1 Timotius 1:3 - Kaili Ledo

³ Kuperapi iko maboli ri ngata Efesus, mpo niuliku ka iko bara ipia tempo yaku nalai hau ri propinsi Makedonia. Apa ri situ naria bara sako-ndua tona nompatolele pepatuduki nasala, bo iko kana mombatagi ira ala domo rapatolelera pepatuduki haitu.

1 Timotius 1:3 Iomraidhean Croise

Suro-Suro 18:19

Ri polipara haitu, ira nesai ri ngata Efesus. I Paulus nesua ri banua petupu bo nosinjula pekiri ante toYahudi ri sia.

Suro-Suro 18:21

Ia nopalakana nte ira bo nanguli, “Ane rapodota nu Alatala, tumai vai yaku.” I Priskila ante i Akwila naboli ri Efesus tapi i Paulus nesavi kapala ntasi bo napola sampe ri ngata Kaisarea.

Roma 16:17

Sampesuvu-sampesuvuku, kuperapi ante mpuu-mpuu ala komiu mainga nte tona anu nompoposibali todea topomparasaya bo madota mompakanavu komiu ante pepatuduki anu nangeva pepatuduki nakana nipatuduki ka komiu. Tumo mosimporoa ante tona ivehaitu!

2 Korintus 11:4

Nitesa kamimo i Yesus ka komiu bara ipia, bo nitarimamiumo Nosa Gasa bo niparasayamiumo Kareba Belo. Tapi hitupa nikitaku komiu nadamba nantarima tona ntanina anu nombatesa Yesus ntanina. Bo nasadia muni komiu nantarima kuasa ntanina bo nomparasaya kareba ntanina.

Efesus 4:14

Ane ivesia kita, kita domo mpo ngana anu ledo nakaja rabagiu, atau sakaya kodi nitompesaka nu balumba bo nikeni nu poiri hau tumai. Kita domo aga rataja hau tumai mangoseaka mpengaya-ngaya pepatuduki anu ledo nakana, bo domo kaliu-liu momparasaya tesa-tesa ntopebagiu anu natau gaga nodava, dava nipoviara mboto. Patujura, mompakasalandala kita.

Filipi 2:24

Bo ante petulungi nTupu, niparasayaku domo masae yaku mboto mamala tou nte komiu.

1 Timotius 4:11

Pura-pura anu niuliku ka iko, mupatudukika ka todea, bo tudumo ira mangoseakana.

1 Timotius 4:6

Ane mupatuduki pura-pura haitu pangane ka sampesuvuta sampomparasaya, iko majadi topokarajaa nabelo ka i Yesus Kristus. Bo iko mompakaroso raramu mboto ante Tesa nu Alatala anu niparasayata, bo ante pepatuduki nakana anu nioseakamu sampe sii-sii.

1 Timotius 5:7

Ulimo petevai-petevai hitu ka ira ala ira matuvu ante pokainggu anu ledo namala rasalai ntona.

1 Timotius 6:10

sabana pompotove doi puna mpengaya-ngaya kadaa. Sanu tona nompasimbuku nangelo doi sampe nasalandalamo bo domo nioseakara pepatuduki nakana, bo aga mpengaya-ngaya kasusa nikavara anu nompakabuku rarara.

1 Timotius 6:17

Timotius, ulika tona nakalumana ri dunia hitu ala nee majadi malanga rarara bo nee aga manjarumaka mbara-mbara ri dunia anu sakide-sakide malipo. Ira kana manjarumaka Alatala anu nompopelabi-labi ka kita mpengaya-ngaya anu niparaluuta rapodamba-dambata.

1 Timotius 6:3

Naria sanu tona nanggeni pepatuduki anu nosisala ante pepatudukita. Ledo nipokonora tesa-tesa nakana lako nte Tuputa Yesus Kristus bo ledo nipokonora pepatuduki anu nanggeni kita matuvu mangoseaka dota nu Alatala.

2 Timotius 1:18

Nisanimu nadea mpuu petulungina ka yaku ri ngata Efesus. Kuperapi i Pue Yesus mompoasi i Onesiforus ri Eo Potangara ri kaupu nu dunia.

2 Yohanes 1:7

Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.

Pompakita 2:14

Tapi da nariapa bara sako-ngaya inggumiu anu ledo nipodambaKu. Naria tona nte komiu nangoseaka pepatuduki i Bileam nggaulu. I Bileam nompatuduki Magau Balak mompakanavu toIsrael riara dosa. Nipatudukina ia mompakeni ira mangande kandea nipopali sabana nipakande ka tupu-tupu ntanina, bo nompatuduki ira ledo makuya mosipogau nte tona ledo bereina mboto.

Pompakita 2:20

Tapi da nariapa sangaya pokainggumiu anu ledo ntoto nipodambaKu. Haitumo mombine anu nosanga i Izebel anu nompangaku karona nabi. Komiu nompaloga ia nompatuduki bo nombabagiu topangoseaka Yaku. Ia nompatuduki ira mosipogau ante tona ledo bereira mboto bo mangande kandea nipopali sabana nipakande ka tupu-tupu ntanina.