Ibrani 10:8 - Kaili Ledo

⁸ Ri bavona, i Kristus nanguli Alatala ledo nompokono pesomba bo pedekei, ledo muni nipokonoNa pesomba nipalabu bo pedekei-pedekei nidekei raposompo dosa. I Kristus notesa ivesia nau pesomba bo pedekei haitu nikeni ka Alatala nangoseaka Atura-atura agama Yahudi.

Ibrani 10:8 Iomraidhean Croise

Markus 12:33

Kita manusia kana mompotove Alatala ante mpuu-mpuu rarata bo ante pura-pura pompahata bo ante pura-pura pompakuleta. Bo kita muni kana mompotove singgamanusiata nasimbayu mpo pompotoveta karota mboto. Haitu nelabipa nopoko pade nombadekei mpengaya-ngaya pesomba nipalabu atau pesomba-pesomba ntanina ka Alatala.>>

Roma 8:3

Atura agama ledo namala mombakabasaka kita lako ri kuasa dosa sabana kita manusia ledo nompakule mangoseaka Atura haitu. Tapi anu ledo namala nipovia nu Atura agama, namala nipovia nu Alatala. NituduNa AnaNa mboto tumai ri dunia, bo AnaNa najadi manusia ante karo nasimbayu mpo karo nu manusia nadosa ala Ia mombarasai pehuku nu Alatala ri karoNa sabana dosata. Bo ante pohuku karo i Yesus, Alatala nombadagi kuasa nu dosa riara ntaita.

Ibrani 10:5

Haitu sampe tempo i Kristus nakava ri dunia hitu, Ia nanguli ka Alatala ivei: “O Pue Alatala, ledo nipodotaMiu pesomba bo pedekei, Ledo nipokonoMiu pesomba nipalabu bo pedekei-pedekei nidekei raposompo dosa. tapi naria karoKu mboto nipakasadiaMiu.