Filemon 1:6 - Kaili Ledo

⁶ Kita nosangu rara nte topomparasaya ntanina sabana pomparasayata i Yesus. Yaku nosambaya ala posangu raramu nte topomparasaya ntanina, manggeni iko mpuu-mpuu mombapaha mpengaya-ngaya belo naria nte kita anu nosangu rara nte i Kristus.

Filemon 1:6 Iomraidhean Croise

Matius 25:16

Tona niparasayaka lima-njobu mpeka doi bulava kaliu-liu hau nompagoli doi haitu sampe nikavana anana lima-njobu mpeka muni.

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

1 Korintus 14:25

Pura-pura pekirina anu nitabuniakana riara ntaina rapakalanto sampe ia kana mantaputu mombasomba Alatala bo manguli, “Mpuu-mpuu Alatala naria ri tatangamiu ri sii.”

1 Korintus 16:9

apa nadea loga ka yaku ri sii mokarajaa anu mamala manggeni belo ka todea, naupa nadea muni topangeva yaku ri sii.

Filipi 4:8

Kaupuna, sampesuvu-sampesuvu, tanondoakamo anu nakana, anu nanoa, bo anu masipato rapakaoge. Pekirikamo anu nagasa, anu nagaya, bo anu nabelo raepe ntona. Tanondoakamo anu mpuu-mpuu nabelo, bo anu masipato ratoiya.

Kolose 1:9

Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

Kolose 3:10

bo nitarimatamo katuvu nabaru. Kita nipajadi nu Alatala manusia nabaru bo Ia bate-batena nombabaliki ingguta majadi masimbayu nte ingguNa mboto. PatujuNa ala kita mpuu-mpuu mosisani belo ante Ia.

Titus 3:14

Sampesuvuta sampomparasaya kana masaro movia anu nabelo, ala mamala mombatulungi tona napepa. Nee sampe katuvura ledo maria gunana.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

Yakobus 2:14

Sampesuvu-sampesuvuku, nuapa gunana kita nanguli kita nomparasaya Tupu, tano pokaingguta ledo nangoseaka dotaNa? Mamala pomparasaya ivehaitu mompakasalama kita?

Yakobus 2:17

Ivesia muni ante pomparasaya. Ane raulita kita nomparasaya Tupu, tano pokaingguta ledo nangoseaka dotaNa, pomparasaya ivehaitu ledo ria gunana!

1 Petrus 2:12

Komiu kana matuvu ante pokainggu nabelo mpuu ri tatanga ntona ledo nosisani nte Alatala. Ane mabelo pokainggumiu, nau rasalaira komiu bo raulira komiu novia anu nadaa, tapi kaupuna kana rapangakura nabelo pokainggumiu, bo ratoiyara Alatala tempo Ia makava.

1 Petrus 3:1

Ivesia muni komiu totua-totua mombine kana mekou nte bereimiu langgai. Apa ane bereimiu ledo nomparasaya tesa nu Alatala, pekoumiu haitu mamala mompakeni ia momparasaya. Ledo paraluu raulimiu nuapa-nuapa ka ia,

1 Petrus 3:16

Bo komiu kana matuvu ante rara ntai nagasa, mbelaka maria tona manjalai pokainggu nabelo nipoviamiu sabana pangoseakamiu i Kristus, ira kana maeya mboto.

2 Petrus 1:8

Ane komiu noinggu ivehaitu bo mantambaipa, posisanimiu ante Tuputa Yesus Kristus mpuu-mpuu maria gunana, bo maria asele mabelo riara nggatuvumiu.