Filipi 4:9 - Kaili Ledo

⁹ Anu nipegurumiu bo nitarimamiu lako nte yaku, nau tesaku, nau jonjo nikitamiu riara nggatuvuku, haitumo kana rapoviamiu. Bo ane haitu rapoviamiu, Alatala momporoa komiu bo mompakatinonto raramiu.

Filipi 4:9 Iomraidhean Croise

Matius 1:23

“Saito randaa matiana bo mompoanaka saito ngana langgai. Bo ngana haitu rapoposanga i Imanuel.” Yesaya 7:14 (Imanuel riara basa Ibrani batuana: “Alatala mosanggani ante kita.”)

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 7:21

Ledo pura-pura tona nanguli Yaku Tupura majadi todea riara Poparenta nu Alatala. Aga tona anu novia dota nu Alatala, TuamaKu ri suruga, masipato mesua riarana.

Lukas 6:46

Nangulimo i Yesus, “Nakuya komiu noronde Yaku ‘Pue, Pue’ tapi ledo nioseakamiu parentaKu?

Lukas 8:21

Tapi nanguli i Yesus ka todea, “Isema-sema nangepe bo nangoseaka Tesa nu Alatala, tona haitumo nireke tinaKu bo sampesuvuKu.”

Yohanes 13:17

Hitupa nisanimiumo pepatuduki hitu. Jadi mabelo mpuu komiu ane raoseakamiu pepatuduki hitu.

Yohanes 15:14

Bo komiu mpuu-mpuu vegaKu ane komiu mangoseaka parenta-parenta nidekeiKu ka komiu.

Yohanes 2:5

Bo nangulimo tinaNa ka topokarajaa ri posusa haitu, “Poviamo nuapa-nuapa ratuduNa ka komiu ngena.”

Suro-Suro 9:6

Jadi peanggamo! Koimo pesua riara ngata moitu. Hamai pade rauli ka iko anu masipato mupovia.”

Roma 15:33

Kuperapi Alatala, anu nombadekei katuvua nabelo, mombatulungi komiu pura-pura. Amin.

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.

1 Korintus 10:31

Jadi sampesuvu-sampesuvu, nuapa-nuapa rapoviamiu, nau mangande nau manginu, nau povia ntanina, povia puramo ala Alatala rabila bo ratoiya.

1 Korintus 14:33

Apa Alatala nompokono anu natinonto. Ledo nipokonoNa nagado. Poviamo anu nabiasa nipovia ri pura-pura kasiromu ntodea topomparasaya.

1 Korintus 4:16

Yaku nompotove komiu mpo anaku mboto. Jadi haitu sampe yaku mpuu-mpuu merapi nte komiu, pasialamo pokaingguku.

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

Filipi 3:17

Sampesuvu pura-pura, pasialamo pokaingguku, bo pariarantai munimo pokainggu ntona ntanina anu natuvu nangoseaka jonjo kami.

Filipi 4:7

Bo ane radekeimiu kakini raramiu ka Alatala, radekeiNa katinonto ka komiu anu ledo rapakule nu manusia mompahana. Ia mompakatinonto raramiu bo pekirimiu sabana komiu nosangu rara ante i Yesus Kristus.

1 Tesalonika 1:6

Bo tempo komiu nangepe Kareba Belo, nipasialamiu pokainggu kami bo pokainggu i Pue Yesus muni. Nau nipakasusa mpuu komiu, komiu nadamba nantarima Kareba Belo apa Nosa Gasa nu Alatala nompakadamba raramiu.

1 Tesalonika 2:14

Sampesuvu-sampesuvu, nisani kami Alatala nokarajaa riara nggatuvumiu apa pepandasa nirasai ntodea nu Alatala anu nomparasaya i Yesus Kristus ri bagia Yudea, nirasaimiu munimo. Komiu nipandasa roamiu sangata, nasimbayu mpo pepandasa roara simbo toYahudi anu ledo nomparasaya i Yesus.

1 Tesalonika 5:23

Kuperapi nte Alatala, topombadekei katuvua nabelo ka kita, ala Ia mboto mompakagasa katuvumiu sampe komiu mpuu-mpuu matuvu mpo todeaNa nagasa. Kuperapi Alatala mombajagai karomiu, rara ntaimiu, bo pekirimiu sampe ledo ntoto maria nuapa-nuapa rasalai tempo Tuputa Yesus Kristus makava mpanjili.

2 Tesalonika 3:4

I Pue Yesusmo nanggeniaka komiu, jadi nisani kamimo anu nipatuduki kami ka komiu, nioseakamiu sii-sii bo bate-batena raoseakamiu.

2 Timotius 4:22

Kuperapi i Pue Yesus momporoa iko, Timotius. Kuperapi Ia bate-batena mabelo nte komiu pura-pura. Tabe lako nte yaku, Paulus

Yakobus 1:22

Jadi oseakamo tesa nu Alatala, bo nee aga raepe bayangi. Apa ane aga raepe bayangi, komiu nombabagiu karomiu mboto.

2 Petrus 1:10

Jadi sampesuvu-sampesuvu, pasimbuku mpuumo mokainggu mabelo ala malanto komiu mpuu-mpuu nipelisi nu Alatala bo nipokioNa majadi todeaNa. Ane inggu-inggu pangane ratambaika pomparasayamiu, natantu ledo ntoto moura pomparasayamiu,

1 Yohanes 3:22

Bo nuapa-nuapa raperapita nte Ia, natantu radekeiNa ka kita, sabana kita nanturusi parenta-parentaNa bo pokaingguta nompakadamba raraNa.