Ibrani 1:2 - Kaili Ledo

² Tapi ri tempo nggapuri hitu AnaNa mbotomo nompasimbayu tesaNa ka kita. AnaNa haitu nipopale nu Alatala nompajadi dunia, bo Alatala nompakatantu AnaNa haitumo masipato majadi tupuna pura-pura anu naria.

Ibrani 1:2 Iomraidhean Croise

Matius 13:39

Magau nu Seta nirapaka bali anu nokamburaka vua jono. Kaupu nu Dunia nirapaka tempo nokato bo malaeka-malaeka nu Alatala nirapaka topokato.

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 21:38

Tapi tempo topokarajaa talua haitu nanggita ana ntupu ntalua tumai, nosiulikamo ira, ‘Eh! Tumaimo ana ntupu ntalua anu rakaboli mbara-mbara ntotuana. Anumo! Rapatesitamo ia ala talua hitu raalata majadi bagiata.’

Matius 26:63

Tapi nau ledo nasala, i Yesus ledo notingo. Bo sangganipa Pakeni nanguli ka Ia, “Ulimo ri ngayo nu Alatala anu Natuvu, uli ka kami ane Iko mpuu-mpuu Magau Topepakasalama, Ana nu Alatala!”

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Matius 3:17

Bo naria suara lako ri suruga nanguli, “Hitumo AnaKu nipotoveKu. Iamo nompakadamba raraKu.”

Markus 1:1

Hitumo tesa Kareba Belo, tesa i Yesus Kristus, Ana nu Alatala.

Markus 12:6

Kaupuna damo saito naboli nte tupu ntalua, haitumo anana nipotovena. Nituduna muni anana haitu hau nte topojampangi talua apa nipekirina,

Markus 12:7

Tapi nikitarapa ana ntupu ntalua nakava, nosiulikamo ira,

Yohanes 1:10

Tesa nu Alatala naria mamimo ri dunia, tapi nau Ia nipopale nu Alatala nompajadi dunia, manusia ri dunia ledo nadota nangisaniNa.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 1:3

Iamo nipopale nu Alatala nompajadi pura-pura anu naria. Nau sangaya ledo ria rapajadi ane ledo lako nte Ia.

Yohanes 13:3

Nisani i Yesus TuamaNa Alatala nombadekei pura-pura kuasa ka Ia. Bo nisaniNa muni Ia nakava lako nte Alatala bo Ia manjili hau nte Alatala.

Yohanes 13:32

Ane rakita ntona kaoge nu Alatala lako ri anu majadi ri karoKu ngena, Alatala mboto mompopakita kaogeKu ka ira, bo domo masae rapopakitaNa mpuu.

Yohanes 15:15

Komiu domo Kuuli batua, sabana batua ledo nisanina nia nu madikana. Tapi hitupa komiu Kuuli vegaKu sabana pura-pura anu niepeKu lako nte TuamaKu, nitesaKu muni ka komiu.

Yohanes 16:15

Pura-pura anu naria nte TuamaKu, anuKu pura. Haitumo sampe niuliKu ka komiu, anu nitarima nu Nosa Gasa lako nte Yaku, haitumo rapopaisaniNa ka komiu.”

Yohanes 17:2

NidekeiMiumo kuasa ka Yaku, kuasa moparenta pura-pura manusia ala mamala Kudekei katuvua mabelo sampe ri kasae-saena ka tona nidekeiMiu ka Yaku.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Yohanes 3:25

Ri sia ana-anaguru i Yohanes nosinjanai nte saito toYahudi. Ira nosinjanaika ada-ada pompakagasa karo anu nituntuni ntoYahudi.

Yohanes 5:26

Apa TuamaKu Alatala nakuasa nombadekei katuvua nabaru, bo ivesia muni Yaku, AnaNa nidekeiNa kuasa ka Yaku mombadekei katuvu nabaru.

Yohanes 5:27

Bo nidekeiNa muni kuasa ka Yaku mombatangara manusia sabana Yakumo tona niuli Ana nu Manusia.

Yohanes 9:29

Nisani kami Alatala notesa nte i Musa nggaulu. Tapi tona haitu, ledo nisani kami unu nu apuNa.”

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Suro-Suro 2:17

‘Alatala notesa: Ri tempo napara kaupu nu dunia bara maipia, Kupopanau NosaKu ka pura-pura manusia. Ana-anamiu, langgai bo mombine, mompasimbayu tesaKu ka komiu. Kabilasa-kabilasamiu manggita anu Kupopakita ka ira. Bo totua-totuamiu mangipika anu Kupopangipika ira.

Roma 8:17

Bo ane kita mpuu-mpuu ana-ana nu Alatala, natantumo kita mantarima belo nipakasadia nu Alatala ka ana-anaNa. Kita muni mantarima pura-pura anu nipakasadia nu Alatala ka i Kristus, sabana ane kita nombarasai kasusa bo kapari mpo anu nirasaiNa, kita muni rapakaoge nasimbayu mpo Ia.

