Filipi 1:21 - Kaili Ledo

²¹ Apa, ane yaku matuvu, patujuku mompakaoge i Kristus, bo ane yaku mamate, nelabi belona ka yaku!

Filipi 1:21 Iomraidhean Croise

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

1 Korintus 3:22

I Apolos, i Petrus, bo yaku nidekei nu Alatala ka komiu majadi topotulungi komiu. NidekeiNa muni katuvu nabaru ka komiu bo nikabasakaNa komiu lako ri kamate. Nuapa-nuapa naria riara dunia hitu, nuapa-nuapa najadi sii-sii bo nuapa-nuapa majadi bara maipia nipakatantu nu Alatala manggeni belo ka komiu. Pura-pura haitu bagiamiu,

2 Korintus 5:1

Karota ri dunia hitu nirapaka tenda niponturota sampalai. Bo nisanita ane mageromo tenda hitu, Alatala mombadekei ka kita banua ri suruga anu ledo nipovia manusia bo bate-batena sampe ri kasae-saena, haitumo karo nabaru.

2 Korintus 5:6

Jadi haitu sampe rara kami bate-batena naroso. Nisanita ane kita da natuvu nte karota ri dunia hitu, kita dopa nosanggani-nggani ante i Pue Yesus ri suruga.

2 Korintus 5:8

Jadi evamo niuliku ri bavona, narosomo rara kami. Kami madambapa mompalaisi karo kami hitu bo hau monturo mosanggani-nggani nte i Pue.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Galatia 6:14

Tapi yaku ledo ntoto madota mangoe ka nuapa-nuapa; yaku aga mangoeka anu nipovia nTuputa i Yesus Kristus ri kayu salib. Lako ri kamateNa haitu, nalantomo ka yaku ledo ria nuapa-nuapa riara dunia anu namala mompakanoa yaku ri panggita nu Alatala. Jadi nikabasakakumo pura-pura anu ri dunia anu nisarumakaku bara ipia, bo yaku aga nanjarumaka i Kristus.

Filipi 1:20

Yaku mpuu-mpuu nanjarumaka yaku ledo rapakaeya nokarajaa nompatolele Kareba i Kristus. Nisarumakaku yaku bate-batena mabia mosabi, nemopa sii-sii, ala nau mamate atau matuvu yaku, rakita ntona kaoge i Kristus riara nggatuvuku.

Filipi 1:22

Tapi ane yaku da matuvu ri dunia hitu, yaku da mamala mokarajaa anu noguna. Jadi domo nisaniku umbana kupelisi, matuvu atau mamate!

Filipi 1:23

Yaku nitaja mpekiri rongaya. Yaku mpuu-mpuu madota mompalaisi dunia hitu hau monturo mosanggani-nggani ante i Kristus, sabana haitumo nabelopa.

Filipi 2:21

Pura-pura roaku ntanina aga nasesa nompekirika bagora mboto, ledo nompekirika dota i Yesus Kristus.

Kolose 3:4

I Kristusmo nombadekei katuvu nabaru ka komiu. Tempo Ia meonga mpanjili ri dunia, kuasaNa bo kaogeNa rakita mpuu, bo kaoge katuvumiu nabaru rakita muni sabana komiu mosanggani-nggani nte Ia.

Pompakita 14:13

Naupu haitu niepeku suara lako ri suruga nanguli, “Tulisimo tesa hitu: nompamula sii-sii nabelo mpuumo tona natutu nomparasaya i Pue sampe namate.” Bo nesanamo Nosa Gasa nu Alatala, “Nakana mpuu tutu. Domo rarasaira kasusa bo kapari, bo maria tambo radekei ka ira nangoseaka panggaviara.”