Ibrani 10:26 - Kaili Ledo

²⁶ Ane ratunggaita bate-batena movia dosa naliu nitarimata pepatuduki nakana, ledo ria pesomba mompakalali dosa haitu.

Ibrani 10:26 Iomraidhean Croise

Lukas 12:47

Ane batua nisanina dota nu madikana, tapi ledo nainga bo ledo nipoviana dota nu madikana, ia kana rajeani pakandasa.

Yohanes 13:17

Hitupa nisanimiumo pepatuduki hitu. Jadi mabelo mpuu komiu ane raoseakamiu pepatuduki hitu.

Yohanes 9:41

Nesana i Yesus, “Ane rapana komiu naburo mami, natantumo ledo nadosa komiu. Tapi komiu nanguli namala nekita. Haitu sampe komiu bate-batena nadosa.”

2 Tesalonika 2:10

Rapakena mpengaya akala nadaa mombabagiu tona anu masipato mami mamate bo rapopogaa lako nte Alatala. Ira mamate bo rapopogaa lako nte Alatala sampe ri kasae-saena sabana ira ledo nadota mantarima bo mompotove pepatuduki nakana lako ri Alatala, anu nompakule mompakasalama ira.

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.

1 Timotius 2:4

Ia madota ala pura-pura tona rapakasalama bo mangisani pepatuduki nakana,

Yakobus 4:17

Ane nisanita anu nabelo paraluu rapoviata, tapi ledo nipoviata, kita nadosa.

1 Yohanes 5:16

Sampesuvu-sampesuvuku, ane rakitamiu roamiu sampomparasaya novia dosa anu ledo mompopogaa ia lako nte Alatala sampe ri kasae-saena, komiu kana mosambaya ka roamiu haitu. Posambayamo ala ia majea bo Alatala mombadekei ka ia katuvu mabelo sampe ri kasae-saena. Tona niuliku hitu, tona novia dosa anu ledo nompopogaa ia lako nte Alatala sampe ri kasae-saena. Naria muni dosa anu nompopogaa tona lako nte Alatala. Ledo paraluu raposambayakamiu tona novia dosa haitu.