1 Korintus 2:7

Kapande nipatolele kami, iamo kapande lako nte Alatala. Kapande haitu ledo nisani ntona ri dunia. Tapi dopame dunia nipajadi, Alatala nonia mamimo mompopaisani kapandeNa haitu ka kita sii-sii. Haitu nipoviaNa ala manggeni belo ka kita.

1 Korintus 8:6

Tapi ane kita topomparasaya, nisanita aga saito Alatala nakana. Iamo Tuamata anu nompajadi pura-pura anu naria ri dunia. Iamo nombadekei katuvu ka kita ala kita mombasomba Ia. Bo aga saito Tuputa, i Yesus Kristus anu nipopale nu Alatala nompajadi pura-pura anu naria, bo lako nte Ia sampe natuvu kita.

Galatia 4:4

Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.

Efesus 1:10

ri tempo nipakatantuNa. Iveimo niaNa haitu: pura-pura anu naria ri suruga bo ri dunia rapoposinggabeloNa lako ri posangu rarara nte i Kristus, bo i Kristus mombabalenggai pura-pura.

Efesus 3:9

Yaku nidekeika pokarajaa muni mompopaisani ka pura-pura tona berimba Alatala nompakadupa niaNa, haitumo, niaNa mompopakasangu toYahudi bo tona ledo toYahudi lako ri posangu rarara nte i Kristus. Lako ri lamba pamulana, Alatala Topompajadi dunia hitu dopa nompopaisani niaNa haitu.

Ibrani 1:5

Nalantomo kaoge i Yesus apa ledo ria sanggania Alatala notesa ka malaekaNa ivei: “Ikomo AnaKu, eo hitu Yaku najadi TuamaMu!” Mazmur 2:7 Bo ledo ria sanggania Alatala nanguli ka malaekaNa ivei: “Yaku majadi TuamaMu, bo Iko majadi AnaKu.” 2 Samuel 7:14 Tapi niuliNa ivehaitu ka AnaNa mboto.

Ibrani 1:8

Tapi niuliNa ka AnaNa ivei: “Ikomo Alatala, bo poparentaMu maroo sampe ri kasae-saena, Iko moparenta todeaMu ante rara nanoa.

Ibrani 11:3

Lako ri pomparasayata, nisanita dunia nipajadi nu Alatala ante TesaNa. Jadi, anu nikita nipajadi lako ri anu ledo nikita.

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

Ibrani 3:6

Tapi i Kristus ledo aga potudua, Ia Ana nu Alatala mami anu natutu nompasiayu pura-pura todea nTuamaNa. Bo kitamo nireke todea nu Alatala asaa kita naroo nomparasaya bo ledo nolengga-lengga nanjarumaka i Yesus ante damba rara sampe ri kaupuna.

Ibrani 4:14

Jadi nariamo Pakeni nTopanggeni Pesomba anu naoge mpuu, Iamo i Yesus, Ana nu Alatala. Ia noliu ri langi bo nesua ri suruga ri ngayo nu Alatala ala mantulungi kita. Jadi kita kana maroo momparasaya bo nee menonto mangaku i Yesusmo Tuputa.

Ibrani 5:8

Naupa i Yesus Ana nu Alatala, Ia kana nombarasai kasusa bo kapari ala rasaniNa mpuu-mpuu batuana matundu nte Alatala.

Ibrani 7:28

Nangoseaka Atura-atura agama Yahudi, tona nalente bo nadosa nianggataka najadi Pakeni nTopanggeni Pesomba, apa ira aga manusia biasa. Tapi naliu Atura-atura haitu, Alatala nojanji ante sumpa, bo nangoseaka pojanji haitu, nianggatakaNa AnaNa mboto majadi Pakeni nTopanggeni Pesomba. Bo AnaNa haitu nipajadi Topetolo anu ledo nakura nuapa-nuapa sampe ri kasae-saena.

Ibrani 7:3

I Melkisedek ledo notina, ledo notuama, ledo nisani totuana. Katuvuna ledo ria pamulana bo ledo muni naria kaupuna. Ia nasimbayu mpo Ana nu Alatala, bo ia bate-batena topanggeni pesomba sampe ri kasae-saena.

Ibrani 9:26

Apa ane rapana mpenggani-nggani Ia mesua, batuana mpenggani-nggani muni Ia kana mombarasai kasusa bo kapari nompamula lako ri lamba pamulana. Tapi kakanana, ri tempo sii-sii anu napara kaupu dunia Ia nakava aga sanggani nompakalali dosata ante nombadekei karoNa mboto nipatesi.

1 Petrus 1:20

Dopame dunia nipajadi, Ia nipakatantu nu Alatala mami majadi topantolo dosa manusia. Bo ri tempo sii-sii napara kaupu nu dunia Ia nakava ri dunia hitu mompakasalama komiu.

2 Petrus 3:3

Anu nopoko kana ratoramiu, ri tempo napara kaupu nu dunia kana meumba tona nikuasai dota rarara mboto anu nadaa. Ira mompongeika komiu

Yudas 1:18

Niulira ivei: “Ane maparamo kaupu nu dunia, kana meumba topesapuaka anu mompongei-ngeika pomparasayata. Ira aga mangoseaka dota rarara nadaa bo ledo raoseakara dota nu Alatala.”