Filipi 1:18 - Kaili Ledo

¹⁸ Tapi ledo makuya! Sabana nau bara berimba, nau nipovia ante patuju nabelo atau patuju nasala, asaa kareba i Kristus nipatolele. Haitumo nompakadamba raraku.

Filipi 1:18 Iomraidhean Croise

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Markus 12:40

Nibagiura timbala-timbala ala mangalasi banuara. Bo nitabuniakara pokainggura nadaa haitu ante nosambaya pakandoe. Mantamo mpuu pehuku ka ira ngena!>>

Lukas 9:45

Tapi ledo nisani nu anaguruNa batua ntesaNa. Batua nu tesa haitu nitabuniaka ala ledo rapahara. Bo ledo muni nabia ira nompekutana nuapa batua ntesaNa.

Lukas 9:50

Tapi nanguli i Yesus ka ia, “Nee ratagimiu ia, sabana isema-sema ledo nangeva komiu, ia nosabingga ka komiu.”

Roma 3:9

Jadi, ri panggita nu Alatala, ledo nabelopa kita toYahudi pade tona ntanina. Apa, evamo niuliku pangane, pura-pura manusia nikuasai nu dota rara novia dosa, toYahudi bo tona ledo toYahudi.

Roma 6:15

Jadi, ane kita domo nipou Atura agama, tapi nanjarumaka pepotove nu Alatala, berimbamo? Mamala kita batena movia dosa? Ledo ntoto mamala!

1 Korintus 10:19

Jadi nuapa patuju ntesaku hitu? Panguliku nakana tupu-tupu ntanina haitu? Naria gunana kandea nipakandeka tupu-tupu ntanina? Natantu ledo!

1 Korintus 14:15

Jadi nuapa masipato rapoviata? Ivei: kita kana mosambaya ante rara ntaita mompake basa nopuna lako nte Nosa Gasa, tapi kita kana mosambaya ante pekirita muni. Kita kana modade ante rara ntaita mompake basa nopuna lako ri Nosa Gasa, tapi kita kana modade ante pekirita muni.

1 Korintus 15:11

Jadi nau yaku nau suro-suro ntanina nompatolele Kareba Belo ka komiu, ledo nakuya. Anu nopoko, kami nompatolele Kareba Belo bo komiu nomparasayana.

Filipi 1:19

Bo yaku batena nadamba apa nisaniku, yaku rakabasaka sabana posambayamiu bo petulungi Nosa i Yesus Kristus.