Filipi 1:1 - Kaili Ledo

¹ Sampesuvu-sampesuvu sampomparasaya anu nonturo ri ngata Filipi: Sura hitu lako nte yaku i Paulus, bo i Timotius, batua-batua i Yesus Kristus. Kami notulisi ka komiu pura-pura anu nosangu rara ante i Yesus Kristus, bo muni ka pakeni ntodea topomparasaya bo topotulungi pakeni ntopomparasaya.

Filipi 1:1 Iomraidhean Croise

Markus 13:34

Haitu nasimbayu nte porapa hitu: Naria saito tona hau ri ngata nakavao. Dopame ia hau, nidekeina mami kuasa ka batua-batuana mombaurusi banuana. Saito-saito nipakatantuna pokarajaa ka ira. Bo topojagai vamba nitevaina mainga-inga ante kakavana.

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Suro-Suro 1:20

Nanguli vaimo i Petrus, “Riara Buku Mazmur naria tesa nombaboto i Yudas ivei: ‘Banua ponturona majadi sou boa. Domo maria tona monturo riarana.’ Mazmur 69:26 Bo naria muni anu nitulisi ivei: ‘Aginamo pokarajaana raala ntona ntanina.’ ” Mazmur 109:8

Suro-Suro 20:28

Komiu kana mombajagai karomiu mboto. Jagai muni todea topomparasaya, anu niparasayaka Nosa Gasa ka komiu. Komiu kana mompiara todea nu Alatala, nasimbayu mpo topoevu nompiara bimbana. Apa Tuputa Yesus namate bo raaNa natiti mombasompo dosata ala kita majadi todeaNa.

Suro-Suro 9:13

Nesanamo i Ananias, “Pue, niepeku nadea tona notesa i Saulus haitu. Niulira nadea mpuu todeaMiu nipandasana ri ngata Yerusalem

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

1 Korintus 16:10

Ane makava ri situ i Timotius, tarimamiu mabelo ia ala matinda rarana monturo nte komiu, apa ia muni nantui pokarajaa i Pue Yesus nasimbayu mpo yaku.

2 Korintus 1:1

Sampesuvu-sampesuvu todea nu Alatala ri ngata Korintus bo pura-pura topomparasaya ri njumangu propinsi Akhaya: Sura hitu lako nte yaku, i Paulus, bo i Timotius sampesuvuta sampomparasaya. Yaku nipelisi nu Alatala najadi suro i Yesus Kristus nangoseaka dotaNa.

Galatia 1:10

Jadi, berimbamo, sampesuvu-sampesuvu? Yaku nanguli ivesia mbeki ratoiya ntona? Ledo ntoto nakana! Yaku aga madota ratoiya nu Alatala. Bara nipekirimiu yaku aga madota mompakadamba rara nu manusia. Tapi haitu ledo muni nakana, apa ane rapana yaku da nompasimbuku mompakadamba rara nu manusia, ledo masipato yaku majadi batua i Yesus Kristus!

Galatia 3:26

Jadi, komiu pura-pura nosangu rara nte i Yesus Kristus, komiu najadi ana-ana nu Alatala sabana komiu nomparasaya i Kristus.

Galatia 3:28

Ri panggita nu Alatala domo ria posisalana toYahudi bo tona ledo toYahudi, batua bo tona ledo batua, langgai bo mombine. Komiu pura-pura nasimbayu ri panggitaNa sabana komiu nosangu rara ante i Yesus Kristus.

Efesus 1:1

Sampesuvu-sampesuvu anu najadi todea nu Alatala bo naroo nomparasaya i Yesus Kristus ri ngata Efesus: Sura hitu lako nte yaku i Paulus, anu nianggataka najadi suro i Yesus Kristus nangoseaka dota nu Alatala.

Efesus 1:15

Jadi ane yaku nompekirika pura-pura belo nitarimamiu, yaku mpuu-mpuu nosukuru nte Alatala! Nompamula lako ri tempo niepeku komiu nomparasaya i Yesus bo nompotove pura-pura todea nu Alatala,

Efesus 6:24

Kuperapi Alatala bate-batena nabelo nte pura-pura tona anu ledo naupu-upu nompotove Tuputa Yesus Kristus. Amin. Tabe lako nte yaku Paulus

Filipi 2:19

Ane rapodota i Pue Yesus, yaku nonia masalisa mombatudu i Timotius tou nte komiu, ala tempo ia manjili tumai, raraku rapakavoe mangepe karebamiu.

Filipi 2:5

Pekirimiu bo inggumiu kana masimbayu nte pekiri bo inggu i Yesus Kristus.

Filipi 3:12

Ledo niuliku nikavaku puramo haitu bo ledo muni niuliku naganamo pangoseakaku i Kristus. Tapi yaku nompasimbuku ala yaku mpuu-mpuu mosisani nte i Yesus Kristus bo majadi nasimbayu mpo Ia, apa haitumo patujuNa nompokio yaku mangoseaka Ia.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

Filipi 3:8

Ledo aga haitu, tapi pura-pura nirekeku ledo ria gunana ane rapoposisala ante anu nelabi kabelona, haitumo nosisani ante Tupuku i Yesus Kristus. Jadi nikabasakakumo pura-pura bo nirekeku mpo rumpu ala yaku mamala mosisani ante i Yesus Kristus

1 Tesalonika 1:1

Sampesuvu-sampesuvu sampomparasaya ri ngata Tesalonika, todea nTuamata Alatala bo Tuputa i Yesus Kristus: Sura hitu lako nte kami tatalu, i Paulus, i Silas, bo i Timotius. Kami nerapi Alatala bate-batena mabelo nte komiu bo mompakatinonto raramiu.

