O MIKHA 7:9 - MA JOU AI BUKU O ABARI MA OA

⁹ Ngone hobaradohaoka ma Jouika, karana gënanga o öraha nënanga ngone kiani hamao Ai gangamo. Mä itedekanokaua oli Unanga aha wonä demo ngone deʼ wonahidöaka o adili ngoneino. Unanga aha wonä ao wona hihupu o dararonika; ngone aha hamao mahirete Unanga wona hihalamatoka ngone.

O MIKHA 7:9 Iomraidhean Croise

O KORINTUS MADODIHIRAKA 4:5

Hababu gënanga, karana ma örahauahi, uha ngini tai-taiti nihitantu o nyawa moi yahowono ekola kowali. Niodamä hiädono ma Jou woböa daha. Unanga aha wahelenga mata-mata o rahasia iö iu-iunu o huhutu magoronaka. Unanga aha wakilianga mata-mata o dungutu ihidukumuku o nyawa manga hininga magoronaka. Maöraha gënanga dahao o nyawa moi-moi yatarima ma Jou Madutuino o higiriri ipö patu-patutu.

O MAZMUR 37:6

Unanga aha wohinyata ani satia hokä o dararono, deʼ ani hininga madebini hokä o wange-wange.

O SAMUEL MADODIHIRAKA 24:15

Nohi tailako nohidodiai ngohi nënanga o Israeloka manga koano mangale womau wohi toma! Nohi pulono ngohi nënanga niwï goginïki! Ngohi duga-duga o kaho mahonenge moi, o gumemene dika moi.

O TIMOTIUS MAHINOTOKA 4:8

Deʼ oraha nënanga o utumu mangongike ihi damäoka ngohi. O Kiamati ma Wangeoka, ma Jou, o Hakimi woadi-adili gënanga aha wohi döaka o ngongike gënanga ngohino, karana ngohi towango yaoa de ma Jou Madutu. Deʼ kangohiua dika aha tatarima o ngongike gënanga, mä o nyawa mata-mataö ma Jou ai böa yododamä de duru manga ngigoka.

O MALEAKHI 3:18

Ahi umati aha ya makeoli imakohowono manga wowango o nyawa maoa de o nyawa madorou manga hidogoronaka, o nyawa yo puji-puji Ngohiino deʼ kowali manga hidogoronaka.”

O HIMATOKO 18:20

Hei horoga, nimörene mangale o kota gënanga iwedere! Hei ma Jou Madutu aiumati, rasul-rasul, deʼ o nabi-nabi, nimörene! Hababu ma Jou Madutu wahukumoka ënanga hokä mabalaha okianaga yadodiaioka nginika!

O YESAYA 46:13

Ngohi aha tohitigi o bebasi mawange, o halamati tohidö doa-döaka itudaokauaoli. Ngohi aha tohihalamati o Yerusalem, deʼ tohidöaka o horomati o Israelika.”

O MAZMUR 43:1

Nohihidöaka o adili ngohino, ya Jou Madutu, nö riwo ahi haku o hoana deo berera manyawa itotorou manga himangoka. Ngohi nohihibebasi deo nyawa madorou deʼ yotipu-tipu.

O MAZMUR 7:6

mal̄aikala ihi giniki deʼ ihi tagoko ahi haturu, daha ihi toma deʼ ihi dogumal̄aika o tonakoka.

O AYUB 23:10

Mä Unanga wohiöriki hagala ahingekomo hoko genangö ahiaguru magetongo. Nako hokä o gurasi ngohi ihi uji, aha inyata ahihininga idodono.

O SAMUEL MAHINOTOKA 24:17

O Daud wamake o malaekat yätoma o kawaha gënanga magogiria, daha ünanga wotemo ma Jouika, ”Ngohi tobaradoha hababu todiai o howono gënanga. Mä okia manga howono o hoana yobö bobodito gënanga? Nohi hukumu ngohi deʼ ahi tau ma nyawa!”

O SAMUEL MADODIHIRAKA 26:10

De ma Jou Wo wango-wango, ngohi tohi öriki damä ma Jou mahirete aha wïtoma o Saul, nako ai ajali yadonoka, ekola nako ünanga wohonenge o parangi magoronaka.

