Filipi 1:10 - Kaili Ledo

¹⁰ Ane ivesia komiu, rasanimiu mompelisi anu nabelopa rapoviamiu, bo katuvumiu majadi magasa bo ledo maria salamiu sampe i Kristus makava mpanjili.

Filipi 1:10 Iomraidhean Croise

Matius 16:23

Tapi i Yesus neili bo nanguli ka ia, “Palaimo lako ri sii, Magau Seta! Iko, Petrus, aga nombabonto Yaku ala ledo Kuoseaka dota nTuamaKu! Pekirimu tutu pekiri nu manusia, ledo pekiri lako nte Alatala!”

Matius 26:33

Nanguli i Petrus, “Nau ira pura-pura moura mompalaisi Komiu, yaku ledo ntoto moura!”

Yohanes 1:47

Tempo i Yesus nanggita i Natanael nakava nte Ia, niulikaNa, “Peintamo! Hitumo saito toIsrael mpuu! Ledo ntoto naria katenggona.”

Yohanes 3:20

Isema-sema novia nadaa ledo ntoto nipokonora reme. Ira ledo ntoto madota manggaparai reme haitu ala pokainggura nadaa haitu ledo rakita.

Suro-Suro 24:16

Haitumo sabana yaku nasaro nompasimbuku mokainggu nabelo ala ledo maria nuapa-nuapa nipoviaku masala ri panggita nu Alatala bara ri panggita nu manusia.

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

Roma 12:9

Kita kana mpuu-mpuu mompotove roata. Nee aga mosimpotove ri sumba. Kabasakamo anu nadaa, bo oseakamo anu nabelo

Roma 16:17

Sampesuvu-sampesuvuku, kuperapi ante mpuu-mpuu ala komiu mainga nte tona anu nompoposibali todea topomparasaya bo madota mompakanavu komiu ante pepatuduki anu nangeva pepatuduki nakana nipatuduki ka komiu. Tumo mosimporoa ante tona ivehaitu!

Roma 2:18

Nisanimiu dota nu Alatala bo nisanimiu nompelisi anu nabelo sabana komiu nipatuduki ante Atura-atura agama.

Roma 7:16

Tapi ane kupovia pokainggu anu ledo nipokonoku, batuana yaku nangaku Atura agama nabelo.

Roma 7:22

Pekiri riara ntaiku, nipokonoku atura nu Alatala.

Roma 8:7

Ane pekiri ntona nikuasai nu dota rara nadaa, ira nangeva Alatala. Ledo nioseakara parentaNa sabana ledo nipakulera.

1 Korintus 1:8

Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

1 Korintus 10:32

Nee sampe pokainggumiu manggeni tona ntanina manavu riara dosa, nau toYahudi nau tona ledo toYahudi, nau todea topomparasaya Alatala.

1 Korintus 8:13

Jadi, sampesuvu-sampesuvu, ane kandea anu nikandeku mompakagero pomparasaya nu sampesuvuku, domo kukande kandea haitu ala nee yaku mompakagero pomparasayana.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

2 Korintus 2:17

Nadea tona nompatolele Tesa nu Alatala ala mangelo untu ka karora mboto. Tapi ledo ivesia kami. Patuju kami nagasa bo tesa kami nakana, apa kami nisuro nu Alatala mompatolele TesaNa. Jadi kami notesa ante kuasa i Kristus bo Alatala nanggita povia kami haitu.

2 Korintus 6:3

Kami nompasimbuku matuvu ante pokainggu nabelo ala ledo maria tona manjalai pokarajaa kami nompatolele Tesa nu Alatala.

2 Korintus 8:8

Ledo niparentaku komiu kana mombadekei maoge. Yaku aga mompopaisani ka komiu kambaso pepotove ntoMakedonia nantulungi tona ntanina. Patujuku ala kusani ane komiu muni mpuu-mpuu nompotove tona ntanina.

