Ibrani 10:34 - Kaili Ledo

³⁴ Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

Ibrani 10:34 Iomraidhean Croise

Matius 19:21

Nesana i Yesus, “Ane iko mpuu-mpuu madota majadi mabelo bo masipato manggava katuvua nabelo sampe ri kasae-saena, koimo pobalu puramo kakalumanamu bo dekei alina haitu ka tona napakasi ala mukava kakalumana ri suruga. Maupu haitu oseakamo Yaku!”

Lukas 10:42

Tano mai aga sangaya nopoko, haitumo mangepe tesa nu Alatala. I Maria nompelisi tobelona, anu ledo mamala raalasi ntona lako nte ia.”

Lukas 12:33

Jadi pobalumo mbara-mbaramiu bo dekeimo alina haitu ka tona napakasi. Poviamo batutu doi anu ledo mamala magero. Batuana, poviamo anu mompakadamba rara nu Alatala. Ivesiamo komiu momboli kakalumana ri suruga, anu ledo maupu-upu bo ledo rapangangga ntona atau rakandesi nu saipa.

Lukas 9:25

Nuapa gunana rakavamiu pura-pura anu naria ri dunia, tapi ledo rakavamiu katuvua nabelo sampe ri kasae-saena?

Suro-Suro 21:33

Jadi tadulako haitu nombasaka i Paulus, bo nituduna tona nombarante ia ante rompenga rante. Naupu sia nipekutanana ka todea, “Isema tona hitu? Nuapa nipoviana?”

Suro-Suro 28:20

Jadi haitu sampe yaku nerapi mosintomu ante komiu. Yaku madota mombatesa ka komiu parakaraku hitu. Kakanana yaku hii nibalanggu sabana yaku nomparasaya Magau Topepakasalama anu nitongorakata ntoIsrael pura-pura.”

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

2 Korintus 5:1

Karota ri dunia hitu nirapaka tenda niponturota sampalai. Bo nisanita ane mageromo tenda hitu, Alatala mombadekei ka kita banua ri suruga anu ledo nipovia manusia bo bate-batena sampe ri kasae-saena, haitumo karo nabaru.

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

Efesus 6:20

Yaku niposumba i Yesus Kristus mompatolele Kareba Belo. Bo sii-sii yaku nitarunggu sabana nompatolele Kareba haitu. Jadi, posambayakamo yaku ala mabia yaku mompatolele Kareba Belo, sabana haitumo pokarajaa nidekei nu Alatala ka yaku.

Filipi 1:7

Masipato yaku mantora komiu pura-pura ivesia, apa komiu mpuu-mpuu nipotoveku bo komiu pura-pura nantulungi yaku novia pokarajaa nidekei nu Alatala ka yaku. Komiu nasaro nantulungi yaku, tempo yaku nitarunggu sii-sii, bo muni tempo yaku nanjaliku Kareba Belo bara ipia bo nompakalanto ka tona Kareba Belo mpuu-mpuu nakana.

Kolose 1:5

Komiu nomparasaya bo nepotove sabana komiu bate-batena nanjarumaka Alatala bo nantongoraka anu nipakasadiaNa ka komiu ri suruga. Anu nisarumakamiu haitu niepemiumo tempo Kareba Belo nipatolele ka komiu bara ipia. Kareba Belo haitu mpuu-mpuu nakana

1 Timotius 6:19

Ane ivesia pokainggura, namala raulita ira nompasiromu kakalumana ri suruga, anu mamala rasarumakara ri tempo makava, bo rakavara katuvu nabelo sampe ri kasae-saena.

2 Timotius 1:16

Tapi kuperapi i Pue Yesus maasi mataNa nte gi Onesiforus sambanua, sabana nadea ngganimo ia nakava nompakadamba raraku. Nau yaku nitarunggu, ledo naeya matana nanggita yaku.

2 Timotius 2:9

Yaku hii nipandasa sabana nompatolele Kareba Belo haitu. Yaku nipou rante nasimbayu mpo tona nadaa. Tapi Tesa nu Alatala ledo namala rarante, kana matolele ri umba-umba.

2 Timotius 4:8

Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

Ibrani 11:16

Tapi ira nalentoraka ngata anu nabelopa, haitumo ngata ri suruga. Jadi Alatala ledo naeya mataNa ane Ia niuli Tupura apa naria mami ngata nipakasadiaNa ka ira.

Ibrani 13:14

Apa ri dunia hitu ledo ria ponturota naroo, tapi kita nanjarumaka ponturo nabelopa ri suruga ri tempo makava.

Ibrani 13:3

Toramo bo tulungimo tona nitarunggu evamo komiu mboto nitarunggu nosanggani-nggani ante ira. Bo toramo bo tulungimo tona nipakasusa sabana pomparasayara, evamo kasusamiu mboto.

Ibrani 9:15

Haitu sampe i Kristus najadi topetariolo anu nompasiayu pojanji nu Alatala nabaru ala tona nipelisi nu Alatala mamala mantarima belo nijanjiNa sampe ri kasae-saena. Apa i Kristus namate nombatolosi dosa nipovia tempo pojanji nokolu da nipake.

Yakobus 1:2

Sampesuvu-sampesuvu, ane komiu mambela mpengaya kasusa bo pesori, kana madamba raramiu.

1 Petrus 1:4

Kita nanjarumaka manggava belo nipakasadia nu Alatala ka pura-pura todeaNa. Belo haitu ledo magero, ledo mapopo, ledo mabali, bo nijagaiNa ri suruga ka kita.

1 Yohanes 3:2

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.