Filipi 3:11 - Kaili Ledo

¹¹ ala yaku muni mamala rapakatuvu mpanjili lako ri kamateku.

Filipi 3:11 Iomraidhean Croise

Lukas 14:14

Ane ivesia rapoviamiu, Alatala mombadekei belo ka komiu. Sabana ledo rapakule tona ivehaitu mombabalasi pokainggumiu nabelo. Pokainggumiu nabelo haitu rabalasi nu Alatala tempo tona nanoa rapakatuvu mpanjili lako ri kamatena.”

Yohanes 11:24

Nanguli i Marta, “Iyo. Nisaniku ia matuvu mpanjili ri kaupu nu dunia tempo pura-pura tona namate matuvu mpanjili.”

Suro-Suro 23:6

Nipeinta i Paulus naria toSaduki, bo toFarisi riara Polibu Mbaso Agama haitu. Jadi, niulinamo ka ira pura-pura, “Sampesuvu-sampesuvu! Yaku hii toFarisi muni bo muli ntoFarisi! Yaku nitangara ri sii sabana yaku nomparasaya tona namate mpuu-mpuu matuvu mpanjili!”

Suro-Suro 26:7

Kami toYahudi, muli lako ri sapulu randua ana i Israel, nanjarumaka pojanji haitu rapakadupa nu Alatala. Haitumo sampe kami ledo nabasa-basa eo bongi netupu nte Alatala. O Magau nibilaku! Yaku nipangadu ntoYahudi sabana yaku nomparasaya pojanji haitu, nasimbayu nte ira!

Suro-Suro 27:12

Pesampo Nagaya haitu ledo mami nabelo rapesampo masae ri tempo mpoiri. Sabana haitu, deanapa topesavi kapala kami nanguli, “Agina malai kita lako ri pesampo hitu bo rapasimbukuta mapola hau ri pesampo Feniks bo mesampo hamai sampe maupu tempo mpoiri.” Ngata Feniks haitu pesampo ri levuto Kreta anu natelendu lako ri poiri ri tempo mpoiri, sabana notingayo bagia tasi mpanau.

Roma 11:14

Apa nisarumakaku maria sanu sampesuvuku toYahudi masiriati manggita komiu, sampe ira muni mamala kukeni momparasaya i Yesus bo rapakasalama.

1 Korintus 15:23

Tona namatemo kana rapakatuvu mpanjili nangoseaka sunjuna nipakatantu. I Kristus tona pamulana nipakatuvu mpanjili. Bo maliu haitu tona nosangu rara nte Ia rapakatuvuNa mpanjili tempo Ia makava mpanjili ri dunia.

1 Korintus 9:22

Ane yaku nosanggani-nggani nte tona ledo naroso pomparasayana, yaku najadi nasimbayu mpo ira ala yaku mamala mantulungi mompakaroso pomparasayara. Yaku nangoseaka mpengaya-ngaya pokainggu bo kabiasa ntona ala yaku mamala manggeni sanu ira momparasaya.

1 Korintus 9:27

Tapi yaku neguru nombakuasai karoku mboto ala ledo mangoseaka dota raraku nadaa, mbelaka maupu kupatolele Kareba Belo ka tona ntanina, yaku mboto ledo manggava hadia.

2 Korintus 11:3

Tapi nakini mpuumo raraku, nee-nee raakalani ntona komiu sampe komiu domo ante raramiu mpuu-mpuu mompotove i Kristus. Apa ivesia najadi nte i Hawa anu niakalani nu ule tempo nggaulu.

1 Tesalonika 3:5

Jadi sia sampe nituduku i Timotius tou nte komiu, ala kusani berimba pomparasayamiu, sabana domo nipakuleku mantaamaka kalentora raraku nompekirika komiu. Nakini raraku nee-nee komiu bara mamala radagi nu Magau Seta ante pesori-pesorina sampe domo ria asele lako ri katiti nu ini kami nanggeni Kareba Belo ka komiu.

2 Tesalonika 2:3

Nau bara berimba ntoto kareba haitu, nee sampe komiu rabagiu ntona, sabana dopame makava eo haitu, naria rongaya kana majadi ntani ruru. Pamulana, madea mpuu tona moura pomparasayara bo mombasapu Alatala. Bo karongayana, kana meumba Topesapuaka anu ranavusaka riara narakaa bara maipia.

2 Timotius 4:8

Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

Ibrani 11:35

Lako ri pomparasayara, mombine-mombine nanggita mpanjili tona-tonara anu nipakatuvu mpanjili lako ri kamatena. Tapi naria muni tona ntanina nompalamba karora nipandasa sampe namate sabana pomparasayara. Ira ledo nadota rakabasaka lako ri kasusa haitu apa ira madota rapakatuvu mpanjili bo manggava katuvua nabelopa.

Pompakita 20:5

Haitumo niuli pembangu ntomate pamulana. Tomate ntanina dopa matuvu mpanjili ane dopa maupu sanjobu mpae haitu.