O MIKHA 7:4 - MA JOU AI BUKU O ABARI MA OA

⁴ Duru yaö oa-oa deʼ duru manga hininga irö riko-rikoto onanginoö hokä o momo i rubu-rubu ma hohihika ibö baragunaua. Maöraha yadonoka ma Jou Madutu wä hukumu Ai umati hokä wahi döakoka o hohininga onangika itilakuru Ai nabi-nabi. O öraha nënanga ipudaka o ruaë toönanga manga hidogoronaka.

O MIKHA 7:4 Iomraidhean Croise

O YESAYA 10:3

Okia aha ngini nidiai ma Jou Madutu winihukumu ngini mawangeoka? Okia niakuata maöraha ”Unanga winïdotagao o bodito o berera magogurutoka de yaino? O nagonaika ngini aha nigahoko o roriwo? Okiaka aha ngini niangiunu nia kaya gënanga?

O YESAYA 22:5

Igoungu, ma Jou Duru Wokokurutil̄e deʼ Duru Wokokuaha wohitatapuoka o wange nënanga hokä iruaeuku mawange, o dodokana deʼ o huru-hara o Lolega maWaioka. O kota mabebeno-bebeno o mehele irubaka. O boaka yogahoko o roriwo igilaongo o dodoporonoka.

O YESAYA 55:13

O liwewuru mautu ahayatagali omomo irubu-rubu de ohihika, obunga madumule yatagali ohongana idoderemi. Genanga idadi hupaya Ngohi kaihi heto-hetongo; hokä ononako ikokakali ahaihihangua.”

O YEREMIA 10:15

Hagala o gomanga gënanga koiwa maija, ipatutu yahohedu deʼ ihikauku. Nako maoraha yadono önango ibinaha.

O YEREMIA 11:23

Ngohi tohitantuoka maöraha la tädotagao o bodito o Anatot ma nyawauku, deʼ nako toönanga manga hukumanga gënanga maöraha imahiadono, kaonyawa moiö ma aha koyootanua.”

O YEREMIA 46:21

Maboboloi manga tentara imä hewa-hewaino koima ngakunua hokä o hapi mangohaka iburereholi. Onanga yakunua imä riwo. Mata-mata imaidulu deʼ yopiringana hupaya yohalamati. O hukumanga mawange imahiadonoka onangika; maoraha yadonoka önanga yätapal̄u obodito.

O YEREMIA 8:12

Hei Ahi umati, kokiani ngini inï mal̄eke karana, nia diaioka mata-mata okia-kiaua yadae-daene gënanga! Mä ngini niabiono ipirini deʼ o mal̄eke nianakoua. Karana gënanga ngini aha inï otaka hokä o nyawa mahomoa yaota-otakoka; koiwaka nia jarita nako Ngohi tinihukumu ngini.

O YEHEZKIEL 2:6

Mä ngona, hei o nyawa nokokakaliua, uha nämodongo yopoputurungika gënanga, ekola okiaö dika önanga yotemo. Onanga aha inilawani deʼ inihikauku, hiädono matero-tero ngona nowango o kokakatama mahidogoronaka. Ngaro hoko gënanga, uha nohawana.

O YEHEZKIEL 28:24

Ma Jou wotemo, ”Hagala o berera nimakokadateke mamoi iböto yahikokauku o Israel, koiwakaoli marupa o momo i ruba-ruba deʼ ihohihika yadiai o hiri o Israeloka. Onanga aha yamao Ngohila o Jou Duru toko Kurutil̄e.”

O AMOS 8:2

Ma Jou wohi leha, ”Ngona okia na make, Amos?” Ngohi to haluhu, ”O gahumu moi o karaja madol̄a o hohoko-hohoko ma gomu-gomuku.” Ma Jou wotemo, ”Maöraha iamukoka mangale o Israeloka Ahi umati. Ngohi aha ta ngaliokaua Ahi datoro deʼ marai oka aha tä hukumu önanga.

O NAHUM 1:10

Ngona aha ini harongo hokä o gandum ma röehe madoolenge hokä o momo irubu-rubu mahohihika ima kokurugihino.

O LUKAS 21:25

”Ahao o wange malakoka, o mede, deʼ o murumu o dihangoka aha yamäke o nonako-nonako. O duniaka o hoana de o berera manyawa aha yohawana deʼ yobingu yöhimanga o moku-moku maruruhu deʼ o lulu o ngötoka.

O IBRANI 6:8

Mä nako o tonaka gënanga ihihasili o nguhumu deʼ o momo mahohihika, done o tonaka gënanga koiwa mafaidä deʼ done aha ma Jou Madutu walolai deʼ mabobahaka yamata yatuhuku.