Filipi 4:4 - Kaili Ledo

⁴ Sampesuvu pura-pura, kadambamo raramiu sabana komiu nosangu rara ante i Pue Yesus. Sangganipa kuuli ka komiu, kadambamo raramiu!

Filipi 4:4 Iomraidhean Croise

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Suro-Suro 16:25

Nitasere natanga bongina, i Paulus bo i Silas nosambaya bo nodade nantoiya Alatala. Tona ntanina nitarunggu ri sia nompetalingai ira nodade.

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

Roma 12:12

Kana madamba raramiu sabana komiu nanjarumaka anu rapovia nTupu ka komiu. Kana mosabara tempo masusa. Nee masau raramiu mosambaya.

2 Korintus 6:10

Nau kami nasaro nipakasusa, tapi kami batena nadamba. Kami napakasi, tapi kamimo anu nanggeni belo ka tona nadea. Nikita eva ledo ria nuapa-nuapa nte kami, tapi kakanana mpengaya-ngaya naria nte kami.

Galatia 1:8

Tapi kuuli ka komiu, nau kami mboto atau malaeka lako ri suruga, isema-sema mompatolele kareba belo anu nosisala ante Kareba Belo nipatolele kami ka komiu bara ipia, tona haitu rapopogaa lako nte Alatala sampe ri kasae-saena.

Filipi 2:18

Ivesia muni komiu kana mosukuru bo madamba mpasanggani-nggani ante yaku.

Filipi 3:1

Sampesuvu-sampesuvu, kapolana, komiu kana madamba sabana komiu nosangu rara ante i Pue Yesus. Ledo nalenge yaku nombasili anu nitulisiku ka komiu bara ipia, sabana yaku madota mompainga komiu ala komiu ledo rabagiu ntona anu nanggeni pepatuduki nasala.

1 Petrus 4:13

Kakanana komiu kana madamba, sabana komiu nombarasai kasusa bo kapari nasimbayu mpo anu nirasai i Kristus mboto. Apa ane komiu nombarasi susa bo pari mpo nirasai i Kristus, mambaso mpuu kadamba nu raramiu tempo Ia makava mpanjili. Tempo haitu, kaoge i Kristus anu nipokumaaka rapopakita ka pura-pura manusia.