1 Yohanes 4:3 - Kaili Ledo

³ Tapi isema-sema ledo nomparasaya i Yesus nakava ri dunia najadi manusia, tona haitu ledo naria Nosa Gasa nu Alatala nte ia. Tona haitu nikuasai pekiri lako ri Bali i Kristus. Niepemiumo Bali i Kristus makava, bo hitupa nariamo ia riara dunia.

1 Yohanes 4:3 Iomraidhean Croise

Matius 24:5

Apa madea tona makava mompobalu sangaKu. Raulira, iramo Magau Topepakasalama anu nijanji nu Alatala! Bo madea tona rabagiura.

1 Yohanes 2:18

Sampesuvu-sampesuvu nipotoveku, naparamo kaupu dunia. Niepemiumo bara ipia, kana meonga saito anu niuli Bali i Kristus. Bo sii-sii nadeamo tona neumba nobali ka i Kristus. Haitu tandana naparamo kaupu dunia.

1 Yohanes 2:22

Jadi, isema-sema nanguli i Yesus ledo Magau Topepakasalama anu nijanji nu Alatala, iamo mai topodava. Ia munimo bali i Kristus, apa nisapuna Alatala bo AnaNa.

2 Yohanes 1:7

Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.