Filipi 1:25 - Kaili Ledo

²⁵ Nisaniku nogunapa ka komiu, jadi sabana haitu, nisaniku yaku da matuvu bo mosinggava vai nte komiu pura-pura ala komiu mantambai maroso bo madamba momparasaya i Yesus.

Filipi 1:25 Iomraidhean Croise

Lukas 22:32

Tapi niposambayaKukamo iko, Simon, ala pomparasayamu ledo moura. Jadi maupu iko rapesori bo muoseaka mpanjili Yaku, iko kana mompakaroso pomparasaya nu roamu.”

Suro-Suro 11:23

Nakavapa i Barnabas ri Antiokhia, nadamba mpuu rarana nanggita kabelo nu Alatala nte ira. Jadi nipakarosona rarara ala ira bate-batena mangoseaka i Pue Yesus ante mpuu-mpuu rarara.

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Suro-Suro 20:25

Sampesuvu-sampesuvuku. Nitunggaikumo komiu bo nipatudukikumo Poparenta nu Alatala ka komiu pura-pura. Bo sii-sii nisaniku domo rakitamiu hanupa lenjeku.

Roma 15:13

Alatala mpuu-mpuu puna panjarumakata! Kuperapi Ia mompakadamba mpuu raramiu bo mombadekei ka komiu katuvua mabelo sabana komiu nomparasaya Ia. Kuperapi panjarumakamiu nte Ia mantambai maroso ante kuasa lako ri Nosa GasaNa.

Roma 15:18

Ledo mabia yaku motesaki anu nipoviaku mboto. Aga anu nipoviaku ante kuasa i Kristus riara nggatuvuku kutesaki. Nadea tona ledo toYahudi nangoseaka i Kristus sabana pepatudukiku bo pokarajaaku,

Roma 15:29

Bo nisaniku ane yaku makava nte komiu, natantumo madea belo lako nte i Kristus kukeni ka komiu.

Roma 5:2

Kita nomparasaya i Yesus, jadi nidekeiNa ka kita loga mombarasai kabelo rara nu Alatala bo sii-sii nirasaitamo riara nggatuvuta. Nadamba mpuu rarata sabana naroso panjarumakata rakavata bagia ri kaoge nu Alatala.

2 Korintus 1:24

Kami ledo topeparenta anu aga nadamba nangulika komiu nuapa raparasayamiu bo nuapa rapoviamiu. Kakanana pomparasayamiu i Kristus naroso mamimo. Tapi kami aga madota mokarajaa mosanggani-nggani ante komiu ala komiu mpuu-mpuu madamba.

Filipi 1:24

Tapi nogunapa ka komiu ane yaku maboli ri dunia hitu ala mombatulungi komiu.

Filipi 2:24

Bo ante petulungi nTupu, niparasayaku domo masae yaku mboto mamala tou nte komiu.

Filemon 1:22

Naria vai sangupa kuperapi nte iko, tulungi pakasadia ka yaku ponturo ri banuamu, sabana nisarumakaku posambayamiu pura-pura raepe nu Alatala bo yaku rakabasaka lako ri tarunggu bo mamala mosinggava vai nte iko.

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.