Filipi 4:6 - Kaili Ledo

⁶ Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

Filipi 4:6 Iomraidhean Croise

Matius 10:19

Ane komiu rakeni ri ngayora, nee makini raramiu mompekirika nuapa raulimiu bara berimba komiu mesana ka ira. Apa ri tempo haitu radekei ka komiu tesa-tesa masipato raulimiu ka ira.

Matius 13:22

Savua nanavu ranggarui nirapaka tona nangepe Tesa nu Alatala bo niparasayara. Tapi ira aga nasesa nompekirika katuvura mboto riara dunia hitu, bo ira aga naino ka doi. Haitu pura-pura nangupi Tesa nu Alatala sampe ledo ria aselena riara nggatuvura.

Matius 6:34

Jadi nee masesa raramiu nompekirika bara nuapa majadi maile, sabana maile maria kasusana mboto. Naganamo kasusa eo hitu rapekirita nee ratambai anu majadi maile!”

Matius 6:8

Nee mompasiala pokainggura haitu! Apa nisani nu Alatala mamimo nuapa niparaluumiu dopame komiu merapi lako nte Ia.

Lukas 10:41

Nesana i Yesus, “Heh, Marta, nikitaKu iko nabago bo nasesa raramu nompekirika mpengaya-ngaya.

Lukas 12:22

Pade nanguli i Yesus ka anaguruNa ivei: “Kuuli ka komiu, nee makini raramiu mompekirika katuvumiu bara nuapa rakandemiu, bara baju nuapa rapakemiu,

Lukas 12:29

Jadi nee maingu bo makini raramiu mompekirika nuapa rakandemiu bara nuapa rainumiu!

Lukas 18:1

Naupu haitu i Yesus nompatuduki anaguruNa ante notesa sangu porapa ala ira masaro mosambaya bo nee masau rara.

Lukas 18:7

Iyapa tona ledo nanoa, nadota nantulungi timbala nerapi nte ia, nemopa Alatala! Natantu ratulungiNa todea nipelisiNa anu nekakai nte Ia eo bongi. Nee rapekirimiu Ia aga nokalera-lera mantulungi ira.

1 Korintus 7:21

Ane komiu najadi batua tempo komiu nipokio nu Alatala, nee masusa raramiu mompekirika haitu, ledo nakuya komiu najadi batua. Tapi ane rakavamiu loga makabasaka lako ri pepobatua, aginamo komiu makabasaka.

1 Korintus 7:32

Anu nipodotaku ala komiu matuvu ledo masesa rara. Tona dopa noberei namala mompakasangu pekirina ka pokarajaa i Pue. Nipekirikana berimba ia mamala mompakadamba rara i Pue.

2 Korintus 1:11

Nisani kami ane komiu muni mantulungi mosambayaka kami, Alatala bate-batena mompakasalama kami riara kasusa. RadekeiNa belo ka kami sabana madea tona mosambaya ka kami. Bo madea tona manguli tarima kasi ka Ia ane rakitara nipoiyoNa pomperapira ka kami.

Efesus 5:20

Komiu kana masaro motarima kasi nte Tuamata Alatala ka pura-pura anu najadi. Ulimo tarima kasi ka Ia sabana komiu nosangu rara nte Tuputa Yesus Kristus.

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Kolose 3:15

I Kristus nompoposinggabelo kita. Jadi nee rapoviata anu mombagerosi posinggabelo haitu, sabana kita nipokio nu Alatala ala kita pura-pura matuvu mosinggabelo mpo sipa-sipa nu karo sangu. Bo nee menonto motarima kasi nte Alatala.

Kolose 3:17

Bo nuapa-nuapa rapoviata bara raulita, rapoviata bo raulita muni anu masipato ka topomparasaya i Pue Yesus. Bo raulita munimo tarima kasi ka Tuamata Alatala sabana anu nipovia i Yesus ka kita.

Kolose 4:2

Nee masau raramiu mosambaya. Pekiri pakabelo anu raulimiu ka Tupu, bo masaro manguli tarima kasi nte Ia.

1 Timotius 2:1

Pamula-mulana kuuli ka pura-pura topangoseaka i Yesus, posambayaka pura-pura tona. Pekakai nte Alatala, perapi anu niparaluu ntona, bo motarima kasi nte Ia.

1 Timotius 5:5

Timbala anu mpuu-mpuu natuvu saitona bo ledo mpuu naria isema-sema mompiarana, aga natuvu manjarumaka Alatala. Eo bongi ia nosambaya njuu nerapi tulungi nte Ia.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

1 Petrus 5:7

Dekeimo pura-pura kakini raramiu ka Ia apa Ia bate-batena nompariara komiu.