1 Tesalonika 2:2

Dopame kami nakava ri ngatamiu, kami mpuu-mpuu nipandasa bo nipakadaa ntona ri ngata Filipi. Nisanimiumo tesana. Nau nadea tona nangeva kami, tapi Tuputa nompakaroso rara kami ala kami ledo maeka mompatolele Kareba BeloNa ka komiu ri ngata Tesalonika.

2 Tesalonika 1:1

Sampesuvu-sampesuvu sampomparasaya ri ngata Tesalonika, todea nTuamata Alatala bo Tuputa i Yesus Kristus: Sura hitu lako nte kami tatalu, i Paulus, i Silas, bo i Timotius. Kami nerapi Tuamata Alatala bo Tuputa Yesus Kristus mombadekei belo bo katinonto ka komiu.

2 Tesalonika 1:10

Pura-pura anu pangane majadi tempo i Pue Yesus makava mpanjili. Tempo haitu Ia rabila bo ratoiya ntodeaNa anu nagasa, pura-pura topomparasaya mokumaa bo madamba manggita Ia. Sampesuvu-sampesuvu, komiu muni mombabila bo mombatoiya Ia tempo haitu, sabana niparasayamiumo kareba nipatolele kami ka komiu.

1 Timotius 3:8

Ivesia muni tona anu raanggataka majadi topotulungi pakeni ntodea topomparasaya. Ia kana nabelo pokaingguna bo nanoa rarana, ledo nadoko doi bo ledo muni nabiasa gaga nanginu anu nepakalangu.

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

Titus 1:7

Pakeni ntopomparasaya haitu topompasiayu todea nu Alatala. Jadi ia ledo novia pokainggu rasalai ntona. Ia ledo tona nalanga pekirina bara nasalisa narau, ledo topanginu, ledo toposibaga, bo ledo muni tona nadoko doi.

Filemon 1:1

Filemon, sampesuvu nipotove kami bo roa kami sampokarajaa: Sura hitu lako nte yaku, i Paulus, anu nitarunggu sabana nompatolele kareba i Yesus Kristus, bo lako nte i Timotius sampesuvuta sampomparasaya. Sura hitu nitulisi ka iko,

Ibrani 13:23

Kana rasanimiu, sampesuvuta i Timotius nikabasakamo lako ri tarunggu. Ane masalisa ia tumai nte yaku, kukeni ia mosanggani-nggani nte yaku tou mosinggava nte komiu.

Yakobus 1:1

Sura hitu lako nte yaku, i Yakobus. Yaku batua nu Alatala bo batua i Pue Yesus Kristus. Nadea tabe ka komiu todea nu Alatala ri njumangu dunia.

1 Petrus 2:25

Tempo bara ipia, komiu mpo bimba-bimba nasalandalamo. Tapi sii-sii komiu nipopanjilimo nte Topoevu anu nombajagai katuvumiu.

2 Petrus 1:1

Sampesuvu-sampesuvuku anu mpuu-mpuu nomparasaya i Yesus Kristus, nasimbayu mpo kami. Iamo Alatala bo Topompakasalama kita, anu nompopompakule pura-pura kita nomparasaya sabana Ia nanoa bo ledo nompelenje. Sura hitu lako nte yaku, i Simon Petrus. Yaku batua bo suro i Yesus Kristus.

Yudas 1:1

Sampesuvu-sampesuvu anu nipokio nTuamata Alatala majadi todeaNa: Komiu mpuu-mpuu nipotove nu Alatala, bo nijagaiNa sampe i Yesus Kristus makava mpanjili. Sura hitu lako nte yaku, i Yudas, batua i Yesus Kristus bo sampesuvu i Yakobus.

Pompakita 1:1

Isi buku hitu notesaki kajadia-kajadia anu majadi bara maipia, anu nipopaisani nu Alatala ka i Yesus Kristus. I Yesus nitudu nu Alatala mompopaisani kajadia haitu ka topangoseaka Ia ala rasanira anu domo masae majadimo. Jadi i Yesus nombatudu malaekaNa hau mompopaisani anu majadi haitu ka batuaNa i Yohanes.

Pompakita 1:20

Dopa nisanimu batuana pitu-angu betue nikitamu ri pale ngganaKu hitu bo pitu nggada poindo bulava. Jadi kupakalanto batuana ivei: pitu-angu betue haitu nirapaka papitu malaeka anu nanggeniaka todea topomparasaya anu nonturo ri pitu-ngata. Bo pitu nggada poindo bulava haitu nirapaka todea topomparasaya anu naria ri pitu-ngata haitu.”

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”

Pompakita 2:12

Naupu haitu Ana nu Manusia nombatudu yaku motulisi ka malaeka anu nanggeniaka todea topomparasaya ri ngata Pergamus ivei: “Hitumo tesa lako nte Yaku anu naria guma nomata ntimali bo natada mpuu.

Pompakita 2:8

Naupu haitu nitudu Ana nu Manusia vai yaku motulisi ka malaeka anu nanggeniaka todea topomparasaya ri ngata Smirna ivei: “Hitumo tesa lako nte Yaku anu niuli Pamulana bo Kaupuna, anu namatemo bo natuvu mpanjili.

Pompakita 22:9

Tapi malaeka haitu nombatagi yaku, “Nemo! Nee rasomba yaku! Sombamo Alatala! Apa yaku hii aga batua nu Alatala nasimbayu mpo iko bo roa-roamu nabi bo tona natutu nangoseaka tesa-tesa nitulisi riara buku hitu.”