O MIKHA 7:2 - MA JOU AI BUKU O ABARI MA OA

² O nyawa manga hininga iriko-rikoto yohihangoka o bereraka, o nyawa yo sosetia ma Jou Madutuika hä makeokauaoli. Moi-moi o nyawa yodamä o öraha mangale yo toma. Moi-moi ihiakana o modoi imahikoka nyawaika.

O MIKHA 7:2 Iomraidhean Croise

O MAZMUR 12:1

Mangale yonyä nyanyi manga tutuda. Imoteke o lugo ma tufangeoka. O Daud ai Mazmur.

O MAZMUR 12:2

Nomï riwo ngomi, ya Jou, hababu moiokaua o nyawa maoa, o nyawa yososatia Ngonaika yokokihihangoka.

O MAZMUR 57:6

Ya Jou Madutu, nohidumutu Ani mulia o dihangoka, deʼ Ani mulia o dunia yamode-modekika.

O AMSAL 1:11

O demo maade önanga yotemo, ”Ika, naino ngone holingiri o nyawa deʼ hïguruhe ünanga. Homa hiliba-liba, naino ngone hängika o nyawa yohowo-howonua.

O AMSAL 12:6

O nyawa madorou manga demo-demo yähohonenge; o nyawa manga hininga iriko-rikoto manga demo-demo yähihalamati.

O YESAYA 3:5

Hagala o nyawa aha imakutuku. O nyawa o gogoduru yalegaikaua o nyawa yobalu-baluhu, deʼ o nyawa manga hohumujuru ya legaikaua o nyawa manga pako-pako.

O YESAYA 57:1

Onyawa maoa de manga wowango itebi-tebini yohonenge, de koiwa imangarati ekola yohohininga. Yohonengoka, önanga yootana de obodito de imahi batongo de madame.

O YESAYA 59:7

Ngini kasalalu nihidatoro itotorou, deʼ nionahihu itaiti niadiai. Nidodatoua ngini niatoma onyawa yahowo-howonua. Kiaikadika ngininioiki, ngininiamal̄aika ikilianga deʼ obinaha.

O YESAYA 9:19

O berera gënanga ingodumu o nyawa imateke dohigoraka deʼ yaol̄omo okiadika yakunu yaol̄omo, mä yamaoua yapunuhu. Koaholi önanga yäol̄omo toönanga manga dodiawo mahirete.

O YEREMIA 16:16

Ma Jou wotemo, ”Ngohi tomau tä ahoko manga ngöe o nawoko yotago-tagoko layätagoko o nyawa neönanga. Deipaha Ngohi aha ta ahoko manga ngöe yo l̄ia-l̄ia layal̄ia önanga o l̄oku deo doporono yögeto-getongo, deʼ o doporono o helewo ma aru-arukika.

O YEREMIA 5:16

deʼ yotötoi-toimi önanga duru yokuata de yobarani; önanga yotoma koiwa mahayanga dema dora.

O YEREMIA 5:26

Hei Ahi umati, tingini nia hidogoronaka naga o nyawa madorou. Hokä o nyawa wohi aka-akanika o modoi la wotagoko o totaleo, hoko genangoli önanga ihiakana o modoi layä tagoko o nyawa.

O YEREMIA 8:6

Ngohi tohigihenoka tohidodiai, mä ngini nitemo koiwa itiai. Kaimatengoö de moiua nginino imatoduba manga manarama itotorou. Moiua naga yotemo, ’Okia ahi howono?ʼ Ngini mata-mata nianonu niangekomo mahirete hokä o kuda yöngohama o parangi magoronaika.

O RATAPAN 4:18

Ngomi miakunua mihupu o ngekomika, karana salalu imihi donga-donga mia lawani. Tongomi mia ngango mabaha imahi tigioka, karana hagala mia wange iganapuoka.

O YEHEZKIEL 22:12

Nagaö yodadi yabangu yotoma, yahï hihihi o nyawa deʼ yateo-teo hagala o nyawa imakohoana moi. Onanga mata-mata ihi wohangoka Ngohi. Ngohi o Jou Duru toko Kurutil̄e totemoka.

O YEHEZKIEL 24:6

Ma Jou Duru wokoKurutil̄e wotemo, ”Ibodito o kota iömanga deʼ o doma gënanga! Kota gënanga hokä o bohoko mapopariama komaiwahi yafika. Ohiode ma akeme naga magoronaka ihi hupu o luiti moi-moi hiädono o luiti moiö mä koiwa igogogerohi.

O HOSEA 5:1

Ma Jou wätemo, ”Ni ihene, hei imam-imam! Nia tailako nihi dodiai, hei Israel manyawa! Ni ihene, hei kokoano manga difauku! O hukumanga ini di tifa ka ngini uku. Hababu, kokiani ngini ni ahi juru hakimi de o adili, mä i dulu yaino ngini ni dadioka hokä o dadagoko o Mizpaoka, hokä o modoi o Tabor mal̄okuoka,

O HOSEA 6:9

Hagala o imam o kota ka gënanga hokä o doomu moi yo ora-ora yä gogoana o nyawa ya kokaino. O ngekomo yö dumutu o ngï i tebi-tebinika o Sikhem ö onangö ma yodiai o doma! Mata-mata o dorou gënanga önanga yadiai dede yohangaja.

O MIKHA 2:8

Ma Jou wo haluhu, ”Nginila nia parangi Ahi umati hokä o haturü. O nyawa yo lio o parangoka deʼ ya ino deʼ manga nganono aha wa mao wo sanangi ai tauoka, ena hioko dokengoka koaholi ngini ni wi damä mangale nia ora ai tau.

O MIKHA 3:10

Ngini nihi goko o Yerusalem, ma Jou Madutu Ai kota, nihi hol̄e deʼ o doma deʼ koi adilua.

O MIKHA 3:2

mä ngini koaholi nio dohata o oa-oa, deʼ ni sanangi i totorou, Ahi höana de ahi berera ngini nia helenga manga kai nia hingangoika, deʼ ngini nia kakihi manga akeme hagala manga kobongoka.

O ZAKHARIA 11:6

Ngohi tolukokali tä dora o nagonaika ö o bereraoka nënanga. Ngohi mahirete aha tä hilapahi yongodu-ngodumu yokökuahaika. Onanga gënanga aha yawedere o berera nënanga deʼ Ngohi aha ta oraua toönanga manga kuahaino.”

O KISAH RASUL-RASUL 24:9

O Yahudioka manyawa genangokaö imahimoteke iwikalaki o Paulus deʼ ihigoungu mata-mata wotemo o Tertulus.

O SAMUEL MADODIHIRAKA 24:11

O öraha nënanga Jou Koano namao mahirete o aruku ma goronaka kangano, ma Jou wohihilapahioka Jou Koano ngohino. Ngohi ihi bajaka mangale o nyawa moi-moi hupaya toni toma Jou Koano, mä ngohi toluku. Ngohi tohaluhu ngohi toluku tihangihara tongohi ahi koano wïö iri-irikoka ma Jou.

O SAMUEL MADODIHIRAKA 26:20

Uha noho mal̄aika ngohi tohonenge o tonaka mahomoaka, tokurutika deʼ ma Jou. Okia mafaidä o Israeloka manga koana woboa mangale wä toma moi o gumemene hokä ngohi nënanga? Okia mafaidä ünanga wohi ginïki ngohi hokä o nyawa yoginïki o meleu?”