Ibrani 10:36 - Kaili Ledo

³⁶ Komiu kana mosabara ala maupu komiu movia dota nu Alatala, komiu mantarima anu nijanjiNa.

Ibrani 10:36 Iomraidhean Croise

Matius 10:22

Komiu rapovuu mata ntodea sabana komiu nangoseaka Yaku. Tapi isema-sema maroo momparasaya sampe ri kaupuna rapakasalama nu Alatala.

Matius 12:50

Apa, isema-sema novia dota nTuamaKu ri suruga, ia haitumo nireke sampesuvuKu bo tinaKu.”

Matius 21:31

Nanguli i Yesus ka pakeni ntoYahudi haitu, “Jadi lako ri ngana randua haitu, isemana nangoseaka dota ntuamana?” Nesana ira, “Ngana paratamana.” Nanguli i Yesus ka ira, “Nakana pesanamiu. Tapi pariaramo tesaKu hitu, tona nadaa eva topesingara balasitee bo bajinga-bajinga mokolu majadi todea riara Poparenta nu Alatala, ledo komiu.

Matius 24:13

Tapi tona maroo mangoseaka Yaku sampe ri kaupuna, iramo rapakasalama.

Matius 7:21

Ledo pura-pura tona nanguli Yaku Tupura majadi todea riara Poparenta nu Alatala. Aga tona anu novia dota nu Alatala, TuamaKu ri suruga, masipato mesua riarana.

Markus 3:35

Apa isema-sema nangoseaka dota nu Alatala, iamo sampesuvuKu bo tinaKu.>>

Lukas 21:19

Ane komiu bate-batena momparasaya bo ledo moura, komiu mpuu-mpuu manggava katuvu mabelo sampe ri kasae-saena.”

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Yohanes 7:17

Isema-sema madota mangoseaka dota nu Alatala, natantumo rasanina pepatudukiKu hitu lako nte Alatala, bo ledo lako nte Yaku mboto.

Suro-Suro 13:22

Tapi kaupuna i Saul nileso nu Alatala, bo Alatala nompelisi i Daud majadi magaura. Hitumo anu niuli nu Alatala nombatesa Magau Daud: ‘NikitaKu i Daud ana Isai. Ia nompakadamba raraKu bo nipoviana pura-pura dotaKu.’

Suro-Suro 13:36

Tesa hitu ledo nambela i Daud, sabana naupu ia novia anu nitudu nu Alatala ka ia, namatemo ia. Bo ia nitana ri sinjori dayo ntotuana nggaulu, bo karobatana napopomo.

Roma 12:12

Kana madamba raramiu sabana komiu nanjarumaka anu rapovia nTupu ka komiu. Kana mosabara tempo masusa. Nee masau raramiu mosambaya.

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

Roma 8:25

Jadi ane kita nanjarumaka ratarimata anu dopa nitarimata, kita mosabara mantongoraka.

1 Korintus 13:7

Ia nombatidamaka riara mpengaya-ngaya anu najadi. Ia ledo nenonto nomparasaya, batena nanjarumaka Alatala, bo nosabara nau bara nuapa-nuapa najadi.

Galatia 6:9

Sabana haitu, nee mabasa rarata movia anu nabelo, sabana ane ledo maupu rarata movia anu nabelo, makava tempona ratarimata aselena.

Efesus 6:6

Nee aga mokarajaa mabelo tempo komiu rakita nu tuamiu ala komiu ratoiya nu manusia. Tapi pokarajaamo ante mpuu-mpuu raramiu najadi batua i Kristus anu nangoseaka dota nu Alatala.

Kolose 1:11

Kami nerapi ala Alatala mompakaroso raramiu ante pura-pura kuasaNa, nangoseaka barakaNa anu naoge mpuu, ala rapakulemiu mosabara nau bara nuapa majadi bo ledo molengga-lengga raramiu.

Kolose 3:24

Nisanimiumo i Pue mboto mombadekei tambo ka komiu anu nijanjiNa ka pura-pura topomparasaya Ia. Kakanana i Kristusmo tua anu nitulungimiu, bo komiu batuaNa.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Ibrani 11:39

Ira pura-pura nipodamba nu Alatala sabana pomparasayara. Nau ivesia, dopa nitarimara pura-pura anu nijanji nu Alatala,

Ibrani 12:1

Jadi namala raulita, pura-pura ira pangane nombatiku kita bo nompakaroso rarata ante posabira. Sabana haitu, kita muni kana mombatedaka pura-pura anu nompopekai rarata bo dosa anu nekantaka nte kita. Kita kana maroo rarata mangoseaka dala nipakatantu nu Alatala ka kita, nasimbayu mpo topangova ri posilumba.

Ibrani 6:12

Nee sampe komiu majadi masanda, tapi pasialamo jonjo ntona anu nomparasaya Alatala bo nosabara nompopea sampe nikavara anu nijanjiNa ka ira.

Ibrani 6:15

I Abraham nosabara nompopea, jadi nitarimanamo anu nijanji nu Alatala ka ia.

Ibrani 6:17

Ivesia muni ante Alatala. Ia nadota nompopakita pojanjiNa ledo ntoto mabali. Ia nadota nompopakitana ka tona masipato mantarima anu nijanjiNa. Jadi Ia nosumpa ala mompakaroso pojanjiNa.

Ibrani 9:15

Haitu sampe i Kristus najadi topetariolo anu nompasiayu pojanji nu Alatala nabaru ala tona nipelisi nu Alatala mamala mantarima belo nijanjiNa sampe ri kasae-saena. Apa i Kristus namate nombatolosi dosa nipovia tempo pojanji nokolu da nipake.

1 Petrus 1:9

Nadamba mpuumo raramiu sabana nitarimamiumo asele pomparasayamiu, haitumo komiu nipakasalama lako ri pehuku sampe ri kasae-saena.

1 Yohanes 2:17

Dunia bo pura-pura anu naria riarana anu nipoino manusia magero, tapi isema-sema mangoseaka dota nu Alatala, matuvu mabelo sampe ri kasae-saena.

Pompakita 13:10

Isema-sema nipakatantu ratavani, kana ratavanimo. Isema-sema nipakatantu rapatesi ante guma, kana rapatesi ante gumamo. Anu nopoko ri sii, todea nu Alatala kana maroo tempo nipandasa bo nee moura momparasaya.

Pompakita 14:12

Anu nopoko ri sii, todea nu Alatala kana maroo momparasaya bo mosabara tempo mombarasai susa, haitumo ira anu nangoseaka parenta-parenta nu Alatala bo ledo nenonto nomparasaya i Yesus.”