Filipi 2:14 - Kaili Ledo

¹⁴ Nau bara nuapa rapoviamiu, nee mongau atau mosinggarau,

Filipi 2:14 Iomraidhean Croise

Matius 20:11

Naupu ira nantarima gajira, nongaumo ira ka tupu ntalua ivei:

Markus 14:5

Lana haitu mamala rapobalu ante alina melabi taluatu doi salaka bo doi haitu namala radekei ka tona napakasi.>> Jadi nipokarauramo mombine haitu.

Markus 9:14

Tempo i Yesus, ante i Petrus, i Yakobus bo i Yohanes nanjili hau mosinggava nte anaguruNa ntanina, nikitara nadea tona nantagui anaguruNa. Bo naria bara sako-ndua guru agama nosinjanai ante ira.

Lukas 5:30

Naria bara sako-ndua toFarisi ante guru agamara. Ledo nadamba rarara nanggita i Yesus hau ri posusa. Niulikara topangoseaka i Yesus, “Nakuya komiu nangande bo nanginu nosanggani-nggani ante topesingara balasitee bo tona nadosa?”

Suro-Suro 15:2

Tapi i Paulus bo i Barnabas mpuu-mpuu nosinjanai nte ira bo nangeva pepatudukira. Jadi kaupuna, todea topomparasaya nompakatantu i Paulus bo i Barnabas ante bara sako-ndua topomparasaya ntanina lako ri sia, kana hau ri ngata Yerusalem ala molibu ante suro-suro bo pakeni ntopomparasaya ntanina hamai bo motesaki pepatuduki haitu.

Suro-Suro 15:39

Jadipa i Paulus bo i Barnabas nosinggarau mpuumo bo kaupuna ira nosimpogaamo. I Barnabas nangala i Markus bo ira nesavi kapala hau ri levuto Siprus.

Suro-Suro 15:7

Nasae mpuu ira nosinjula pekiri. Kaupuna neanggamo i Petrus bo nanguli, “Sampesuvu-sampesuvu! Nisanimiu mboto bara sakuya kasaena naliu, Alatala nompelisi yaku lako nte komiu mompatolele Kareba Belo ka tona ledo toYahudi ala ira muni mangepe bo momparasaya.

Suro-Suro 6:1

Kasae-sae kadea-dea topangoseaka i Yesus. Tempo haitu topangoseaka i Yesus deanapa toYahudi. Sanu ira nobasa Yunani, bo sanu nobasa basara mboto. Tempo haitu topobasa Yunani ledo nadamba nte topobasa Yahudi. Topobasa Yunani nanguli, “Timbala-timbala kami ledo nanggava doi balanja eo-eo mpo anu nipalele ka timbala-timbala ntanina.”

Roma 12:18

Pasimbukumo matuvu mosinggabelo ante pura-pura tona, sampe ri pompakulemiu.

Roma 14:1

Naria topomparasaya dopa naroso pomparasayara, sampe da naingu rarara pokainggu mbana raoseakara. Tona ivehaitu kana ratarimata ante nabelo, bo nee rapakasala panggavara.

Roma 16:17

Sampesuvu-sampesuvuku, kuperapi ante mpuu-mpuu ala komiu mainga nte tona anu nompoposibali todea topomparasaya bo madota mompakanavu komiu ante pepatuduki anu nangeva pepatuduki nakana nipatuduki ka komiu. Tumo mosimporoa ante tona ivehaitu!

1 Korintus 10:10

Bo nee kita mongau mpo pongau roara ntanina. Topongau haitu nipatesi nu malaeka kamatea.

2 Korintus 12:20

Apa nakini raraku, nee-nee ane yaku tou nte komiu kukava komiu ledo mpo anu nisarumakaku, bo pokaingguku nte komiu ledo mpo anu nisarumakamiu. Nee-nee kukava komiu mosinggarau, bara masiriati, bara marau, bara aga mompekirika karo mboto. Nee-nee kukava komiu mosisalai bara mositunturaka bara malanga rara bara mompakagado todea topomparasaya.

Galatia 5:15

Tapi ane komiu batena nosinggarau bo nosipodua rara, pakabelo-belo! Magero singgani-ngganimo komiu ngena!

Galatia 5:26

Nee kita mompakalanga rarata, nee mosipodua rara bo nee masiriati.

Filipi 2:3

Nuapa-nuapa rapoviamiu, nee aga mangelo kauntu mboto atau mantoiya karo mboto, tapi aginamo rapakaedemiu raramiu bo manguli roamiu naogepa pade komiu mboto.

1 Tesalonika 5:13

Bilamo ira bo potovemo ira ante mpuu-mpuu raramiu, sabana ira mpuu-mpuu nokarajaa nantulungi komiu. Bo komiu kana matuvu mosinggabelo ante roamiu pura-pura.

1 Tesalonika 5:15

Jagaimo ala ledo maria komiu mombabalasi pokainggu nadaa ante anu nadaa. Komiu kana masaro mompasimbuku movia anu nabelo ka roa-roamiu bo ka tona ntanina muni.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

Yakobus 1:20

Apa ane kita marau, ledo rapakuleta movia belo anu mompakadamba rara nu Alatala.

Yakobus 3:14

Tapi ane komiu aga nasiriati, bo aga nompekirika karomiu mboto, nee rakalanga raramiu bo manguli nanoto pekirimiu. Apa inggumiu haitu nosisala ante pepatuduki nakana.

Yakobus 5:9

Nee mongalu bo mosipakasala, ala komiu ledo rahuku nu Alatala. Toramo! Domo masae makavamo Ia mombatangara manusia.

1 Petrus 3:11

Ia kana mombakabasaka pokaingguna nadaa bo movia anu nabelo. Ia kana mangelo posinggabelo bo mompasimbuku matuvu mosinggabelo ante tona ntanina.

1 Petrus 4:9

Komiu kana majole mantarima torata riara banuamiu bo nemo mongau-ngau.

Yudas 1:16

Guru-guru mpodava gahaitu batena nongau bo nompakasala tona ntanina. Ira natuvu nangoseaka dota rarara nadaa. Ira nangoe nompakalanga karora mboto bo notesa namomi ala raoseaka ntona dotara.