Filipi 3:5 - Kaili Ledo

⁵ Yaku nisuna tempo da noumuru valu-mbongi. Yaku nipoanaka ntoIsrael lako ri muli i Benyamin. Yaku toIbrani mpuu, bo yaku toFarisi anu mpuu-mpuu natutu nangoseaka pura-pura Atura nipapola Nabi Musa.

Filipi 3:5 Iomraidhean Croise

Lukas 1:59

Nagana valu-eo umuru nu ngana haitu, nakavamo ira mombasuna bo mompoposanga ngana haitu. Ira madota mompoposanga ia i Zakharia, nantuntuni sanga ntuamana,

Lukas 2:21

Nagana valu-eo umuru nu ngana, nipoviaramo ada posuna. Pade nipoposangara ngana haitu i Yesus, nangoseaka tesa nu malaeka ka i Maria, dopame i Yesus nikatianaka ntinaNa.

Lukas 5:38

Kakanana, uve anggur nabaru kana raboli ri pomboli nabaru muni.

Suro-Suro 22:3

“Yaku hii toYahudi nipoanaka ri ngata Tarsus ri propinsi Kilikia. Tapi yaku nipakambaso ri sii ri ngata Yerusalem, bo neguru nte Guru Mbaso nosanga i Gamaliel. Yaku nipatudukina pakabelo-belo nantuntuni Atura-atura nipapola Nabi Musa ka totuata nggaulu. Yaku muni mpuu-mpuu nangoseaka parenta nu Alatala nasimbayu mpo komiu ri sii.

Suro-Suro 23:6

Nipeinta i Paulus naria toSaduki, bo toFarisi riara Polibu Mbaso Agama haitu. Jadi, niulinamo ka ira pura-pura, “Sampesuvu-sampesuvu! Yaku hii toFarisi muni bo muli ntoFarisi! Yaku nitangara ri sii sabana yaku nomparasaya tona namate mpuu-mpuu matuvu mpanjili!”

Suro-Suro 6:1

Kasae-sae kadea-dea topangoseaka i Yesus. Tempo haitu topangoseaka i Yesus deanapa toYahudi. Sanu ira nobasa Yunani, bo sanu nobasa basara mboto. Tempo haitu topobasa Yunani ledo nadamba nte topobasa Yahudi. Topobasa Yunani nanguli, “Timbala-timbala kami ledo nanggava doi balanja eo-eo mpo anu nipalele ka timbala-timbala ntanina.”

Roma 11:1

Jadi, berimbamo? Alatala nompoara todeaNa toYahudi? Natantumo ledo! Apa yaku mboto toYahudi, muli i Abraham, bo lako ri valaa i Benyamin.

2 Korintus 11:22

Berimbamo? ToIbrani ira? Yaku muni toIbrani. ToIsrael ira? Yaku muni toIsrael! Muli i Abraham ira? Yaku muni muli i Abraham!