Ibrani 11:1 - Kaili Ledo

¹ Ane kita nomparasaya, batuana nisanitamo anu nisarumakata mpuu-mpuu rakavata. Nau dopa nikitata, nariamo katantuna riara ntaita anu haitu mpuu-mpuu majadi.

Ibrani 11:1 Iomraidhean Croise

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

1 Korintus 13:13

Jadi pura-pura pompakule maupu tapi naria talu-ngaya anu ledo maupu-upu, haitumo pomparasaya, panjarumaka bo pepotove. Bo lako ri talu-ngaya haitu, nopokopa pepotove.

2 Korintus 11:17

Natantu ane kutoiya karoku mboto ri sii, yaku ledo notesa ante kuasa nTupu, tapi yaku notesa mpo todoyo.

2 Korintus 4:18

Jadi kami ledo nompariara kasusa bo kapari anu nikita ri dunia hitu, tapi kami nompariara belo anu dopa nikita anu nasadia ka kami. Apa, anu nikita ri dunia hitu aga sampalai, tapi belo anu dopa nikita haitu, bate-batena sampe ri kasae-saena.

2 Korintus 5:17

Ane tona nosangu rara ante i Kristus, ia najadi manusia nabaru. Katuvuna nggaulu naliumo bo katuvuna nabaru mpuu-mpuu nariamo.

2 Korintus 5:7

Apa kita natuvu ri dunia hitu lako ri pomparasayata ledo lako ri anu nikitata.

2 Korintus 9:4

Apa ane maria toMakedonia momporoa yaku ngena tou, bo ane rapana doi pedekeimiu dopa nipasiromumiu, natantu maeya mpuu mataku, nemopa komiu, apa niuliku ka ira komiu mpuu-mpuu nasadia metulungi!

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Ibrani 10:39

Sampesuvu-sampesuvuku, kita hitu ledo topoura sampe rapambela pehuku, tapi kita nomparasaya Alatala bo nanggava katuvua nabelo sampe ri kasae-saena.

Ibrani 11:13

Ira pura-pura pangane batena nomparasaya sampe namate, nau ledo nitarimara mboto anu nijanji nu Alatala. Namala raulita nikitara nggavao kadupana. Nisanira kadupana da masaepa, tapi naupa ivesia nadamba rarara bo ledo nonggai rarara nantongoraka kadupana pojanji nu Alatala. Niulira dunia hitu ledo ponturora nakana, ira aga topesovo bo topanjayo ri dunia hitu.

Ibrani 11:27

Lako ri pomparasaya i Musa, nipalaisina tana Mesir. Ia ledo naeka ka Magau Mesir nau narau mpuu rara Magau. I Musa batena naroo rarana, apa eva nikitana Alatala anu ledo nikita.

Ibrani 11:7

Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

Ibrani 3:14

Apa kita manggava bagia lako ri pura-pura anu naria nte i Kristus asaa anu niparasayata lako ri pamulana bate-batena raparasayata sampe ri kaupuna bo ledo molengga-lengga.

Ibrani 3:6

Tapi i Kristus ledo aga potudua, Ia Ana nu Alatala mami anu natutu nompasiayu pura-pura todea nTuamaNa. Bo kitamo nireke todea nu Alatala asaa kita naroo nomparasaya bo ledo nolengga-lengga nanjarumaka i Yesus ante damba rara sampe ri kaupuna.

Ibrani 6:12

Nee sampe komiu majadi masanda, tapi pasialamo jonjo ntona anu nomparasaya Alatala bo nosabara nompopea sampe nikavara anu nijanjiNa ka ira.

2 Petrus 1:1

Sampesuvu-sampesuvuku anu mpuu-mpuu nomparasaya i Yesus Kristus, nasimbayu mpo kami. Iamo Alatala bo Topompakasalama kita, anu nompopompakule pura-pura kita nomparasaya sabana Ia nanoa bo ledo nompelenje. Sura hitu lako nte yaku, i Simon Petrus. Yaku batua bo suro i Yesus Kristus.