Filipi 3:6 - Kaili Ledo

⁶ Nadidi mpuu raraku nangoseaka Atura agama Yahudi, sampe yaku nompandasa topomparasaya i Yesus. Pura-pura Atura haitu nioseakaku, ledo ria sangaya niliunakaku.

Filipi 3:6 Iomraidhean Croise

Matius 23:25

Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara. Komiu nasimbayu eva tona notoposi boda bo tubu ri savalikuna tapi riarana batena natagara. Komiu nangoseaka ada-ada agama anu nikita ntona, tapi riara ntaimiu komiu aga nasese bo ledo ria kabasamiu naino ka mbara-mbara ntona.

Matius 5:20

Pariaramo tesaKu hitu! Komiu kana matutupa nangoseaka dota nTupu pade guru-guru agama bo toFarisi. Ane ledo, komiu ledo ntoto mamala majadi todea riara Poparenta nu Alatala.”

Lukas 1:6

Katuvura njamboko mpuu-mpuu nompakadamba rara nu Alatala, sabana ira njamboko natundu ri pura-pura parenta bo atura nu Alatala.

Suro-Suro 21:20

Naupu nangepe tesa i Paulus, i Yakobus ante pakeni-pakeni ntanina, nantoiya Alatala. Niulira ka i Paulus, “Sampesuvu, kana rasanimiu nonjobu-njobumo toYahudi nomparasaya i Yesus, tapi ira pura-pura da batena nangoseaka Atura-atura agama anu nipapola Nabi Musa.

Suro-Suro 22:5

Pakeni nTopanggeni Pesomba mboto bo pura-pura toPolibu Mbaso Agama Yahudi mamala mombasabiki tesaku hitu nakana. Apa ira mbotomo nombadekei ka yaku sura rakeni ka toYahudi ri ngata Damsyik. Sura haitu nombadekei kuasa ka yaku ala yaku mamala mombasaka topomparasaya pepatuduki i Yesus sumai bo manggeni ira tumai ri ngata Yerusalem bo rahuku.”

Suro-Suro 26:5

Nasaemo nisanira yaku. Ane rapodotara, ira mboto mamala majadi sabi katuvuku hitu. Nompamula lako ri pantepuuna, nioseakaku pepatuduki ntoFarisi, anu mpuu-mpuu natutu nangoseaka pura-pura atura agama kami ntoYahudi.

Suro-Suro 8:3

I Saulus nompasimbuku njuu mompandasa topangoseaka i Yesus ala domo raparasayara i Yesus. Nipebutuna banuara nipesuana bo isema-sema nomparasaya i Yesus, langgai bo mombine, niumbunjaina ri savalikuna bo nisuarakana riara ntarunggu.

Roma 7:9

Bara ipia, dopame nisaniku Atura agama, yaku natuvu nasana. Tapi nisanikupa Atura agama, dosa anu naria mami riara ntaiku nompamula naroso,

1 Korintus 10:32

Nee sampe pokainggumiu manggeni tona ntanina manavu riara dosa, nau toYahudi nau tona ledo toYahudi, nau todea topomparasaya Alatala.

1 Korintus 15:9

Yaku hii suro i Yesus natueipa pade suro-suro ntanina. Kakanana yaku hii ledo masipato rauli suro i Yesus sabana yaku nompandasa todea topomparasaya Ia bara ipia.

Filipi 2:15

ala malanto ka pura-pura tona komiu ana-ana nu Alatala nabelo, anu ledo rasalai ntona. Komiu natuvu nanoa ri tatanga manusia natenggo bo nadaa nasimbayu mpo betue-betue nombavanta kalandana.

Filipi 3:9

bo mpuu-mpuu mosangu rara ante Ia! Alatala nombareke yaku nanoa ri panggitaNa, ledo sabana pangoseakaku Atura-atura agama, tapi sabana pomparasayaku i Kristus. Yaku najadi nanoa ri panggita nu Alatala ledo lako ri pokaingguku, tapi lako nte Alatala mboto. Bo Alatala nompakanoa yaku lako ri pomparasayaku.

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.