Ibrani 10:32 - Kaili Ledo

³² Tapi sampesuvu-sampesuvu, toramo katuvumiu tempo bara ipia. Tempo komiu dako nantarima reme lako nte i Pue, nadea susa bo pari nirasaimiu. Tapi naupa ivesia, komiu batena nomparasaya.

Ibrani 10:32 Iomraidhean Croise

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Roma 12:12

Kana madamba raramiu sabana komiu nanjarumaka anu rapovia nTupu ka komiu. Kana mosabara tempo masusa. Nee masau raramiu mosambaya.

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.

Filipi 3:16

Tapi anu nisanitamo kana batena raoseakata.

Kolose 2:1

Jadi, kana rasanimiu yaku nompasimbuku mpuu nantulungi komiu bo tona ri ngata Laodikia, bo pura-pura tona anu dopa nosisani ante yaku.

Ibrani 12:4

Sampesuvu-sampesuvu, dopa ria komiu nipatesi riara pompasimbukumiu nangeva dosa.

Ibrani 5:12

Kakanana temponamo komiu majadi guru mompatuduki tona ntanina, sabana nasaemo komiu nomparasaya i Yesus. Tapi komiu da noparaluu guru mompatuduki ka komiu pepatuduki pamulana lako ri Tesa nu Alatala, komiu dopa nasadia nantarima pepatuduki kapolana. Komiu nasimbayu mpo ngana kodi da netomi, anu dopa nasadia mangande kandea nakaa!

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

Ibrani 6:4

Sampesuvu-sampesuvu, toramo! Ledo ria dala manggeni tona majea mpanjili ane ratunggaira mombakabasaka pomparasayara. Apa bara ipia ira natuvu riara reme nu Alatala. Nitarimaramo belo lako ri suruga, bo nitarimara munimo Nosa Gasa nu Alatala.

2 Yohanes 1:8

Jadi komiu kana mainga! Nee sampe anu nipatuduki kami ka komiu ledo maria aselena. Pasimbukumo mangoseaka pepatuduki nakana ala rakavamiu pura-pura belo nipakasadia nu Alatala ka komiu.

Pompakita 2:5

Nakavao ntotomo kanavumiu! Haitu sampe Kuuli ka komiu, pakabelo-belo! Kajeamo komiu, bo poviamo mpo anu nipoviamiu ri pamulana. Ane ledo majea komiu, Kualasi kada mpoindo bulavamiu lako ri ponturona.

Pompakita 3:3

Jadi toramo pepatuduki niepemiu bo nitarimamiu bara ipia. Oseakamo pepatuduki haitu bo kajeamo lako ri dosamiu. Ane ledo mainga komiu, sampesanika Yaku makavamo mombahuku komiu. Yaku makava mpo topangangga, ledo rasanimiu maipia Yaku makava.