Galatia 5:11

Sampesuvu-sampesuvu, niuli ntona yaku mboto da nompatuduki tona kana rasuna ane madota majadi manoa ri panggita nu Alatala. Tapi ledo ntoto nakana! Ane rapana da nipatudukiku ivesia ka tona, nakuya bo da nipandasa ntoYahudi yaku? Ane rapana da nipatudukiku ivesia, natantu pepatudukiku ledo mompakadua rara ntoYahudi! Nadua rarara nangepe kamate i Kristus ri kayu salib.

Efesus 4:15

Tapi kita kana mpuu-mpuu matuvu mangoseaka pepatuduki nakana bo kita kana mosimpotove. Ivesiamo mantambai karoso pomparasayata bo mantambai kanotota sampe kita majadi nasimbayu nte i Kristus. I Kristus haitu, nirapaka Balenggata

Efesus 5:10

Pasimbukumo ala rasanimiu pokainggu nipokono nu Alatala.

Efesus 5:27

I Kristus novia ivesia ala kita todeaNa majadi masipato mantingayo Ia, nasimbayu mpo boti mombine anu nagaya mpuu ri panggita nu bereina, nagasa bo nabelo ntoto, anu ledo nakura nuapa-nuapa, bo ledo ria nuapa-nuapa rasalai.

Efesus 6:24

Kuperapi Alatala bate-batena nabelo nte pura-pura tona anu ledo naupu-upu nompotove Tuputa Yesus Kristus. Amin. Tabe lako nte yaku Paulus

Filipi 1:16

Ira haitumo nompatolele Kareba Belo sabana nipotovera yaku, apa nisanira yaku nianggataka nu Alatala ala kupopaisani ka tona Kareba Belo mpuu-mpuu nakana.

Filipi 1:6

Alatala mbotomo nompamula novia anu nabelo riara ntaimiu. Bo niparasayaku poviaNa haitu rapakapolaNa sampe maupu, ri tempo kakava i Yesus Kristus mpanjili.

Filipi 2:16

Apa komiu nompatolele ka ira Kareba Belo anu namala manggeni ira matuvu mabelo sampe ri kasae-saena. Ane komiu matuvu ivesia, madamba mpuu raraku tempo i Kristus makava mpanjili, sabana katuvumiu haitu tandana naria mpuu asele pokarajaaku, bo ledo aga nalenge bayangi yaku nokarajaa ntamo ri tatangamiu bara ipia.

1 Tesalonika 3:13

Kami merapi Alatala mompakaroso raramiu ala komiu magasa bo ledo makura nuapa-nuapa ri ngayo nTuamata Alatala tempo Tuputa i Yesus makava ante pura-pura todeaNa anu nagasa.

1 Tesalonika 5:21

Pekirikamo pakabelo-belo tesa-tesa haitu, ala rasanimiu bara lako nte Alatala mpuu bara ledo bo oseakamo anu nabelo.

1 Tesalonika 5:23

Kuperapi nte Alatala, topombadekei katuvua nabelo ka kita, ala Ia mboto mompakagasa katuvumiu sampe komiu mpuu-mpuu matuvu mpo todeaNa nagasa. Kuperapi Alatala mombajagai karomiu, rara ntaimiu, bo pekirimiu sampe ledo ntoto maria nuapa-nuapa rasalai tempo Tuputa Yesus Kristus makava mpanjili.

1 Yohanes 4:1

Sampesuvu-sampesuvu nipotoveku, nee kaliu-liu raparasayamiu pura-pura tona nanguli naria Nosa Gasa nu Alatala nte ira. Tapi peintaka ruru, ala rasanimiu bara Nosa Gasa mpuu naria nte ira, bara ledo. Niuliku ivesia apa nadeamo nabi mpodava ri umba-umba ri dunia sii-sii.

Pompakita 2:2

NisaniKu pura-pura pokainggumiu. Komiu natutu nokarajaa ka Yaku bo komiu nosabara tempo nipandasa sabana nomparasaya Yaku. NisaniKumo komiu ledo nasituju ante pokainggu ntona nadaa. Tona nompangaku karona suro-suroKu tano ledo nakana, niparesamiu pokainggura sampe nalantomo ira topodava.