O MIKHA 7:8 - MA JOU AI BUKU O ABARI MA OA

⁸ Koiwa mahohol̄e mangale tongone nanga haturu-haturu yo morene mangale ngone hobinaha. Hababu ngaroka ngoneino ina otaka, ngone aha homomikoli. O öraha nënanga ngone naga o huhutu ma goronaka, mä ma Jou aha wona tararono ngone.

O MIKHA 7:8 Iomraidhean Croise

O AYUB 31:29

Komaiwahi ngohi tomahisanangi karana ahihaturu yohangihara, ekola tomorene karana ünanga wamake o bodito.

O MAZMUR 112:4

O dararono itararono o huhutu magoronaka mangale o nyawa manga hininga iriko-rikoto, mangale o nyawa yoadi-adili, yotodora deʼ yotahayangi.

O MAZMUR 143:3

Ahi haturu ihi ginïkoka deʼ ihi utumoka, deʼ ngohi ihihingohama o bui mahohuhutu magoronaika; ngohi todadi hokä o nyawa yohonenge madekanoka.

O MAZMUR 20:8

Naga o nyawa wönganono ai kereta ihi poparangi, nagaoli wönganono ai kuda. Mä ngone hönganono ma Jou Ai kuaha, tongone nanga Jou Madutu.

O MAZMUR 27:1

O Daud ai Mazmur. Ma Jou ganga ahi cahaya deʼ ahi halamati, okiaua tomodongo. Ma Jou ganga o bebeno o mehele ahi hohohongo, ngohi aha koto hawanua.

O MAZMUR 35:19

Uha nohigumal̄a ngohi ima higogule o nyawa ihihö haturu ngohi de koiwa mahababu, Uha nohigumal̄a ngohi ihihi ulili o nyawa ihï doha-dohata ngohi dema titi okia-kiaua.

O MAZMUR 37:21

O nyawa madorou yobau deʼ kohigilioua, mä o nyawa maoa ihidöaka de manga hininga imura.

O MAZMUR 37:24

Nako iwi otaka, ünanga aha ai nabo ilago-agomua, hababu ma Jou wasö ai giama.

O MAZMUR 38:16

Mä ngohi tomahi nganono Ngonaika, ya Jou, deʼ Ngona, ma Jou ahi Jou Madutu, Ngona nohï baluhu.

O MAZMUR 84:11

Holoi yaoa o wange moi Ani Tauoka dengaro o wange o ribuhu moi o ngi mahomoaka. Ngaro detogogere o nyawa modorou manga tauoka ngohi tomä ngiriki todadi ahi Jou Madutu Ai Tau mangorana magogoana.

O MAZMUR 97:11

Odararono iboaka mangale o nyawa manga hininga itebi-tebini deʼ o morene mangale o nyawa manga hininga i riko-rikoto.

O YESAYA 2:5

Hei, Yakub aidifauku, niaino ngone homä dagi ma Jou Ai dararono magoronaka!

O YESAYA 49:9

O nyawa yabui-buika Tahuloko yohupu; naga ongï mahohuhutuoka Ta ao odararonika. Hokogenangoli odoporono itotoongoroka önanga yokurangua, o ngekomo magurutu isadia oinomo.

O YESAYA 50:10

Hei ngini niwihö horomati ma Jou, deʼ nihigihene Aigilaongo manga demo o ngekomo ngini nianononu mudukua ihuhutu, deʼ koiwa osahaya inidararono nginika; mä niwingaku ma Jouika; nimahi diki nia Jou Madutuika.

O YESAYA 9:2

Jou, nahidöaka önanga o morene ma amoko, nädiai önanga imä uli-ulili. Onanga yomorene karana Ani oa, hokä o nyawa yomorene maöraha yatoomu yautu-utukino, ekola imahikodoku o banakonino.

O YEREMIA 48:27

Koigoungua mahiraino o Moab manyawa yä gogietoka o Israel manyawa deʼ yafitana hokä yahidatagoko kamamoi de yotohi-tohiki?

O YEREMIA 50:11

Ma Jou wotemo, ”Hei o Babel manyawa, ngini niaora Ahi umati. Ngini nimorene nima tototubo hokä o kuda ipoa-poaka, deʼ hokä o hapi magogiria o momo iol̄omo.

O YEREMIA 8:4

Ma Jou wohihuloko ngohi tahetongo Ai umatika hoko nënanga, ”Nako o nyawa woruba, marai ünanga aha womomikoli, deʼ nako o ngekomika dewo hihanga marai ünanga aha womakilioro.

O YEHEZKIEL 25:6

Ma Jou Duru woko Kurutil̄e wotemo, ”Ngini nipopoka ikali niselo nimorene. Ngini nia legaikaua o Israeloka manga tonaka.

