Filipi 1:19 - Kaili Ledo

¹⁹ Bo yaku batena nadamba apa nisaniku, yaku rakabasaka sabana posambayamiu bo petulungi Nosa i Yesus Kristus.

Filipi 1:19 Iomraidhean Croise

Suro-Suro 16:7

Tempo ira nakava ri pobingga bagia Misia, ira madota mapola mesua ri propinsi Bitinia. Tapi Nosa Gasa i Yesus nombatagi ira mapola.

Roma 8:28

Bara nuapa-nuapa majadi, nisanita Alatala nompasiayuna ala manggeni belo ka kita topompotove Ia, haitumo kita anu nipokioNa majadi todeaNa nangoseaka niaNa mboto.

Roma 8:9

Tapi komiu domo nangoseaka dota raramiu nadaa. Komiu nangoseaka dota Nosa Gasa nu Alatala ane Nosa Gasa mpuu-mpuu nonturo riara ntaimiu. Isema-sema ledo ria Nosa Gasa i Kristus riara ntaina, ia ledo todea i Kristus.

1 Korintus 4:17

Kutudu i Timotius tou nte komiu mombatulungi komiu mompasiala pokaingguku. Ia topomparasaya i Pue, bo ia mpo anaku mboto anu nipotoveku, bo ia namala raparasaya. Ia mompopatora ka komiu pokaingguku nangoseaka i Yesus Kristus, nasimbayu mpo nipatudukiku ka pura-pura topomparasaya i Yesus ri umba-umba ngata.

2 Korintus 1:11

Nisani kami ane komiu muni mantulungi mosambayaka kami, Alatala bate-batena mompakasalama kami riara kasusa. RadekeiNa belo ka kami sabana madea tona mosambaya ka kami. Bo madea tona manguli tarima kasi ka Ia ane rakitara nipoiyoNa pomperapira ka kami.

Galatia 3:5

Alatala najoi raraNa nompopanau Nosa GasaNa ka komiu bo nipoviaNa kabaraka-kabaraka ri tatangamiu. Jadi berimba? NipoviaNa pura-pura haitu sabana komiu nangoseaka Atura agama? Tantu ledo! NipoviaNa pura-pura haitu sabana komiu nangepe bo nomparasaya Kareba Belo i Kristus!

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

Filipi 1:18

Tapi ledo makuya! Sabana nau bara berimba, nau nipovia ante patuju nabelo atau patuju nasala, asaa kareba i Kristus nipatolele. Haitumo nompakadamba raraku.