Ibrani 10:27 - Kaili Ledo

²⁷ Ane ivesia pokaingguta, damo aga maviora rarata mompopea pehuku bo apu narega mpuu anu mompalabu tona nangeva Alatala.

Ibrani 10:27 Iomraidhean Croise

Matius 13:42

Ira pura-pura ratedeaka riara apu narakaa anu navaya-vaya. Ri situmo ira aga motumangi-mangi bo masinggiki baga ante kasusa rara.

Matius 13:50

Tona nadaa ratedeaka riara apu narakaa anu navaya-vaya, bo ri situmo ira motumangi-mangi bo masinggiki baga ante kasusa rara.”

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 3:10

Pehuku nu Alatala nasimbayu eva baliu, nasadiamo rapotovo kayu sampe ri kalena ane ledo naria vuana nabelo. Kayu ledo nabelo vuana ratovosi bo ratedaka ri mata nu apu.

Matius 3:12

Ia nasimbayu eva tona novaro pae. Nasadiamo Ia ante tapi ri paleNa bo ravarona paeNa sampe magasa. Pae naisi raboliNa riara gampiriNa, tapi meena rapalabusiNa riara apu anu ledo mapaya-paya.”

Matius 8:29

Nongare-ngaremo ira nanguli, “He, Ana nu Alatala! Nakuya tano Komiu tumai? RakuyaMiu kami? RapandasaMiumo kami nau dopa tempona?”

Lukas 16:24

Nongaremo tokalumana haitu, ‘Tuamaku, Abraham, poasimo yaku! Tudumo i Lazarus mombalome koya mpalena ri uve pade tumai mombabanggasi dilaku, nandasa mpuu yaku ri mata nu apu hitu.’

Lukas 19:27

Hitupa, keni tumai ri ngayoku bali-baliku anu ledo nadota nantarima yaku majadi madikara. Patesimo ira pura-pura ri ngayoku hitu!’ ”

Lukas 21:26

Tempona haitu tona malipo rarara sabana ekara mompekirika nuapa majadi ri dunia, apa pura-pura anu nakuasa ri langi ragoya.

Lukas 23:30

Tempo haitu rauli ntona ka bulu, ‘Rumpimo kami!’ bo raulira ka buntina, ‘ivumo kami!’ Mandasa mpuu komiu ngena!

Yohanes 5:29

bo mesuvu lako ponturora. Tona nabelo pokainggura matuvu mpanjili bo manggava katuvua mabelo sampe ri kasae-saena. Bo tona nadaa pokainggura matuvu mpanjili ala rahuku.”

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

Ibrani 12:29

Apa Alatala anu nisombata, mombahuku tona nompoara kabeloNa, nasimbayu mpo apu mepalabu.

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

Ibrani 9:27

Alatala nompakatantu manusia mamate aga sanggani, bo maupu haitu ratangara.

Yakobus 5:3

Bulava bo salaka nipasiromumiu rakande ntagara. Bo kakalumanamiu natagara haitu majadi tandana komiu aga nompasiromu mbara-mbara nadea ri dunia tano naparamo kaupu nu dunia Siamo sabana sampe mandasa mpuu komiu, nasimbayu mpo anu nikande nu apu!