Filemon 1:16 - Kaili Ledo

¹⁶ Jadi sii-sii ia domo aga batuamu, tapi nelabipa pade batua, haitumo, ia sampesuvuta sampomparasaya anu nipotoveta. Iyapa yaku nompotove ia, nemopa iko! Iko nompotove ia sabana ia batuamu, bo muni sabana ia sampesuvumu sampomparasaya.

Filemon 1:16 Iomraidhean Croise

Matius 23:8

Tapi komiu, aga saito Gurumiu bo komiu pura-pura nosampesuvu. Jadi nee radekei tona mombabila komiu bo manggasangai komiu ‘guru’.

Suro-Suro 9:17

Jadi haumo i Ananias ri banua i Yudas ri Dala Noa. Bo nesuamo ia riara banua bo nidikana palena ri balengga i Saulus, bo nanguli, “Sampesuvuku Saulus. I Pue Yesus nikitamu ri tatanga nu dala tempo komiu nolipa tumai, Iamo nombatudu yaku tumai, ala komiu mekita mpanjili bo rakuasai nu Nosa Gasa nu Alatala.”

1 Korintus 7:22

Toramo! Tona anu najadi batua tempo ia nipokio majadi topomparasaya i Yesus, naupa ia batua tapi nikabasaka i Pue Yesusmo ia lako ri dosana. Bo tona ledo nipobatua tempo ia nipokio nu Alatala, ia najadi mpo batua sabana ia nekou nte i Kristus.

Kolose 3:22

Sampesuvu-sampesuvu anu najadi batua, oseakamo pura-pura parenta nu tuamiu ri dunia hitu. Nee aga mangoseaka parentara tempo nikitara komiu ala komiu ratoiyara. Tapi oseakamo parentara ante rara mpuu-mpuu sabana komiu nombabila i Pue Yesus.

1 Timotius 6:2

Ane tuana mboto topomparasaya i Yesus, nee radekei batua haitu mompandaente tuana, sabana ira nosampesuvu sampomparasaya. Tapi ia kana mantambai kabelo pokarajaana sabana tua nitulungina haitu muni topomparasaya i Pue anu nipotovera. Timotius, iko kana mompatuduki pura-pura pepatuduki hitu ka todea topomparasaya bo popatora ka ira ala raoseakara.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

1 Yohanes 5:1

Isema-sema nomparasaya i Yesusmo Magau Topepakasalama anu nijanji nu Alatala, iamo nireke ana nu Alatala. Bo isema-sema nompotove Tuamata Alatala, natantu nipotovena muni roa-roana anu najadi ana-ana nu Alatala.