Ibrani 1:1 - Kaili Ledo

¹ Tempo nggaulu, nadea ngganimo Alatala nompasimbayu tesaNa ante mpengaya-ngaya cara ka nabi-nabi anu nompapola tesaNa haitu ka totuata nggaulu.

Ibrani 1:1 Iomraidhean Croise

Lukas 1:72

NijanjiNa muni mompoasi totuata nggaulu, bo mompakadupa pojanjiNa naroso ka ira.

Lukas 24:27

I Yesus nombatesa ka ira pura-pura anu nitulisi ri Buku Gasa, anu nombaboto karoNa mboto, nompamula lako ri buku-buku nitulisi Nabi Musa sampe ri buku-buku nabi ntanina.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 16:13

Tapi ane makavamo Nosa Gasa haitu, Iamo mompopaisani ka komiu pura-pura anu nakana. Ia ledo motesa nangoseaka dotaNa mboto. Tapi anu niepeNa lako nte TuamaKu, haitumo ratesaNa. Bo ratesaNa ka komiu muni anu majadi ri tempo makava.

Yohanes 7:22

Komiu biasa nombasuna ana langgaimiu ri eo penonto nangoseaka atura nidekei Nabi Musa, nau kakanana ada haitu ledo nopuna lako nte i Musa tapi lako nte totuamiu nggaulu.

Yohanes 9:29

Nisani kami Alatala notesa nte i Musa nggaulu. Tapi tona haitu, ledo nisani kami unu nu apuNa.”

Suro-Suro 13:32

Jadi sampesuvu-sampesuvu, sii-sii kami nakava mompatolele Kareba Belo hitu ka komiu. Anu nijanji nu Alatala ka totua-totuata nggaulu,

Suro-Suro 2:30

Alatala nojanji bo nipakarosoNa ante sumpa, kana maria saito lako ri muli i Daud mboto raanggataka majadi magau bara maipia. Nisani i Daud pojanji haitu bo ia muni nabi, jadi nisanina anu rapovia nu Alatala. Nibotona Magau Topepakasalama anu nijanji nu Alatala matuvu mpanjili lako ri kamateNa. I Daud nanguli: ‘Ia ledo rapalamba maboli ri ponturo ntomate, karobataNa ledo maboli riara dayo sampe mapopo majadi avu.’ Mazmur 16:10

Suro-Suro 28:23

Jadi nipakatantura eo rakasiromura ante i Paulus. Nanggavapa eo niovora, nadea tona nakava nasiromu ri banua i Paulus. Lako ri mpadondona sampe nggoviana i Paulus nombatesa Poparenta nu Alatala ka ira bo nombatentei pepatuduki i Yesus. Nibacana lako ri Buku Atura Agama nitulisi Nabi Musa bo Buku Nabi-nabi ntanina, ala rasanira tesana nakana bo raparasayara i Yesus mpuu-mpuu Magau Topepakasalama.

Suro-Suro 3:21

I Yesus kana monturo ri suruga sampe makava tempona Alatala mompakabaru pura-pura, evamo nitesaNa ka nabi-nabi nipelisiNa nggaulu.

Ibrani 11:2

Lako ri pomparasaya ntona nggaulu, ira nipodamba nu Alatala.

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

Ibrani 2:2

Atura nTupu anu nipapola nu malaeka-malaeka ka totuata nggaulu, nakana bo kana raoseaka. Isema-sema nombaliunaka Atura haitu atau ledo nangoseaka Atura haitu, nikavana pehuku nangoseaka poviana.

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

Ibrani 3:5

Ane Nabi Musa, ia natutu nokarajaa ka Alatala nantulungi todeaNa, nasimbayu mpo potudua nombatulungi riara banua nu tuana. Pura-pura anu nipovia i Musa nogambara anu rapopaisani nu Alatala ri tempo makava.

Ibrani 4:8

Tempo nokolu i Yosua nanggeni toIsrael nesua ri tana Kanaan anu nijanji nu Alatala ka ira. Tapi haitu ledo nireke “nenonto nosanggani-nggani ante Alatala”, sabana ri puri pade nitesa nu Alatala loga ntanina menonto mosanggani-nggani ante Ia.

Ibrani 5:5

Ivesia muni i Kristus. Ledo nianggatakaNa mboto karoNa majadi Pakeni nTopanggeni Pesomba anu nibila. Tapi Ia nipelisi bo nianggataka nu Alatala. Alatala nanguli ivei: “Ikomo AnaKu, apa eo hitu Yaku najadi TuamaMu.” Mazmur 2:7

Ibrani 9:19

Pamulana, i Musa nompopaisani ka todea toYahudi pura-pura parenta anu naria riara Atura-atura nu Alatala. Naupu haitu nialana raa ana japi bo tovau lakina nisambale bo nigalona ante uve. Naupu haitu nialana sepi-sepi nu kavoko hisop anu nipou ante lui bulu bimba nalei. Nitomena ri raa bo nivembasikana Buku Parenta-Parenta bo todea.