Ibrani 11:16 - Kaili Ledo

¹⁶ Tapi ira nalentoraka ngata anu nabelopa, haitumo ngata ri suruga. Jadi Alatala ledo naeya mataNa ane Ia niuli Tupura apa naria mami ngata nipakasadiaNa ka ira.

Ibrani 11:16 Iomraidhean Croise

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Markus 12:26

Berimbamo? Tantu nibacamiu anu nitulisi riara Buku Nabi Musa, tona namatemo matuvu mpanjili. Tora ngena tesa kajadia santungu gumbu navaya tapi ledo napapu. Nau nasaemo kamate i Abraham, i Ishak bo i Yakub, tempo haitu Alatala nanguli ka i Musa,

Markus 8:38

Isema-sema maeya matana manguli ia topangoseaka Yaku bo maeya matana nte pepatudukiKu ri tatanga ntodea anu nadosa bo ledo natutu nangoseaka Alatala, Yaku muni maeya mataKu manguli ia topangoseaka Yaku tempo Yaku makava mpanjili. Apa Yaku, Ana nu Manusia, makava mpanjili ri dunia hitu ante reme bo kuasa nTuamaKu, mosanggani-nggani ante malaeka-malaeka nagasa!>>

Lukas 12:32

I Yesus nompapola tesaNa ivei: “Nau ledo nadea komiu anaguruKu, nee maeka, sabana komiu nipelisi nTuamamiu Alatala, lako ri kabelo raraNa ala komiu moparenta mosanggani-nggani nte Ia riara poparentaNa.

Lukas 20:37

Nabi Musa mboto nompakalanto ka kita tomate matuvu mpanjili. Ri tesa santungu gumbu navaya anu ledo nikande nu apu, i Musa nanguli, ‘Alatala Tupu nisomba i Abraham, i Ishak bo i Yakub.’

Yohanes 14:2

Ri banua nTuamaKu naloga ponturo. Yaku hau mompakasadia ponturo ka komiu. Ane ledo ivesia, natantumo Kuuli ka komiu.

Suro-Suro 7:32

‘Yakumo hii Alatala anu nisomba ntotuamu nggaulu, Tupu i Abraham, i Ishak bo i Yakub.’ Nangepe haitu, naekamo rara i Musa sampe nolete bo domo nabia ia mompeinta gumbu navaya haitu.

Filipi 3:20

Tapi ledo ivesia pokaingguta, sabana kita todea nu suruga. Bo lako ri suruga muni makava Tuputa i Yesus Kristus, Topepakasalama anu nipopeata ante lentora nu rarata.

2 Timotius 4:18

Bo niparasayaku i Pue bate-batena mombakabasaka yaku lako ri pura-pura anu nadaa bo manggeni yaku ante masalama mesua ri PoparentaNa ri suruga. Ia masipato rabila bo ratoiya sampe ri kasae-saena! Amin.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

Ibrani 11:10

I Abraham nosabara nonturo ri tenda mpo topesovo sabana ia da nantongoraka ponturo ri ngata anu maria sampe ri kasae-saena, ngata niponia bo nibangu nu Alatala.

Ibrani 11:14

Tona notesa ivesia nompakalanto ira da nangelo ponturo majadi bagiara mboto.

Ibrani 11:40

sabana naria nia nabelopa nipakasadia nu Alatala ka kita pura-pura. PatujuNa ala ira mompopea sampe kita pura-pura mosanggani-nggani rapajadi magasa bo ledo makura nuapa-nuapa.

Ibrani 12:22

Tapi ledo ivesia komiu. Komiu nantarima pojanji nu Alatala nabaru, komiu nantingayo Bulu Sion, ngata nu Alatala anu matuvu sampe ri kasae-saena, haitumo ngata Yerusalem ri suruga. Komiu nantingayo nenjobu-njobu malaeka anu nasiromu madamba-damba.

Ibrani 13:14

Apa ri dunia hitu ledo ria ponturota naroo, tapi kita nanjarumaka ponturo nabelopa ri suruga ri tempo makava.

Ibrani 2:11

I Yesus nompegasa katuvuta nadosa. Kita anu nipegasaNa bo Ia anu nompegasa kita nosangu Tuama. Haitu sampe i Yesus ledo naeya mataNa nanguli kita sampesuvuNa.

Pompakita 21:2

Bo nikitaku muni ngata nu Alatala, ngata Yerusalem nabaru nanau lako nte Alatala ri suruga. Nagaya mpuu ngata haitu mpo boti mombine nopakea nagaya nasadia raala boti langgai.