Filipi 4:22 - Kaili Ledo

²² Tarima muni tabe lako nte pura-pura todea nu Alatala ri ngata hitu, nelabipa ira lako ri banua Magau Mbaso Kaisar.

Filipi 4:22 Iomraidhean Croise

Matius 5:47

Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Suro-Suro 20:38

Nabuku mpuu rarara, sabana i Paulus nanguli ka ira, “Domo rakitamiu hanupa lenjeku!” Naliutaka sia, nikenira kami sampe ri kapala.

Suro-Suro 9:13

Nesanamo i Ananias, “Pue, niepeku nadea tona notesa i Saulus haitu. Niulira nadea mpuu todeaMiu nipandasana ri ngata Yerusalem

Roma 16:16

Posipakavotemo tabe ante mpuu-mpuu rara, mpo sampesuvu sampomparasaya i Kristus. Pura-pura topomparasaya i Kristus ri sii nompakavote tabera ka komiu muni.

2 Korintus 13:13

Kuperapi Tuputa Yesus Kristus mombadekei belo ka komiu, bo Alatala mompotove komiu, bo Nosa Gasa nu Alatala mompakasangu komiu bo momporoa komiu pura-pura. Tabe lako nte yaku, Paulus

Filipi 1:13

Pura-pura tantara anu nombajagai banua nu Magau Mbaso bo pura-pura tona ntanina ri sii, nisanira yaku hii nitarunggu sabana yaku nokarajaa ka i Kristus.

Ibrani 13:24

Pakavote tabe kami ka pura-pura pakenimiu bo ka pura-pura todea nu Alatala ri situ. Bo tarimamo tabe lako nte sampesuvuta sampomparasaya ri propinsi Italia.

1 Petrus 5:13

Tabe lako nte sampesuvumiu sampomparasaya anu naria ri sii ri ngata Babilon. Ira muni nipelisi nu Alatala nasimbayu mpo komiu. Bo tabe muni lako nte anaku i Markus.

3 Yohanes 1:14

Nisarumakaku domo masae, yaku tou mosinggava nte iko bo mamala kita motesa ri mata.