O SAMUEL MADODIHIRAKA 25:39

Maöraha o Daud woihene o Nabal wohonengoka, ünanga wato, ”O higiriri ma Jou! Unanga wabalahoka o hikauku o Nabal wadodiai ngohino, deʼ nitatokoka ani gilaongo nënanga wodiai o dorou. Ma Jou wïhukumoka o Nabal karana ai dorou.” Ipaha o Daud wähi dingoto ai huhuloko o ngo Abigailika mangale imï gahoko modadi ngoi hekata.

O SAMUEL MADODIHIRAKA 3:18

Daha o Samuel wohi ngahu mata-mata gënanga o Elika. Koiwa moiö warahasia. Ipaha o Eli wotemo, ”Unanga o Jou, ma l̄aika Unanga wodiai okia wapulono yaoa.”

O IMAMAT 26:41

hiadono Ngohi tomaoko talawani önanga deʼ Tä duhu önanga deʼ Tä umo manga haturu-haturu manga bereraika. Ma baha, nako nia difauku ima ikeoka Ngohino deʼ yamaoka o hukumanga karana manga baradoha deʼ toönanga manga lolawani,

O RATAPAN 1:18

Mä ma Jou wotiai, hababu Ai pareta tatilakuroka. Nihigihene ngohi, hei hoana deo berera manyawa, nihimake ngohi o hangihara magoronaka. Ahi gogoduru deʼ ahi momoholehe yätagoko, deʼ yaao o tabuangika.

O MAZMUR 94:15

Done o tita ima oko itotiail̄e o juru hakimoka, mata-mata o nyawa manga hininga iriko-rikoto aha ihigoungu.

O MAZMUR 119:154

Noriwo ahi perekara deʼ ngohi nohihibebasi; ngohi nohihihalamati imamoteke de Ani jaji.

O YESAYA 42:7

Mangale nahelenga manga lako o nyawa yopilo-piloko, deʼ nahi bebasi o nyawa o bui mahohuhutuoka.

O YESAYA 42:16

Ahi hoana de ahi berera yopilo-piloko ahaTatuda yanonu o ngekomo önanga ihiori-orikua; önanga ahaTatuda hagala o ngekomoka önanga yanako-nakoua. O huhutu Tohidadi o dararono mangale önanga, deʼ o ngekomo iguhu-guhu Tohirata. Genangala ahaTadiai mangale önanga, deʼ maraioka aha Tadiai.

O YESAYA 56:1

Ma Jou watemo Aiumatika, ”Nia manarama okia iadi-adili de imadaene de Ahitita. Hababu kabotino okahi Ngohi toboa tinihihalamati ngini de Ahiadili tohi nyata.

O YEREMIA 10:19

O Yerusalem yogögogere yopöaka. ”Ngomi mianabo ma ago-agomo deʼ koyakunu itogumu. Mahira ngomi miatobote kayakunu ngomi miatagongo, enahioko kowali.

O YEREMIA 51:10

Ma Jou Ai umati yato, ”Ma Jou wohidumutoka ngone hatiai. Niaino hoiki o Yerusalemika deʼ hohijarita dokengoka okianaga tongone nanga Jou Madutu wadodiaioka.”

O AYUB 35:14

Ayub, maboboloioli nako ngona notemo ngona nimakeua Unanga, aniperekara nagaoka Ai himangoka deʼ ngona nidodamä Unanga!

O YESAYA 51:22

Hoko nënanga wotemo ani Jou, o Jou ani Jou Madutu winïdemo ngini, ”O hangihara Tinihï doa-döaka Ahigangamo magoronaka ahaTa l̄ëoli nginino. Ahigangamo ahaitorou, deʼ ngini ngarouhali niatagongo.

O YEREMIA 14:7

Ahi umati yopöaka, ’Jou, ngaroko miabaradoha imïkalaki ngomi mä nomïriwo ngomi imoteke de Ani jaji. Ngona nomi mal̄aka ngomi nohi gali-galiigoungu, ngomi mibaradoha Ngonaika.