Filipi 1:6 - Kaili Ledo

⁶ Alatala mbotomo nompamula novia anu nabelo riara ntaimiu. Bo niparasayaku poviaNa haitu rapakapolaNa sampe maupu, ri tempo kakava i Yesus Kristus mpanjili.

Filipi 1:6 Iomraidhean Croise

Yohanes 6:29

Nesana i Yesus, “Iveimo anu nipokonoa nu Alatala: Parasayamo Yaku anu nituduNa.”

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 16:14

Naria saito mombine ri sia lako ri ngata Tiatira nosanga i Lidia. Ia topobalu kae nosura sese mpalola, anu nasuli mpuu alina. Ia nombasomba Alatala mamimo. Tempo niepena tesa i Paulus, Alatala nompakanoto rarana sampe nitarimana pepatuduki haitu.

1 Korintus 1:8

Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

2 Korintus 1:15

Nisaniku komiu mpuu-mpuu nadamba nompekirika yaku. Haitu sampe yaku nonia ronggani mesai nte komiu, ala komiu mamala mantarima belo ronggani kadeana lako nte yaku. Patujuku mesai mompelioda komiu ntani ruru pade mapola hau ri propinsi Makedonia. Bo tempo manjili lako ri Makedonia pade mesai vai mompelioda komiu ala komiu mamala mantulungi yaku mompapola polipaku hau ri bagia Yudea.

2 Korintus 2:3

Bo haitumo patujuku notulisi sura ka komiu bara ipia. Apa ledaku tou ane aga masusa raraku manggita pokainggumiu. Kakanana komiu masipato mompakadamba raraku. Bo ane madamba yaku, tantu komiu muni madamba.

2 Korintus 7:16

Nadamba mpuu raraku sabana komiu namala niparasaya riara mpengaya-ngaya.

2 Korintus 9:4

Apa ane maria toMakedonia momporoa yaku ngena tou, bo ane rapana doi pedekeimiu dopa nipasiromumiu, natantu maeya mpuu mataku, nemopa komiu, apa niuliku ka ira komiu mpuu-mpuu nasadia metulungi!

Galatia 5:10

Tapi kita nosangu rara ante i Pue. Jadi niparasayaku komiu ledo mangoseaka pepatuduki nasala. Bo niparasayaku tona nompakagado pekirimiu ri situ kana rapambela pehuku nu Alatala, nau damo isema ia.

Efesus 4:12

NipaleleNa pedekei haitu ala kita todea nu Alatala rapakagana ala rapakuleta mantui pokarajaa nu Alatala. PatujuNa muni ala kita anu najadi karo i Kristus mantambai karosota,

Filipi 1:10

Ane ivesia komiu, rasanimiu mompelisi anu nabelopa rapoviamiu, bo katuvumiu majadi magasa bo ledo maria salamiu sampe i Kristus makava mpanjili.

Filipi 1:29

Apa Alatala nompaloga komiu nokarajaa nombatulungi i Kristus, haitumo, komiu ledo aga nipalogaNa momparasaya i Kristus, tapi nipalogaNa muni komiu mombarasai susa bo pari sabana komiu topomparasaya Ia.

Filipi 2:12

Jadi sampesuvu-sampesuvu nipotoveku, komiu nasaro nangoseaka pepatudukiku tempo yaku da nosanggani-nggani ante komiu. Jadi kuperapi komiu batena mangoseaka pepatudukiku, nemopa sii-sii kita nosinggavao. Alatala nompakasalama komiu bo nidekeiNa katuvu nabelo ka komiu. Jadi pasimbuku njuumo matuvu manoa, maeka mokainggu nadaa, sampe kaupuna katuvumiu nabelo haitu ledo makura nuapa-nuapa.

Filipi 2:13

Apa Alatala mbotomo nokarajaa riara ntaimiu nombadekei ka komiu dota rara bo pompakule mangoseaka dotaNa.

Filipi 2:16

Apa komiu nompatolele ka ira Kareba Belo anu namala manggeni ira matuvu mabelo sampe ri kasae-saena. Ane komiu matuvu ivesia, madamba mpuu raraku tempo i Kristus makava mpanjili, sabana katuvumiu haitu tandana naria mpuu asele pokarajaaku, bo ledo aga nalenge bayangi yaku nokarajaa ntamo ri tatangamiu bara ipia.

Kolose 2:12

Tempo kita nidiu tandana kita topangoseaka i Kristus, nireke kita namate bo nitana nosanggani-nggani ante i Kristus. Bo nireke muni kita nipakatuvu mpanjili nosanggani-nggani ante i Kristus, sabana kita nomparasaya kuasa nu Alatala anu nompakatuvu mpanjili i Kristus lako ri kamateNa.

2 Tesalonika 1:11

Haitu sampe kami nasaro nosambaya ka komiu. Kami merapi ala Alatala mombatulungi komiu ala pokainggumiu majadi masipato ka tona nipokio nu Alatala majadi todeaNa. Kami merapi Alatala mombatulungi komiu ante kuasaNa ala pura-pura niamiu movia anu nabelo majadi mpuu, bo pura-pura pokarajaa nipoviamiu sabana pomparasayamiu rapapolamiu sampe maupu.

2 Tesalonika 3:4

I Pue Yesusmo nanggeniaka komiu, jadi nisani kamimo anu nipatuduki kami ka komiu, nioseakamiu sii-sii bo bate-batena raoseakamiu.

Filemon 1:21

Yaku notulisi sura hitu ka iko sabana nisaniku iko movia anu niperapiku hitu. Bo ledo aga haitu, nisaniku iko movia melabipa pade anu niperapiku.

Ibrani 10:35

Jadi, sampesuvu-sampesuvu, nee menonto momparasaya, sabana ane maroo komiu momparasaya, mambaso mpuu tambomiu bara maipia.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

2 Petrus 3:10

Tapi i Pue Yesus mpuu-mpuu makava mpanjili! KakavaNa ledo rasani-sani ntona, nasimbayu mpo kakava ntopangangga. Ri eo haitu langi malipo sanggani ante moni mamangga mpuu mpo suu nu apu oge. Bo pura-pura anu naria ri langi maropu rakande nu apu, bo dunia ante pura-pura isina malipo sanggani.