1 Timotius 4:3 - Kaili Ledo

³ Nipatudukira tona nee moberei bo nee mangande kandea nipopali. Tano kandea haitu nipajadi nu Alatala rakande. Kita topomparasaya i Kristus, nisanita pepatuduki nakana, bo kandea haitu namala rakandeta ante manguli tarima kasi nte Alatala.

1 Timotius 4:3 Iomraidhean Croise

Matius 14:19

Naupu haitu nituduNa todea monturo ri kavoko. Bo nialaNamo lima-angu roti bo rombaa bau haitu bo nitingoaNamo langi bo nosambaya nanguli tarima kasi ka Alatala. Naupu nosambaya, nitubi-tubiNa roti pangane bo nidekeiNa ka ana-anaguruNa ala rabagi-bagira ka todea.

Matius 15:11

Anu nesua ri sumba ledo mompakaruto manusia ri panggita nu Alatala. Tapi anu nesuvu lako ri sumba, haitumo anu nompakaruto manusia ri panggita nu Alatala!”

Matius 15:36

Bo nialaNa roti bo bau-bau kodi haitu bo nitingoaNa ri laerava, niuliNa tarima kasi ka Alatala. Naupu haitu nitubi-tubiNa roti bo bau haitu bo nidekeikaNa ka anaguruNa. Bo ira nombatibo-tibo kandea haitu ka todea.

Lukas 24:30

Tempo Ia nonturo nangande sanggani ante ira, nialaNa roti pade niuliNa tarima kasi ka Alatala. Naupu haitu nitubiNa roti haitu bo nibagiNamo ka ira.

Yohanes 6:23

Naupu sia, nakavamo bara sakuya sakaya ntanina lako ri ngata Tiberias nesampo napara ponturo ntodea nangande roti naupu i Yesus nanguli tarima kasi nte Alatala.

Suro-Suro 27:35

Naupu notesa ivesia, nialanamo roti bo niulina tarima kasi ka Alatala ri ngayora pura-pura. Nitubi-tubina roti haitu, bo nangandemo ia.

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

Roma 14:3

Tona nangande mpengaya-ngaya kandea ledo masipato momparitambe tona ledo nangande bau. Bo tona ledo nangande bau, ledo muni masipato manjalai tona nangande mpengaya-ngaya kandea. Sabana topangande mpengaya-ngaya haitu muni nitarima nu Alatalamo majadi todeaNa.

Roma 14:6

Tona nompakaoge eo nipakatantu, sabana ira madota mompakadamba Tupu. Bo ivesia muni tona anu nangande mpengaya-ngaya kandea. Nikandera mpengaya-ngaya kandea sabana ira madota mompakadamba Tupu, bo niulira tarima kasi ka Alatala. Tona ledo nangande bau haitu, ledo nikandera sabana ira madota mompakadamba Tupu, bo ira muni nanguli tarima kasi ka Alatala.

1 Korintus 6:13

Sanu muni nanguli kandea nipasadia rakande, bo tailiko nipovia rapangisi kandea. Bo kandea bo tailiko rapakaropu nu Alatala pura bara maipia. Jadi, nisarumakamiu ledo makuya nuapa-nuapa rapoviata ante karota. Kakanana ledo ivesia. Karota ledo nipovia mompogau tona ledo bereita mboto. Tapi karota nipovia ala rapaketa movia dota i Pue. Iamo Tupu nu karota.

1 Korintus 7:28

Tapi ane rapana komiu moberei, haitu ledo madosa. Bo ane randaa moberei ledo rapodosana. Tapi toramo, topoberei tantu mantingayo mpengaya-ngaya kasusa riara nggatuvura. Bo anu kupodota ala komiu ledo rapambela kasusa haitu.

1 Korintus 8:8

Kandea ledo ntoto mantambai posinggabelota nte Alatala bo ledo muni mogaaraka kita lako nte Alatala. Ane r akandeta, ledo mauntu kita. Bo ane ledo rakandeta, ledo muni marugi.

Kolose 2:16

Jadi sampesuvu-sampesuvu, nee rapariara tesa ntona madota mompasuu komiu mangoseaka ada nu agamara. Nipakasalara komiu sabana komiu nangande bara nanginu anu nipopali nangoseaka ada-adara, atau komiu ledo nangoseaka ada eo-eo mbaso agamara, eo mbaso kagero bula, bara eo-eo penonto. Nee rapariara tesara haitu

Kolose 3:17

Bo nuapa-nuapa rapoviata bara raulita, rapoviata bo raulita muni anu masipato ka topomparasaya i Pue Yesus. Bo raulita munimo tarima kasi ka Tuamata Alatala sabana anu nipovia i Yesus ka kita.

1 Timotius 2:4

Ia madota ala pura-pura tona rapakasalama bo mangisani pepatuduki nakana,

1 Timotius 4:4

Apa pura-pura nipajadi nu Alatala nabelo. Ledo ria nuapa-nuapa nipopali ane rakandeta ante manguli tarima kasi nte Alatala.

1 Timotius 5:14

Haitu sampe niuliku timbala-timbala da namuda aginamo moberei vai bo moana bo mompakasiayu avura mboto ala nee radekei loga ka balita manjalai kita.

Ibrani 13:4

Ponjamboko kana rabilamiu pura-pura. Nee mompakagero ponjambokomiu ante mompogau tona ledo bereimiu mboto, sabana Alatala mombahuku tona nompogau tona ledo bereina mboto.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.