O YEHEZKIEL 35:15

hokä imatero nginiö nisanangi maöraha niä make o Israeloka Tongohi madutu, idadi duru kai rïdika, Hagala o l̄oku o Seir, ikali o Edom matonaka yamode-modekika aha idadi duru kairïdika. Done mata-mata o nyawa aha ihi öriki Ngohila o Jou.’ ”

O AMOS 9:11

Ma Jou wotemo, ”Aha iböa maöraha Ngohi tohigilio hoihira-hiraoli o Daud ai popareta. Oraha nënanga o popareta gënanga idadioka hokä o tau iruba iha. Mä hagala ma bebeno o mehele aha Tohidiai deʼ Tohi gokoli hiadono idadi hokaʼ ma hira inoli.

O OBAJA 1:12

Ipatutua ngona nosanangi mangale o Yehuda manyawa manga wowango i hasilua deʼ nomorene mawange aniriadodoto gënanga yobinaha. Ipatutua ngona noma hil̄e maöraha ünanga wohuha.

O MIKHA 4:10

Hei Yerusalem manyawa, nimahirikiti deʼ ni tidono hokä o ngoheka magogiria momagilianga! Hababu, öraha nënanga ngini kiani nia mal̄a o kota deʼ ni gögere o tonaka ilua-luasoka. Ngini kiani ni öiki o Babelika, mä dokengoka ma Jou aha wihipidili hagala nia haturuino.

O MIKHA 7:10

Mahira o haturu inä hikauku ngone deʼ yotemo, ”Kiaka ma Jou, o Jou Madutu gënanga?” Mä o öraha nënanga önanga aha yamake okia wadodiai ma Jou mangale ngone, deʼ önanga aha idadi yamal̄eke, Ngohe aha hahakihi tongone nanga haturu-haturu gënanga wa hohihanga deʼ wa pito-pitoko hokä o pëseke o ngekomoka.

O ZAKHARIA 12:8

O wange gënanga Ngohi aha tä goana o Yerusalem manyawa; deʼ duru yobö bole-bole ö önanga manga hidogoronaka aha idadi ima tero manga kuata o Daud. Onanga aha yätuda o Daud aidifauku hokä Ahi malaikati, iholoioli hokä Ngohi mahirete.

O MALEAKHI 4:2

Mä mangale ngini nihihi ngou-ngounu Ngohino, Ahi kuaha ihi hohalamati aha ipuda matero-tero o wange malako, deʼ madararono i ao ohi togumu. Ngini aha nibebasi deʼ nimorene hokä o hapi mangohaka daha ihupuino o kurungaino.

O MATIUS 4:16

O hoana manyawa yowango o huhutu magoronaka o dararono itotararono yamäkeoka! Yogö gogere o honenge mahuhutu mabereraka yadupudaka o dararono macahaya!”

O YOHANIS 16:20

Ningaku, ngini aha niari deʼ nidodora, mä o dunia aha imörene. Ngini aha niahininga ihuha, mä niahuha gënanga aha ingali idadi o mörene.

O YOHANIS 8:12

O Yesus wotemoli o nyawa yowöe-wöeika, wato, ”Ngohi o dunia madararono. O nyawa ihinïki Ngohi aha yotagiua o huhutu magoronaka, mä yamäke o dararono mangango.”

O KISAH RASUL-RASUL 26:18

mangale nahelenga önanga manga lako, hupaya önanga yohupu o huhutuino deʼ yowohama o dararono magoronaika; hupaya önanga yapidili o Ibilihi makuahaino, daha ma Jou Madutu wakuaha. De yongaku Ngohino, manga baradoha önanga aha iapongo deʼ onanga aha yodadi ma Jou Madutu aiumati wäiri-irikoka.’ ”

O KORINTUS MAHINOTOKA 4:6

Ma Jou Madutu wotemo, ”Kokiani o huhutu magoronaino ipuda o dararono,” ma Jou Madutu genangala wohipudaö o dararono gënanga tongone nanga hininga magoronaka, hupaya tongone nanga dibanga idadi tararono mangale homangarati ma Jou Madutu aimulia yatararono o Kristus aibionika.

O KORINTUS MAHINOTOKA 4:9

Ngomi mangangöe imihaturu, mä komaiwahi imimal̄aika o nyawa o diri mimatëngoka. Deʼ ngaroka mamoi-mamoi ngomi imigohara hiädono miruba, mä ngomi mihonengua.

O HIMATOKO 21:23

O kota gënanga iparaluua o wange malako ekola o mede yodihiwara, hababu ma Jou Madutu aimulia yatararono, deʼ ma Duba ma Ngohaka gënanga ganga toëna mahilo.

O HIMATOKO 22:5

Onanga aha yöparaluua o hilo ekola o wange malako madararono, hababu yöhutuokaua, deʼ Ma Jou Madutu mahirete aha wätararono önanga. Ho önanga aha yopareta hokä o koano kahiado-adonika.