O MIKHA 7:7 - MA JOU AI BUKU O ABARI MA OA

⁷ Mä ngone hïnganono ma Jouika; deʼ nanga ngongaku itö totomo ngone hidamä tongone nanga Jou Madutu. Unanga aha woihene tongone nanga niata deʼ wonahihalamati ngone.

O MIKHA 7:7 Iomraidhean Croise

O MAZMUR 37:7

Nidamä ma Jou de ani hininga madö dumuloa, Notamä de ani sabari hiädono Unanga okianaga Wadiai. Uha nohawatere karana o nyawa manga wowango ihasili, ekola yadodiai o tengeluku.

O YESAYA 45:22

Hei, dunia manyawa ningodumu, nimaidulu Ngohino hupaya ngini inïhihalamati, hababu duga-duga Ngohi ma Jou Madutu, koiwa mahomoa!

O YESAYA 25:9

O oraha gënanga o nyawa aha yotemo, ”I gou-goungu ünanga tongone nanga Jou Madutu; Unanga ngonehidodamä, hupaya ngone wonahihalamati. I goungu, nënanga o Jou, Unanga ngonehidodamä. O orahanënanga ngone houlili homore-morene, hababu Unanga wonahihalamatoka ngone.”

O MAZMUR 25:5

Nohï dotoko deʼ nohi tuda mangale towango imoteke Ani mau, hababu ka Ngona o Jou Madutu nohihi hohalamati, ngohi salalu tomahinganono Ngonaika.

O MAZMUR 130:5

Ngohi todama Ani bobatumu Jou, Ani jaji tönganono.

O MAZMUR 109:4

Onanga ihi kalaki ngohi, ngaroko ngohi tädora önanga, deʼ tahi niatoka önanga.

O YESAYA 12:2

I goungu, ma Jou Madutu gënanga wohihihohalamati, ngohi tingaku Unangika. Ngohi tohawanua, hababu Unanga wohihi kuata ngohi. Wohihihohalamati enagënanga ma Jou Madutu, Unangika ngohi tonyanyi.

O MAZMUR 65:2

Ipatutu ngomi mini higiriri Ngona o Sionoka, ya Jou Madutu, deʼmia totomo tongomi mia jaji Ngonaika.

O KEJADIAN 49:18

Ya Jou, nohidödöa-döaka o halamati, gënanga tödodamä.

O MAZMUR 38:15

Igoungu, ngohi hokä o nyawa yoihenua, deʼ karana gënanga toma lawanua.

O YESAYA 8:17

Ma Jou wangiunoka Ai diri o Yakub aidifaukuino, Ai umati, mä ngohi tingaku deʼ tinganono Unangika.

O MAZMUR 50:15

Nipöaka Ngohino maöraha ini hidehoto, Ngohi aha tinihibebasi ngini, deʼ ngini aha nihihigiriri Ngohi.”

O YESAYA 17:7

O wange gënanga o nyawa aha imaidulu yogahoko o roriwo Wohidödadadika, o Israeloka manga Jou Madutu wotebi-tebini.

O DANIEL 3:17

Nako Ma Jou Madutu miwihöhuba-huba wäkunu womi hihalamati ngomi o kalero i toka-tokarino gënanga deʼ anikuaha ino ahi Tuanga, maraioka Unanga aha Wadiai.

O HOSEA 12:6

Ma Jou Madutu gënanga ma Jou Duru Wo kokuaha. Ai romanga ena gënangala ma Jou. Deo romanga gënanga Unanga wo mau o nyawa yo puji Unangika.

O YOEL 1:19

Ngohi to gahoko o roriwo Ngona ika ya Jou hababu o momo o tonaka ilua-luasoka yo uku hagala o gota ma utu ma itoolenge deʼ ihonenge hokä yo uku.

O HABAKUK 2:1

Ngohi tomau todoa o menara to goa-oanil̄e, deʼ to damä okia ma Jou womau wotemo ngohino, deʼ sarakia Ai bobaluhu mangale ahi hininga ma böaka.

O BILANGAN 5:28

Mä o demo ma ade muna mahowonua, munanga imi koronaua o lolai deʼ kamakunohi o ngohaka mamake.

O MAZMUR 85:5

Nomi higilio hoi hira-hirali, ya Jou Madutu ngomi Nomi hihalamati, uha Nomi murukaoli ngomino.

O RATAPAN 3:24

Ma Jou ganga ahi arata womatengo-tengoka. Karana gënanga, ngohi tomahinganono Unangika.

O HABAKUK 2:3

Natulihi gënanga, hababu öraha nënanga maörahauawahi. Mä öraha gënanga deʼ ma japati iboa, deʼ okia Tohi nyata-nyata ngonaika maraioka aha idadi. Ngaroka nolega-lega ma dekanohi, mä nodamä dika! O öraha gënanga maraioka aha iboa deʼ aha itudaokaua.