Filipi 4:14 - Kaili Ledo

¹⁴ Naupa ivesia, nitulungimiu yaku riara kasusaku ri sii bo anu nipoviamiu haitu nabelo.

Filipi 4:14 Iomraidhean Croise

Matius 25:21

Nanguli madika, ‘Nabelomo! Komiu batua nabelo, natutu nantui bago anu niparasayaka komiu. Komiu namala niparasaya ante mbara-mbara sakide. Sabana haitu, mbara-mbara nadea kuparasayaka komiu. Kamaimo madamba mosanggani ante yaku.’

Roma 15:27

Niara haitu nipoviara lako ri dotara mboto, ledo nipasuu. Tapi kakanana, masipato muni ira mantulungi roara toYahudi sampomparasaya. Apa lako ri toYahudi sampe tesa nu Alatala nikeni ka tona ledo toYahudi. Jadi masipato mpuu tona ledo toYahudi mantulungi toYahudi ante mbara-mbara lako ri dunia hitu.

Galatia 6:6

Tona nipatudukika Tesa nu Alatala masipato mantulungi topompatuduki ia, bo mombabagi ka ia nuapa-nuapa nabelo naria nte ia.

Filipi 1:7

Masipato yaku mantora komiu pura-pura ivesia, apa komiu mpuu-mpuu nipotoveku bo komiu pura-pura nantulungi yaku novia pokarajaa nidekei nu Alatala ka yaku. Komiu nasaro nantulungi yaku, tempo yaku nitarunggu sii-sii, bo muni tempo yaku nanjaliku Kareba Belo bara ipia bo nompakalanto ka tona Kareba Belo mpuu-mpuu nakana.

Filipi 4:18

Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

Ibrani 10:33

Sanggani-sanggani komiu nisalai bo nipakadaa ntona ri ngayo ntodea. Naria muni komiu nantulungi roa anu nipovia ntona ivehaitu, sampe komiu muni nombarasai kasusara.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.