O MIKHA 7:5 - MA JOU AI BUKU O ABARI MA OA

⁵ Uha niä ngaku nimakokadatekika, uha nimahi tangono nia dodiawoika. Nimahi dodiai deʼ nia demo-demo ngaroka ihi gihe-gihene ganga nia hekata mahirete.

O MIKHA 7:5 Iomraidhean Croise

O YEREMIA 9:4

Manga dodiawoika, o nyawa moi-moi kokiani ima hidodiai deʼ manga riadodoto madutu ma yakunua yängaku. Hababu hokä o Yakub hoko genangoli önanga, o nyawa moi-nyawa moi yätipu manga riadodoto. O nyawa moi-moi yotagi okiaika honanga la ihibarihi o fitana deʼ o tengeluku.

O MATIUS 10:16

”Niohininga nënanga: Ngohi tinïhuloko hokä o duba imägaku-gakunua, o serigala ihohatera mahi dogoronaka. Ngini kokiani nisawaro de nimä göana hokä o dodiha deʼ nia hininga irikoto hokä o namodara.

O MAZMUR 41:9

Onanga yato, ”Ai panyake duru itubuho, ünanga wakunokaua womomiki.”

O MAZMUR 141:3

Ya Jou, nögoana ahi uru deʼ natötailako ahi uru makai.

O RATAPAN 1:2

O hutu kaitaurika ënanga iari mahininga mahuha, makongo yoderero magotoakuku. Moiua yohöhohiningaino yomau yalaru ënanga. Enangika yosatiaua hagala ai dodiawo imaiduloka idadi ailawani.

O HAKIM-HAKIM 14:17

O wange tumidino madekana o rameanga gënanga o Simson ngoi hekata hoko genangika moari. De karana munanga hoko genangika miributu, daha o wange matumidoka, o Simson womihi ngahu o sumu-sumu gënanga mamangarati munangika. Daha o Simson ngoi hekata gënanga mohi ngahu o Filistin manyawaika.

O MAZMUR 38:14

Mä ngohi hokä o nyawa yatotopongono koto ihenua, hokä o nyawa yomou-mou koto temoua.

O YEREMIA 9:3

deʼ salalu imahidiai la yoeluku. O berera yamode-modekika, o diai ikuahaua maboboloi o hininga iriko-rikotua ima hihininga mahuka. Ma Jou wato, ”Ahi umati yodiai o dorou imatogu-togumua, önanga yomangakua Ngohi hokä toönanga manga Jou Madutu.”