Filipi 1:4 - Kaili Ledo

⁴ Bo nggani-nggani yaku nosambaya ka komiu pura-pura, yaku nosambaya ante damba raraku.

Filipi 1:4 Iomraidhean Croise

Markus 5:5

Eo bongi ia aga nanjayo hau-tumai ri podayo bo ri bunti-buntina, nongare-ngare bo nombabakasi karona mboto ante vatu.

Lukas 15:10

Ivesia muni malaeka-malaeka nu Alatala. Madamba mpuu rarara ane saito tona najea nokainggu nadaa.”

Lukas 15:7

Ivesia muni ri suruga. Ane saito tona nadaa majea, kadamba nu isi suruga naogepa pade kadamba ka siopulu bo sasio tona nanoa anu ledo paraluu majea.”

Roma 1:9

Nisani nu Alatala yaku nasaro nosambaya ka komiu. Yaku batena ante rara mpuu-mpuu nombatui pokarajaa nidekei nu Alatala ka yaku, haitumo nompatolele Kareba nu AnaNa.

Filipi 2:2

Sabana haitu, kuperapi komiu mpuu-mpuu mompakadamba raraku ivei: matuvu mosimpotove, mosangu rara, mosangu pekiri bo mosangu patuju.

Filipi 3:18

Apa nadea ngganimo niuliku ka komiu bara ipia bo sii-sii kuuli vai ante tangi, nadeamo tona natuvu ante pokainggu nadaa. Niulira ira topomparasaya tapi pokainggura nadaa nompakalanto pesapuakara. Ledo niparasayara i Kristus namate ri kayu salib mombakabasaka kita lako ri kuasa nu dosa.

Filipi 4:1

Jadi, sampesuvu-sampesuvu nipotoveku bo nipolentoraku. Komiu mpuu-mpuu nompakadamba raraku, bo nasana mpuu raraku sabana pomparasayamiu asele pokarajaaku nompatolele Kareba Belo. Nantora anu niuliku pangane, nee molengga-lengga momparasaya bo mangoseaka i Pue Yesus.

Kolose 2:5

Sabana nau yaku nakavao lako nte komiu, riara ntaiku yaku naria ri situ nte komiu. Bo nadamba mpuu raraku nangepe komiu nosangu rara bo ledo nolengga-lengga nomparasaya i Kristus.

1 Tesalonika 1:2

Kami ledo nenonto notarima kasi nte Tuamata Alatala sabana komiu pura-pura, bo kami nasaro nosambaya ka komiu. Ane kami nosambaya, kami batena nantora pokarajaamiu ka Tupu, anu nipoviamiu sabana pomparasayamiu. Nitora kami muni pompasimbukumiu nantulungi tona ntanina sabana pompotovemiu, bo nitora kami muni karoo raramiu nanjarumaka kakava nTuputa Yesus Kristus.

Filemon 1:7

Sampesuvuku, nadamba mpuu yaku, bo raraku nipakaroso nangepe pepotovemu ka todea nu Alatala. Bo petulungimu mpuu-mpuu nompakasana rarara!

2 Yohanes 1:4

Nadamba mpuu raraku nangepe naria ana-anamiu natuvu nangoseaka pepatuduki nakana, anu niparenta nTuamata Alatala ka kita.