia hitu. Tapi kaupuna komiu rahuku.

1 Petrus 2:10

Bara ipia komiu ledo todeaNa, tapi sii-sii komiu najadi todeaNamo. Bara ipia komiu ledo nipoasi mataNa, tapi sii-sii nirasaimiumo asi nu mataNa!

Pompakita 18:7

Pakasadia ka ira pepandasa bo kasusa masipato nte pokainggura nompakalanga rara bo mompebasa-basa kasana karora mboto. Sabana, ira bate-batena notesa riara ntaira ivei: ‘Yaku hii natuvu mpo madika. Yaku ledo timbala, bo yaku ledo ntoto mombarasai kasusa bo kapari.’