Filemon 1:11 - Kaili Ledo

¹¹ Bara ipia ia ledo noguna ka iko, tapi sii-sii ia mpuu-mpuu noguna, ledo aga ka iko tapi ka yaku muni.

Filemon 1:11 Iomraidhean Croise

Matius 25:30

Bo tedeakamo batua anu ledo ria gunana haitu hau ri savalikuna ri kalandana. Hamai ia bate-batena motumangi bo masinggiki ante susa rara.’ ”

Lukas 15:24

sabana anaku hitu, mamala raulita namatemo, tapi siipa natuvu mpanjilimo. Ia nalipomo, tapi siipa nikava mpanjilimo.’ Jadi nipoviara posusa, bo nadamba-damba.

Lukas 15:32

Tapi kita masipato mosusa madamba sabana tueimu namate, natuvu mpanjili. Ia nalipomo tapi sii-sii nikavata mpanjili.’ ”

Lukas 17:10

Ivesia muni komiu. Ane maupumo rapoviamiu pura-pura anu niparenta nu Alatala ka komiu, ulimo, ‘Kami hii aga batua biasa. Ledo masipato ratoiya. Kami aga nangoseaka anu niparenta ka kami.’ ”

Roma 3:12

Pura-pura tona nasalandala lako ri dala nakana, katuvura domo ria gunana. Ledo ria tona nokainggu nabelo, nau saitoa ledo ntoto ria. Mazmur 14:1-3, 53:1-3

2 Timotius 4:11

Damo i Lukas naboli ri sii nte yaku. Ane tumai iko ngena, tuusaka muni i Markus, sabana ia mamala mombatulungi pokarajaaku ri sii.

Filemon 1:10

Yaku, i Paulus, merapi ala mutarima mabelo i Onesimus, anu nipotoveku mpo anaku mboto. Ia nirekeku mpuu-mpuu anaku, sabana tempo yaku riara ntarunggu ri sii, yakumo nompatuduki ia nomparasaya i Yesus, nasimbayu mpo totua langgai nompatuduki anana.

Filemon 1:12

Yaku mpuu-mpuu nompotove i Onesimus, bo sii-sii nituduku ia manjili tou nte iko.

1 Petrus 2:10

Bara ipia komiu ledo todeaNa, tapi sii-sii komiu najadi todeaNamo. Bara ipia komiu ledo nipoasi mataNa, tapi sii-sii nirasaimiumo asi nu mataNa!